Навіны

Савет Еўразійскай эканамічнай камісіі прыняў рашэнне павысіць парог бяспошліннага ўвозу тавараў для фізічных асоб да 1000 еўра для тавараў, якія перавозяцца перавозчыкам або ў паштовых адпраўленнях.

Парог павялічаны на часовай аснове – да 1 кастрычніка 2022 года. У выпадку, калі кошт пасылкі перавышае гэту суму або яе вага складае больш за 31 кг, неабходна будзе заплаціць пошліну ў памеры 15% ад кошту заказу, але не менш за 2 еўра за 1 кг.

Гэта мера дазволіць падтрымаць грамадзян, якія заказваюць тавары для асабістага карыстання ў замежных інтэрнэт-крамах, і пазбегнуць дэфіцыту тавараў.

У цяперашні час бязмытны парог увозу тавараў для асабістага карыстання складае 200 еўра.

Рашэнне ўступае ў сілу па заканчэнні 10 каляндарных дзён ад даты яго афіцыйнага апублікавання.