Навіны
Максім Ермаловіч: «Лічбавыя тэхналогіі адкрываюць новыя магчымасці для гандлю, фарміруючы запыт на стварэнне і заахвочванне ўстойлівых і добрасумленных практык паводзін бізнесу, з улікам інтарэсаў грамадства»
5 чэрвеня міністр па канкурэнцыі і антыманапольным рэгуляванні Еўразійскай эканамічнай камісіі Максім Ермаловіч прыняў удзел у тэматычнай сесіі «Еўразійскі лічбавы саюз» у рамках форуму «ТІБО-2024» у Мінску.
Удзельнікі абмеркавалі актуальныя аспекты забеспячэння чатырох свабод для грамадзян краін Еўразійскага эканамічнага саюза, развіцця канкурэнцыі ва ўмовах лічбавізацыі, а таксама стан і задачы лічбавай трансфармацыі тэхнічнага рэгулявання.
Максім Ермаловіч спыніўся на праблематыцы рэгулявання маркетплэйсаў, паколькі буйныя гульцы могуць злоўжываць сваім становішчам на рынку, падаўляючы канкурэнцыю і абмяжоўваючы выбар спажыўцоў.
Таксама абмеркаваны асноўныя праблемы, з якімі сутыкаюцца рэгулятары і заканадаўцы ў дзяржавах ЕАЭС: дамінаванне на рынку, празрыстасць і абарона даных, адказнасць і кантроль за кантэнтам, падаткаабкладанне маркетплэйсаў, абарона правоў спажыўцоў, выкананне правіл канкурэнцыі на новых рынках.
«Пры ўсіх праблемах рэгуляторыкі анлайн-платформы адкрылі доступ да глабальных рынкаў, прадаставіўшы кампаніям магчымасць свабодна канкурыраваць у сусветным эканамічным асяроддзі. Менавіта яны, кінуўшы выклік традыцыйным мадэлям, прымушаюць нас пераасэнсаваць і распрацаваць новыя збалансаваныя правілы і законы, якія ўлічваюць інтарэсы ўсіх бакоў: карыстальнікаў, прадаўцоў і саміх платформаў», – сказаў міністр ЕЭК.
