Նորություններ

Եվրասիական տնտեսական հանձնաժողովի (ԵՏՀ) և Աֆրիկյան միության Հանձնաժողովի (ԱՄՀ) միջև տնտեսական համագործակցության ոլորտում Փոխըմբռնման հուշագիրը ստորագրվել է հոկտեմբերի 24-ին Սոչիում՝ «Ռուսաստան – Աֆրիկա» համաժողովի շրջանակներում։ Փաստաթղթի տակ իրենց ստորագրությունները դրել են ԵՏՀ Կոլեգիայի նախագահ Տիգրան Սարգսյանը և ԱՄՀ նախագահ Մուսա Ֆակի Մահամատը։ Եվրասիական տնտեսական հանձնաժողովի (ԵՏՀ) և Աֆրիկյան միության Հանձնաժողովի (ԱՄՀ) միջև տնտեսական համագործակցության ոլորտում Փոխըմբռնման հուշագիրը ստորագրվել է հոկտեմբերի 24-ին Սոչիում՝ «Ռուսաստան – Աֆրիկա» համաժողովի շրջանակներում։ Փաստաթղթի տակ իրենց ստորագրությունները դրել են ԵՏՀ Կոլեգիայի նախագահ Տիգրան Սարգսյանը և ԱՄՀ նախագահ Մուսա Ֆակի Մահամատը։ Արարողությանը մասնակցել են Ռուսաստանի Դաշնության նախագահ Վլադիմիր Պուտինը և Եգիպտոսի Արաբական Հանրապետության նախագահ, Աֆրիկյան միության նախագահ Աբդել Ֆատահ Ալ Սիսին։ Կողմերը մտադիր են փոխգործակցել ենթակառուցվածքի և գյուղատնտեսության, առևտրի, ներդրումների և ձեռնարկատիրության զարգացման, տարածաշրջանային տնտեսական ինտեգրման և փոխադարձ հետաքրքրություն ներկայացնող այլ ուղղություններով։ Հուշագրին համապատասխան մշակվելու է համագործակցության համատեղ պլան, որտեղ շեշտադրվելու են Եվրասիական տնտեսական միության (ԵԱՏՄ) և Աֆրիկայի գործարար շրջանակների համար միջոցառումները։«Մենք ձգտում ենք փոխգործակցություն հաստատել աֆրիկյան ինտեգրացիոն միավորումների հետ։ ԵՏՀ Կոլեգիայի նախագահի հետ Աֆրիկայի տարածաշրջանային կազմակերպությունների ղեկավարների հանդիպմանը քննարկվել են Աֆրիկայի ինտեգրացիոն կառույցների և Եվրասիական տնտեսական միության միջև համագործակցության հեռանկարները։ Հենց նոր ստորագրվել է Եվրասիական տնտեսական հանձնաժողովի և Աֆրիկյան միության Հանձնաժողովի միջև փոխըմբռնման հուշագիրը։ Մտադիր ենք հետագայում էլ ակտիվ զարգացնել առևտրաներդրումային փոխգործակցությունը», – փաստաթղթի ստորագրման արդյունքներով հայտարարել է Վլադիմի Պուտինը։ Հուշագրի կնքման գաղափարը Աֆրիկյան միության գործընկերներին ԵՏՀ-ի կողմից առաջարկվել էր 2016 թվականին։ 2019 թվականին հուշագրի համաձայնեցման գործընթացին հաջողվել է նոր ազդակ հաղորդել առավելապես «ԵԱՏՄ - Աֆրիկա» կոնֆերանսի, որին մասնակցել են Ռուսաստանում Աֆրիկայի պետությունների ավելի քան 35 դեսպանությունների ներկայացուցիչներ, ինչպես նաև Աֆրիկյան միության Հանձնաժողովի պատվիրակության կողմից ԵՏՀ գլխավոր գրասենյակ կատարած այցի շնորհիվ։ ԵՏՀ հետևողականորեն զարգացնում է երկխոսությունը տարածաշրջանային ինտեգրացիոն միավորումների, ներառյալ՝ ԱՍԵԱՆ-ի․ ՄԵՐԿՈՍՈՒՐ-ի, Անդյան միության, ինչպես նաև մի շարք պրոֆիլային միջազգային կառույցների հետ։ Աֆրիկյան միության հետ Հուշագիրը հանդիսացել է տարածաշրջանային ինտեգրացիոն միավորումների հետ ԵԱՏՄ-ի միջազգային կապերի զարգացման կարևոր փուլ։Տեղեկանք Աֆրիկյան միությունը՝ միջազգային միջկառավարական կազմակերպություն է, որը միավորում է Աֆրիկայի 55 պետություն՝ մոտ 1 միլիարդ բնակչությունով։ Աֆրիկյան միության հանձնաժողովը հանդիսանում է լիազոր մարմին, որը տեղակայված է Եթովպիայի մայրաքաղաք Ադիս Աբեբայում։Աֆրիկայի պետությունների հետ ԵԱՏՄ-ի ապրանքաշրջանառությունը 2010 թվականից ի վեր աճել է համարյա 2,7 անգամով և 2018 թվականի արդյունքներով հասել է 21,7 մլրդ դոլար։ ԵԱՏՄ-ի Աֆրիկա արտահանման 80%-ից ավելին բաժին է ընկնում հինգ երկրի՝ Ալժիրրին, Եգիպտոսին, Մարոկոյին, Նիգերիային և Թունիսին։Հուշագրերի ձևաչափով ԵՏՀ փոխգործակցում է տասից ավելի երկրի կառավարությունների, մասնավորապես՝ Չիլիի, Պերուի, Մոնղոլիայի, Սինգապուրի, Կամբոջայի, Մարոկայի, Հորդանանի, Ֆարերյան կղզիների, Կուբայի, Թաիլանդի, Բանգլադեշի և Մոլդավիայի, ինչպես նաև Հունաստանի կառավարության հետ՝ հայտարարագրի ձևաչափով։​