Жаңылыктар

26 Sep 2022 Кескин керектүү импорт товарларынын айрым түрлөрүнө карата алымдардын нөлдүк чендери жана тарифтик жеңилдиктер 2023-жылдын март айынын аягына чейин узартылат Евразия экономикалык комиссиясынын Кеңеши тараптардын кескин керектүү импорт товарларынын айрым түрлөрүнө карата алып келүү бажы алымдарынын нөлдүк чендеринин жана тарифтик жеңилдиктердин аракетинин мөөнөтүн 2023-жылдын 31-мартына чейин узартуу жөнүндө сунуштарын жактырды. ЕЭК Коллегиясынын компетенциясына кирген бир катар товардык позициялар боюнча чечим Комиссиянын Кеңешинин тапшырмасы боюнча жакынкы убакытта кабыл алынмакчы. "Жазында кабыл алынган бажы-тарифтик жөнгө салуу чаралары оң натыйжа бергенине карабастан, айрым кескин керектүү позициялар боюнча алымдарды нөлгө түшүрүү же тарифтик жеңилдиктер жарым жылга узартылмакчы. Кеп баштапкы тизмедеги товарлардын болжол менен төрттөн бир бөлүгү жөнүндө болууда", - деп белгиледи ЕЭКтин соода боюнча министри Андрей Слепнев. Атап айтканда, узартуу төмөнкү чийки заттарга тиешелүү болмокчу: фармацевтикалык жана химиялык продукциялар, лактар, боектор, текстиль жана булгаары иштетүү үчүн каражаттар, желимдердин жана крахмалдардын айрым түрлөрү, пластмасса, резина жана алардан жасалган буюмдар, целлюлозадан айрым буюмдар, жүн, пахта жана зыгырдан чийки заттар, химиялык жиптер, ийрилген жиптер жана булалар. Ошондой эле тизмеге дары-дармек каражаттары, медициналык жабдуулар, лабораториялык изилдөөлөр үчүн реагенттер сыяктуу бир катар даяр буюмдар кирет. Чечимдер 2022-жылдын 1-октябрынан тарта келип чыккан укук мамилелерине карата колдонулат. Маалымат ЕАЭБтин экономикалык туруктуулугун жогорулатууга жана тышкы басым шарттарында ички рынокту керектүү товарлар менен толтурууга багытталган биринчи кезектеги колдоо чараларын көрсөтүү максатында, буга чейин ЕЭК Кеңешинин төмөнкү чечимдери кабыл алынган: 2022-жылдын 17-мартындагы № 37, 2022-жылдын 5-апрелиндеги № 46, 2022-жылдын 15-апрелиндеги № 76, ошондой эле ЕЭК Коллегиясынын 2022-жылдын 12-апрелиндеги № 63 жана 2022-жылдын 19-апрелиндеги № 66 чечимдери. Бул чечимдерде товарлардын кеңири номенклатурасына (ЕАЭБ ТЭИ ТНдин 1307 коддору) карата алып келүү бажы алымдарынын чендерин 2022-жылдын 30-сентябрына чейин нөлгө түшүрүү каралган. Чара ЕАЭБдин бир катар өлкөлөрүндө даяр продукциянын керектөөчүлөрүнө да, импортко көз каранды өндүрүүчүлөргө да олуттуу колдоо көрсөтүүгө мүмкүндүк берген.
23 Sep 2022 Андрей Слепнев: "2023-жылы Евразия экономикалык форумунун алкагында Индонезия менен бизнес-диалог жүргүзүү сунушталууда" Бул туурасында Евразия экономикалык комиссиясынын соода боюнча министри Андрей Слепнев ЕЭК Кеңешинин мүчөлөрү Москвада кол койгон тиешелүү тапшырмага комментарий берип жатып билдирди. Акыркы чечим өнөктөш өлкөнүн өкүлдөрү менен маселени иштеп чыгууну эске алуу менен кабыл алынат. "Жакында Жогорку Евразия экономикалык кеңеши Индонезия менен эркин соода келишимин түзүү боюнча сүйлөшүүлөрдү баштоо жөнүндө чечим кабыл алды. Кийинки жылы сүйлөшүүлөр процесси жигердүү фазада болот деп ишенебиз, ал эми бизнес-диалогду жүргүзүү эң актуалдуу маселелерди жана темаларды талкуулоого өбөлгө түзөт", – деп белгиледи Андрей Слепнев. Буга байланыштуу, ал Индонезия АСЕАНдагы ири экономика жана калкынын саны боюнча дүйнөдөгү төртүнчү өлкө экендигин, ал эми эксперттердин буга чейинки иши биздин мамлекеттердин ортосундагы соода мамилелери олуттуу потенциалга ээ экиндигин көрсөткөндүгүн белгилеп өттү.  Маалымат Статистика маалыматтарына ылайык, 2021-жылы ЕАЭБдин Индонезия менен соода жүгүртүмү 2020-жылга салыштырмалуу 41,5%га өсүп - 3,7 млрд долларга жеткен. Экспорт 34,1%га, ал эми импорт 44,5%га өскөн. Индонезия Республикасы менен эркин соода келишимин түзүү боюнча сүйлөшүүлөр ЖЕЭКтин 2022-жылдын 27-майындагы № 6 чечимине ылайык жүргүзүлөт. Евразия экономикалык форуму Бирликтин органдарында, Жогорку Евразия экономикалык кеңешинде, Евразия өкмөттөр аралык кеңешинде жана ЕЭК Кеңешинде төрагалык кылган Бирликтин мүчө мамлекеттеринде жыл сайын кезек менен өткөрүлүүчү, Евразия экономикалык бирлигинин экономика чөйрөсүндөгү ишкердик иш-чарасы болуп саналат. 2023-жылы Бирликтин органдарына Россия Федерациясы төрагалык кылат.
