Եվրասիական տնտեսական հանձնաժողովը Ռուսաստանի Դաշնության և Ղազախստանի Հանրապետության տաքսոնոմիաների ազգային մշակող հանդիսացող ՎԷԲ.ՌՖ պետական կորպորացիայի և «Աստանա» միջազգային ֆինանսական կենտրոնի Կանաչ ֆինանսների կենտրոնի հետ համատեղ նախապատրաստել է Եվրասիական տնտեսական միության երկրների կանաչ նախագծերի չափորոշիչներ (մոդելային տաքսոնոմիա):
Մոդելային տաքսոնոմիան հավանության է արժանացել կլիմայական օրակարգի շրջանակներում ԵԱՏՄ անդամ պետությունների դիրքորոշումների մերձեցման առաջարկությունների մշակման հարցերով բարձր մակարդակի աշխատանքային խմբի նիստի ընթացքում: «Մենք խոսում ենք ի կատարումն Եվրասիական միջկառավարական խորհրդի որոշումների հաստատված փաստաթղթի մասին, ինչը թույլ է տալիս այն դիտարկել որպես ԵԱՏՄ ամբողջ տարածքում դրանց ֆինանսավորման նպատակով կանաչ նախագծերի ընտրության լիարժեք գործիք», - կարծում է ԵՏՀ առևտրի նախարար Անդրեյ Սլեպնևը։
Նրա խոսքով, միջազգային փորձագետների գնահատմամբ՝ ածխածնային չեզոքության հասնելու համար համաշխարհային տնտեսությանը կպահանջվի տարեկան 5 տրիլիոն դոլար՝ մինչև 2050 թվականը։ Միաժամանակ վերանայվում է այն ճյուղերի ու տեխնոլոգիաների ցանկը, որոնք համատեղելի են ցածր ածխածնային զարգացման հետ և կխթանվեն։
Կանաչ և ոչ կանաչ ոլորտների և տեխնոլոգիաների տարանջատման հարցը լուծվում է կանաչ տաքսոնոմիաների (կանաչ նախագծերի չափորոշիչներ) ստեղծման շրջանակներում։ Ներկայումս աշխարհում գործում է շուրջ 15 ազգային համակարգ, որոնց թվում են Եվրամիության, Չինաստանի Ժողովրդական Հանրապետության, Ռուսաստանի Դաշնության և Ղազախստանի Հանրապետության տաքսոնոմիաները։
Մոդելային տաքսոնոմիայի նախապատրաստման նպատակն է խթանել և մերձեցնել անդամ պետությունների մոտեցումները ԵԱՏՄ տարածքում կանաչ ֆինանսավորման գործիքների համակարգային զարգացման շրջանակներում, ինչպես նաև ապահովել կապիտալի տեղաշարժի ազատությունը։ Կանաչ նախագծերի նախապատրաստված չափանիշները դարձել են ինտեգրացիոն միավորման համար ձևավորված առաջին չափորոշիչներից, որոնք կարող է հիմք հանդիսանալ ազգային տաքսոնոմիաների մշակման կամ արդիականացման համար:
«Մոդելային տաքսոնոմիան կարող է պարզեցնել ԵԱՏՄ երկրների ներդրող ընկերությունների մուտքը մասնակից երկրների կապիտալի շուկաներ՝ ԵԱՏՄ երկրների բորսաներում ֆինանսավորման գործիքների տեղաբաշխման միջոցով։ Մոդելային տաքսոնոմիայի կառուցվածքում օգտագործվել է ոլորտային մոտեցում, ոլորտների ընտրությունը մեծապես պայմանավորված է ոլորտների ածխածնային ունակությամբ և արտանետումների կրճատման ներուժով», - ասել է Անդրեյ Սլեպնևը:
Միևնույն ժամանակ, չափանիշները սահմանելիս վերլուծվել են համաշխարհային մոտեցումները և համաշխարհային լավագույն փորձը, ինչպես նաև պատշաճ կերպով հաշվի են առնվել կլիմայական նպատակներին հասնելու ազգային մոտեցումները: Համաշխարհային մոտեցումները հաշվի առնելը թույլ կտա ապահովել այլ միջազգային ստանդարտների հետ մոդելային տաքսոնոմիայի համատեղելիության բարձր մակարդակը, ինչպես նաև ստանդարտ մշակողների միջազգային հանրության և միջազգային ներդրողների կողմից դրա ճանաչումը:
Բացի կանաչ նախագծերի մշակված մոդելային տաքսոնոմիայից, աշխատանքային խումբը զեկույց է նախապատրաստել ցածր ածխածնային տնտեսության ֆինանսավորման համակարգերի մշակման միջազգային և ազգային մոտեցումների վերաբերյալ։
Զեկույցի նյութերին կարող եք ծանոթանալ հղումով։
Տեղեկանք
Կլիմայական օրակարգի շրջանակում ԵԱՏՄ անդամ պետությունների դիրքորոշումների մերձեցման առաջարկների մշակման հարցերով բարձր մակարդակի աշխատանքային խումբը ստեղծվել է Եվրասիական միջկառավարական խորհրդի 2021 թվականի օգոստոսի 21-ի № 10 կարգադրությանը համապատասխան։ Այն գլխավորում է ԵՏՀ առևտրի նախարար Անդրեյ Սլեպնևը։ ԵՄԿԽ 2022 թվականի հոկտեմբերի 21-ի № 18 հանձնարարությամբ հաստատվել է Կլիմայական օրակարգի շրջանակներում ԵԱՏՄ անդամ պետությունների համագործակցության միջոցառումների առաջին փաթեթը (ճանապարհային քարտեզը): Ճանապարհային քարտեզի կետերից մեկը նախատեսում է ազգային և միջազգային փորձի վերլուծության վերաբերյալ զեկույցի նախապատրաստում, այդ թվում՝ ԵԱՏՄ կանաչ նախագծերի մոդելային տաքսոնոմիայի ընդհանուր մոտեցումների մշակում։
