Навіны
ЕЭК прадоўжыла тэрмін дзеяння паніжанай мытнай пошліны на асобныя віды корму для рыбы ласасёвых парод
Калегія Еўразійскай эканамічнай камісіі прыняла рашэнне прадоўжыць тэрмін дзеяння паніжанай стаўкі ўвазной мытнай пошліны на асобныя віды корму для рыбы ў памеры 3% да 31 снежня 2023 года. Дзеючая стаўка Адзінага мытнага тарыфу Еўразійскага эканамічнага саюза складае 5% ад мытнага кошту.
«Рашэнне накіравана на павелічэнне аб’ёмаў прамысловага вырошчвання рыбы сямейства ласасёвых у краінах Еўразійскага эканамічнага саюза, а таксама развіццё вытворчасці прадукцыі аквакультуры», – адзначыў дырэктар Дэпартамента мытна-тарыфнага і нетарыфнага рэгулявання ЕЭК Ваагн Казаран.
Ён таксама нагадаў пра тое, што ў адпаведнасці з Рэкамендацыяй Калегіі Камісіі ад 21 красавіка 2020 г. № 8 у ЕАЭС быў прапанаваны для рэалізацыі комплекс мер па развіцці супрацоўніцтва ў сферы аквакультуры, які закранае абнаўленне матэрыяльна-тэхнічнай базы рыбаводных арганізацый, а таксама стварэнне і развіццё магутнасцяў па вытворчасці спецыялізаваных кармоў для рыбы.
На сённяшні дзень у Саюзе ўжо дзейнічаюць дзевяць прадпрыемстваў па вытворчасці рыбных кармоў, сем з якіх працуюць у Расійскай Федэрацыі, па адным – у Рэспубліцы Арменія і Рэспубліцы Беларусь. Акрамя таго, у бягучым годзе запланаваны ўвод у эксплуатацыю першай чаргі завода з аб'ёмам вытворчасці 25 тыс.т кармоў у год. Тым не менш, з улікам штогадовага нарошчвання аб'ёмаў вытворчасці рыбы ў Саюзе наяўнай кармавой базы ўнутранай вытворчасці пакуль недастаткова.
Рашэнне аб прадаўжэнні тэрміну дзеяння паніжанай мытнай пошліны ў дачыненні да кармоў для рыбы ўступае ў сілу па заканчэнні 30 каляндарных дзён ад даты яго афіцыйнага апублікавання і распаўсюджваецца на праваадносіны, якія ўзніклі з 1 студзеня 2023 года.
Даведка
У адпаведнасці з Рашэннем Калегіі Камісіі ад 26 кастрычніка 2021 года № 142 стаўка ўвазной мытнай пошлін АМТ ЕАЭС у памеры 3% ад мытнага кошту прымянялася ў дачыненні да разгляданых тавараў з 2 студзеня па 31 снежня 2022 года.