23 Sep 2022 Жеке жактар үчүн товарларды алымсыз алып келүүнүн 1000 еврого чейинки босогосунун аракети 2023-жылдын 1-апрелине чейин узартылды Евразия экономикалык комиссиясынын Кеңешинин 23-сентябрдагы отурумунда жеке жактар үчүн товарларды алымсыз алып келүүнүн 1000 еврого чейинки босогосунун аракетин 2023-жылдын 1-апрелине чейин узартуу чечими кабыл алынган. Буга чейин Комиссиянын Кеңеши ташуучулар же почта аркылуу ташылган, ошондой эле аба же жөө тартипте ташуудан башка, транспорттун бардык түрлөрү менен ташылып келген товарлар үчүн алымсыз алып келүүлөрдүн босогосун 1000 еврого чейин көтөргөн. Мындай босого убактылуу негизде ушул жылдын 1-октябрына чейин белгиленген. Аталган чараны узартуу санкциялык басымдар орун алган шарттарда жарандарды колдоого жана зарыл товарлардын жана кескин керектүү импорттун тартыштыгынан качууга мүмкүндүк берет. Маалымат Буга чейин кабыл алынган чечимдерге шилтемелер: - товарларды багаж менен же жөө тартипте алып келүү боюнча чечим; - товарларды ташуучулар же почта жөнөтүүлөрү менен алып келүү боюнча чечим.
23 Sep 2022 ЕЭК жана VK социалдык тармактан "пираттык" контентти алып салуу механизмин иштеп чыгышты Евразия экономикалык комиссиясы авторлордун жана мыйзамдуу укук ээлеринин укуктарын бузган санариптик контенттин таралышына каршы аракеттенүү боюнча механизмди түзүү үчүн, Евразия экономикалык бирлигинин өлкөлөрүнүн IT-компанияларынын, анын ичинде VK өкүлдөрү (компанияга "ВКонтакте", "Одноклассники" жана "Мой мир" социалдык тармактары таандык) менен бир катар консультацияларды өткөрдү. Социалдык тармактардан "пираттык" контентти ыкчам алып салуу механизмин иштеп чыгуунун зарылдыгы, азыркы убакытка чейин колдонулуп жаткан тартипте, мындай контент соттун тиешелүү чечими күчүнө киргенден кийин гана алып салуу каралгандыгына байланыштуу. Иш жүзүндө, бул абдан узак процесс жана бул убакыт аралыгында мыйзамсыз контент тармакта жайылып, мыйзамдуу укук ээлерине зыян келтирип келген. ЕЭКтин дарегине өз билдирүүлөрүндө бул көйгөй туурасында Интернетте автордук укуктарды коргоо боюнча укук ээлеринин, лицензиарлардын жана лицензиаттардын ассоциациясы билдирген. Консультациялардын жыйынтыгы боюнча иштелип чыккан механизм, укук ээсинин мыйзамсыз жайгаштыруу жөнүндө арызы келип түшкөндөн кийин бир нече сааттын ичинде социалдык тармактан "пираттык" контентти алып салууга жардам берет. ЕЭКтин атаандаштык жана монополияга каршы жөнгө салуу боюнча министри Арман Шаккалиев жаңы механизмге комментарий берип жатып, интеллектуалдык ишмердүүлүктүн натыйжаларын коммерциялаштыруунун санариптик куралдары олуттуу киреше алып келе тургандыгын жана бул рынокто өнүккөн атаандаштык чөйрөсү пайдалануучулардын жана укук ээлеринин кызыкчылыктарынын тең салмактуулугуна жетишүүгө мүмкүндүк берерин белгиледи. "Евразия экономикалык комиссиясы ЕАЭБдин монополияга каршы органдары жана IT-компаниялардын өкүлдөрү менен биргеликте, санариптик рыноктордо ак ниет атаандаштыкты колдоо үчүн зарыл болгон инструменттерди иштеп чыгуунун жана мындан аркы өз ара аракеттенүүнүн зарылдыгы туурасында жалпы түшүнүккө жетишишти", – деп белгиледи министр.
