Նորություններ

Ավարտվում է անցումային շրջանը, որը տրամադրվել է Եվրասիական տնտեսական միության շուկայի մասնակիցներին «Թռչնամսի և դրա վերամշակված արտադրանքի անվտանգության մասին» ԵԱՏՄ տեխնիկական կանոնակարգի պահանջների վրա աշխատանքին նախապատրաստվելու հա

Հիշեցնենք, որ տեխկանոնակարգն ուժի մեջ է մտել 2023 թվականի հունվարի 1-ից։ ԵՏՀ կոլեգիայի որոշմամբ դրա համար անցումային շրջան էր նախատեսվել մինչև 2024 թվականի հունիսի 30-ը։

Տեխկանոնակարգը տարածվում է գյուղատնտեսական թռչնի սպանդի մթերքի և թռչնամսի արտադրանքի վրա և դրանց համար սահմանում միասնական տերմինաբանությունը, նույնականացման կանոնները, անվտանգության պահանջները, արտադրության, պահպանման, փոխադրման, իրացման, մակնշման և համապատասխանության գործընթացներին ներկայացվող պահանջները:

ԵԱՏՄ շրջանակներում թռչնամսի և դրա վերամշակման արտադրանքի ազատ շրջանառության խոչընդոտները վերացնելու նպատակով տեխկանոնակարգում նախատեսված են նաև թռչնամսի չմշակված մթերքի մեջ ջրի և սննդային հավելումների ներմուծման արգելքը. թռչնամսի ապասառեցման ժամանակ արտադրված հեղուկի զանգվածային մասի նորմատիվը. երեխաների սննդի համար թռչնամսի արտադրանքի արտադրության մեջ ֆոսֆատների, համի և բույրի ուժեղացուցիչների, բենզոյական, սորբինաթթուների և դրանց աղերի, ԳՁՕ-ներով և թունաքիմիկատներով հումքի օգտագործման արգելքը. սննդային արժեքի ցուցանիշների (սպիտակուց, ճարպ, ածխաջրեր, կալորիականություն) փաստացի արժեքների թույլատրելի շեղումները մակնշման մեջ նշվածներից. թռչնամսի համար մեխանիկական ոսկրահանման մշակման և օգտագործման պահանջները և այլն:

«Տեխկանոնակարգը նախատեսում է ձեռնարկատիրական գործունեություն վարելու պայմանների վրա դրական ազդեցություն գործող ժամանակակից պահանջներ, որոնք հաշվի են առնում հումքի առանձնահատկությունները և թռչնամսի վերամշակման ոլորտի սպեցիֆիկան։ Դրանք ուղղված են սպառողների շահերի պաշտպանությանը և անդամ պետություններում թռչնամիս և դրա վերամշակված արտադրանք արտադրողների մրցունակության բարձրացմանը: Իսկ անցումային շրջանը գործարար համայնքին թույլ է տվել սահուն և առանց ցավի անցնել դրանց իրականացման», — ընդգծել է ԵՏՀ տեխնիկական կարգավորման նախարար Վալենտին Տատարիցկին։