бел

Дзяржаўная падтрымка сельскай гаспадаркі дзяржаў-членаў Еўразійскага эканамічнага саюза

 
У рамках Еўразійскага эканамічнага саюза дзяржаўная падтрымка сельскай гаспадаркі ажыццяўляецца ў адпаведнасці з падыходамі згодна Пратаколу аб мерах дзяржаўнай падтрымкі сельскай гаспадаркі (Дадатак № 29 да Дагавора аб Еўразійскім эканамічным саюзе ад 29 мая 2014 года, далей – Пратакол, Дагавор аб ЕАЭС – адпаведна). 


У мэтах уніфікаванага разліку аб'ёму і ўзроўню мер дзяржаўнай падтрымкі сельскай гаспадаркі Саветам Камісіі зацверджана Метадалогія разліку дазволенага ўзроўню мер дзяржаўнай падтрымкі сельскай гаспадаркі, якія аказваюць скажаючае ўздзеянне на ўзаемны гандаль дзяржаў-членаў ЕАЭС сельскагаспадарчымі таварамі (Рашэнне Савета Камісіі ад 18 кастрычнiка 2016 г. № 163).

Згодна з Дагаворам спрэчкі ў дачыненні да мер дзяржаўнай падтрымкі сельскай гаспадаркі вырашаюцца шляхам правядзення перамоваў i кансультацый пры ўдзеле Камісіі. У цяперашні час у ЕАЭС адсутнічае практыка вядзення такіх спрэчак, тым не менш прынятая Рэкамендацыя Калегіі Камісіі ад 28 лютага 2017 г. № 6 «Аб Парадку арганізацыі і правядзення перамоваў і кансультацый па спрэчках, звязаных з рэалізацыяй узгодненай (скаардынаванай) аграпрамысловай палітыкі, уключаючы пытанні дзяржаўнай падтрымкі сельскай гаспадаркі» будзе спрыяць вырашэнню міждзяржаўнай спрэчкі, не даводзячы яе да разгляду ў Судзе Еўразійскага эканамічнага саюза.

Згодна з пунктам 82 Статута Суда ЕАЭС пры разглядзе спрэчак, прадметам якіх з'яўляюцца пытанні прадастаўлення мер дзяржаўнай падтрымкі сельскай гаспадаркі, ствараюцца спецыялізаваныя групы. У адпаведнасці з пунктам 94 Статута Суда ЕАЭС Вышэйшым Еўразійскім эканамічным саветам прынята Рашэнне ад 26 снежня 2016 г. № 29 «Аб аплаце паслуг спецыялізаваных груп, якiя ствараюцца Судом Еўразійскага эканамічнага саюза ў рамках разгляду спрэчак, прадметам якіх з'яўляюцца пытанні прадастаўлення прамысловых субсідый, мер дзяржаўнай падтрымкі сельскай гаспадаркі».

У выпадку парушэння абавязацельстваў у галіне дзяржаўнай падтрымкі сельскай гаспадаркі дзяржава-член ЕАЭС выплочвае іншым дзяржавам-членам ЕАЭС кампенсацыю ў памеры, роўным аб'ёму парушэння. Парадак выплаты кампенсацыі ўсталяваны Рашэннем Савета Камісіі ад 13 студзеня 2017 г. № 7 «Аб Парадку выплаты кампенсацыі ў выпадку парушэння дзяржавай-членам ЕАЭС абавязацельстваў у галіне дзяржаўнай падтрымкі сельскай гаспадаркі».


У сферы дзяржаўнай падтрымкі сельскай гаспадаркі Дэпартамент аграпрамысловай палітыкі ў адпаведнасці з артыкулам 95 Дагавора аб ЕАЭС ажыццяўляе:

- правядзенне маніторынгу і параўнальна-прававога аналізу заканадаўства дзяржаў-членаў ЕАЭС у галіне дзяржаўнай падтрымкі сельскай гаспадаркі на прадмет яго адпаведнасці абавязацельствам у рамках Саюза. Рашэннем Калегіі Камісіі ад 21 лістапада 2017 г. № 160 зацверджана Палажэнне аб правядзенні маніторынгу і параўнальна-прававога аналізу заканадаўства дзяржаў-членаў ЕАЭС у галіне дзяржаўнай падтрымкі сельскай гаспадаркі. У адпаведнасці з Палажэннем разгляд вынікаў маніторынгу заканадаўства дзяржаў-членаў ЕАЭС ажыццяўляецца ў рамках пасяджэння рабочай групы па напрамку «Дзяржаўная падтрымка сельскай гаспадаркі» не радзей за адзін раз у тры месяцы;
 
 - аказанне садзейнічання ў арганізацыі кансультацый і перамоваў па пытаннях гарманізацыі заканадаўства дзяржаў-членаў у галіне дзяржаўнай падтрымкі сельскай гаспадаркі, у тым ліку па пытаннях вырашэння спрэчак, звязаных з выканеннем абавязацельстваў у галіне дзяржаўнай падтрымкі сельскай гаспадаркі;
 
- падрыхтоўку і прадастаўленне дзяржавам-членам аглядаў у сферы дзяржаўнай падтрымкі сельскай гаспадаркі з рэкамендацыямі па павышэннi эфектыўнасці дзяржаўнай падтрымкі аграрнага сектара. Штогод дзяржавы-члены ЕАЭС накіроўваюць у Камісію апавяшчэнне аб прадастаўленай дзяржаўнай падтрымцы сельскай гаспадаркі за справаздачны перыяд і апавяшчэнне аб планаванай дзяржаўнай падтрымцы сельскай гаспадаркі ў бягучым годзе ў адпаведнасці з формамі, зацверджанымі Рашэннем Савета Камісіі ад 18 кастрычнiка 2016 г. № 163. З мэтай комплекснай ацэнкі эфектыўнасці дзяржаўнага рэгулявання аграрнага рынку і дзяржаўнай падтрымкі сельскай гаспадаркі распрацавана адпаведная Метадалогія, ухваленая Рэкамендацыяй Калегіі Камісіі ад 24 красавіка 2017 г. № 11. У адпаведнасці з узгодненымі метадалагічнымі падыходамі праведзена аналітычная праца, вынікам якой сталі прапановы па павышэннi эфектыўнасці мер дзяржаўнага рэгулявання аграрнага рынку і дзяржаўнай падтрымкі сельскай гаспадаркі (Рэкамендацыя Калегіі Камісіі ад 27 лістапада 2017 г. № 28);
 
- аказанне садзейнічання дзяржавам-членам па пытаннях, звязаных з разлікам аб'ёмаў дзяржаўнай падтрымкі сельскай гаспадаркi.

Рэсурсы ЕАЭС