23 Sep 2022 Мамлекеттик санитардык-эпидемиологиялык көзөмөл тобокелдикти баалоо менен толукталды Евразия экономикалык комиссиясынын Кеңеши 23-сентябрда Евразия экономикалык бирлигинин бажы аймагында жана чек арасында мамлекеттик санитардык-эпидемиологиялык көзөмөлдү (контролду) жүргүзүү тартибине өзгөртүүлөрдү кабыл алды. Жаңылыктар документке тобокелдикке баа берүүнү эске алуу менен мамлекеттик санитардык-эпидемиологиялык көзөмөлдү (контролду) жүргүзүү жөнүндө жоболорду киргизүүгө багытталган. Бул кыйла "тобокелдик топторундагы" продукцияны колдонууда/пайдаланууда адамдын организмине терс таасирди болтурбоого мүмкүндүк берет. Продукциянын кыйла "тобокелдик топторун" белгилөөгө, ага көзөмөлдү күчөтүүгө жана адамдын ден соолугуна зыян келтирүүнүн жогорку тобокелдиктерин түзбөгөн продукцияга карата административдик жүктү азайтууга жардам берет. Мындан тышкары, продукцияны өндүрүүчүлөргө жана жеткирүүчүлөргө административдик жүк азаят. Көзөмөл тартибинде бекитилген ченем ушул жылдын 31-мартында Евразия экономикалык бирлиги жөнүндө келишимге киргизилген.
23 Sep 2022 ЕЭК Кеңешинин 2022-жылдын 23-сентябрындагы отурумунун жыйынтыктары Евразия экономикалык комиссиясынын Кеңеши 23-сентябрдагы отурумунда Евразия экономикалык бирлигинин өлкөлөрүндө көп жолу колдонулуучу электрондук сигареталарды жана ушул сыяктуу жеке электрондук буулантуучу түзмөктөрдү унификацияланган эрежелер боюнча маркалоону киргизүү жөнүндө чечим кабыл алды. ЕЭК Кеңеши тарабынан Бирликтин өлкөлөрүндө тышкы электрондук соода жаатында пилоттук долбоорду жүргүзүүдө колдонулуучу экспресс-жүктөр үчүн товарларга карата декларацияларга түзөтүүлөрдү толтуруунун өзгөчөлүктөрүн аныктоо мүмкүнчүлүгү караштырылган.  ЕЭК Кеңешинин мүчөлөрү Индонезия Республикасы менен бизнес-диалог жүргүзүү боюнча тапшырмага кол коюшту. Бирликтин сүткө жана балдар жана өспүрүмдөр үчүн продукцияга карата техрегламенттерине өзгөртүүлөр киргизилди. Орфандык жана жогорку технологиялык дары-дармек препараттарын маркалоо тутумун жөнөкөйлөштүрүү бекитилди. ЕАЭБ бажы аймагында жана чек арасында мамлекеттик санитардык-эпидемиологиялык көзөмөл (контроль) жүргүзүү тартибине өзгөртүүлөр кабыл алынды. Жеке жактар үчүн товарларды алымсыз алып келүүнүн 1000 еврого чейинки босогосунун аракетин 2023-жылдын 1-апрелине чейин узартуу чечими кабыл алынды. ЕЭК Кеңешинин мүчөлөрү Бирликтин бажы аймагында ветеринардык багыттагы диагностикалык каражаттарды жүгүртүүнү жөнгө салуунун бирдиктүү эрежелерин кабыл алышты. ЕЭК Кеңешинин кийинки отуруму 7-октябрда видеоформатта өткөрүлмөкчү.
23 Sep 2022 ЕЭКтин Жаштар кеңеши жана Россиянын Жаштар иштери боюнча федералдык агенттиги кызматтыштыкты тереңдетишет 21-сентябрда Жаштар иштери боюнча федералдык агенттикте (Росмолодежь) ЕЭКтин протокол жана уюштуруучулук камсыздоо департаментинин директору, Жаштар кеңешинин төрагасы Данияр Турусбековдун жана аталган Агенттиктин жетекчисинин орун басары Денис Ашировдун жумушчу жолугушуусу болуп өттү. Жолугушуунун жүрүшүндө ЕАЭБтин жаштар күн тартибиндеги төмөнкү актуалдуу маселелер талкууланды: - Чолпон-Ата шаарында, Кыргыз Республикасы, КМШ жана ЕАЭБдин I Жаштар форумун өткөрүүнүн жыйынтыктары, анын ичинде ЕАЭБ өлкөлөрүнүн өкмөттөрүнүн жана эл аралык уюмдардын жетекчилиги менен ишкер эртең мененки тамак учурунда сунушталган жаштар делегацияларынын катышуучуларынын демилгелери; - ЕЭК Коллегиясынын Төрагасынын жаштар демилгелерин ишке ашыруунун Евразия фондун түзүүгө тиешелүү демилгеси; - 2023-жылы Россия Федерациясынын ЕАЭБ органдарында төрагалыгынын алкагында биргелешкен долбоорлор жана 2021-2022-жылдары өткөн биргелешкен иш-чаралар; - ЕАЭБ мейкиндигинде стажировкалардын, жаштар ишкердигинин жана жаштар туризминин жалпы программасынын маселелери. Тараптар ошондой эле 2022-2024-жылдарга Кызматташуу программасын толуктап иштеп чыгуу жана кол коюу боюнча ишти активдештирүүнү макулдашышты. Данияр Турусбеков Евразия экономикалык комиссиясында жаштар демилгелерин кароо жана иштеп чыгуу боюнча "бирдиктүү терезе" түзүү жана өнүктүрүү боюнча Коллегиянын Төрагасынын тапшырмасын ишке ашыруу боюнча Комиссияда жүргүзүлүп жаткан иштер жөнүндө айтып берди. Жыйынтыгында Данияр Турусбеков Жаштар иштери боюнча федералдык агенттиктен кесиптештерине КМШ жана ЕАЭБдин I Жаштар форумунда жүргүзгөн жигердүү иштери үчүн өзгөчө ыраазычылык айтып жана Евразия экономикалык бирлигинин жыргалчылыгы үчүн мындан аркы жемиштүү кызматташууга ишенимин билдирди.
23 Sep 2022 ЕАЭБде ветеринардык багыттагы диагностикалык каражаттарды жүгүртүү бирдиктүү эрежелер боюнча жөнгө салынат Евразия экономикалык комиссиясынын Кеңешинин мүчөлөрү Евразия экономикалык бирлигинин бажы аймагында ветеринардык багыттагы диагностикалык каражаттарды жүгүртүүнү жөнгө салуунун бирдиктүү эрежелерин кабыл алышты. Документ ветеринардык багыттагы диагностикалык каражаттарды жүгүртүүнү жөнгө салуунун бардык чөйрөсүн камтыйт. ЕАЭБ эрежелеринде ветеринардык багыттагы диагностикалык каражаттарды каттоонун бирдиктүү жол-жоболору, алардын сапатына карата бирдиктүү талаптар жана аларды баалоо критерийлери, ошондой эле аларды жүгүртүү чөйрөсүндө мамлекеттик контролду (көзөмөлдү) жүзөгө ашырууда ЕАЭБ өлкөлөрүнүн ыйгарым укуктуу органдарынын маалыматтык өз ара аракеттенүүсүнүн бирдиктүү форматы белгиленет. Азыркы убакытка чейин ветеринардык багыттагы диагностикалык каражаттарды жүгүртүүнүн бардык аспектилери улуттук мыйзамдардын алкагында жөнгө салынган, бул Бирликтин бажы аймагында ветеринардык багыттагы диагностикалык каражаттарды жүгүртүү үчүн ЕАЭБдин бир катар мамлекеттеринин ишке ашырылбаган укуктарынын себеби болуп келген. Кабыл алынган документ ЕАЭБдин ветеринардык багыттагы диагностикалык каражаттарынын жалпы рыногунун иштеши жана өнүгүшү үчүн кыйла ыңгайлуу шарттарды түзөт. ЕЭК Кеңешинин чечими менен өткөөл мезгилдер белгиленди. ЕАЭБ эрежелери эки этап менен күчүнө кирет: - аларды бекитүү жөнүндө чечим күчүнө кирген күндөн тартып 24 айдан кийин - Армения Республикасы, Беларусь Республикасы, Казакстан Республикасы, Россия Федерациясы үчүн; - аларды бекитүү жөнүндө чечим күчүнө кирген күндөн тартып 48 айдан кийин - Кыргыз Республикасы үчүн. ЕАЭБ эрежелери күчүнө кирген күнгө чейин берилген, ветеринардык багыттагы диагностикалык каражаттардын каттоо күбөлүктөрү Бирликтин бажы аймагында Бирлик өлкөлөрүнүн мыйзамдарына ылайык белгиленген мөөнөттөрдүн ичинде, бирок 2028-жылдын 31-декабрынан кеч эмес жарактуу болот. ЕАЭБ мыйзамдарына ылайык катталган ветеринардык багыттагы диагностикалык каражаттардын каттоо досьелери 2028-жылдын 31-декабрына чейин Бирликтин эрежелерине шайкеш келтирилүүгө тийиш.
Дагы көрсөтүү