Նորություններ
Արմեն Հարությունյանը համաշխարհային համաժողովում ներկայացրել է ԵՏՀ առաջարկները պարենային համակարգերի կայուն վերափոխումներին հասնելու վերաբերյալ
Եվրասիական տնտեսական հանձնաժողովի ագրոարդյունաբերական քաղաքականության վարչության տնօրեն Արմեն Հարությունյանը ՄԱԿ-ի Պարենի և գյուղատնտեսության կազմակերպության (ՖԱՕ) կազմակերպած «Քաղաքային և տեղական պարենային համակարգերի օգտագործումը սննդի համակարգերի կայուն վերափոխման համար» թեմայով պանելային նստաշրջանի շրջանակներում հանդես է եկել զեկույցով՝ պարենային համակարգերի կայուն վերափոխումներին հասնելու գործում վերջիններիս առանցքային դերի մասին:
ԵՏՀ ներկայացուցիչը խոսել է Եվրասիական տնտեսական միության երկրների ագրոարդյունաբերական համալիրում նորարարական տեխնոլոգիաների խթանման մեխանիզմների մասին, որոնք, ի թիվս այլնի, ապահովում են քաղաքային գյուղատնտեսության զարգացումը և աճող քաղաքներում պարենային անվտանգության ապահովումը։
«Ներկայումս ԵԱՏՄ-ում ձևավորվում են տարբեր հարթակներ՝ մեր Միության բոլոր երկրների բիզնեսի ներկայացուցիչների միջև նորարարական արտադրանքի արտադրության և ներդրման և համագործակցության հաստատման ոլորտի փորձի և գիտելիքների փոխանակման համար», - նշել է Արմեն Հարությունյանը։
Համաժողովի շրջանակներում ԵՏՀ ներկայացուցիչները մի շարք աշխատանքային հանդիպումներ են անցկացրել։ Միավորված ազգերի կազմակերպության Պարենի և գյուղատնտեսության կազմակերպության Եվրոպայի և Կենտրոնական Ասիայի տարածաշրջանային ներկայացուցչության տարածաշրջանային ծրագրերի ղեկավար Ռայմոնդ Յելեի հետ քննարկվել են ԵՏՀ և ՖԱՕ միջև համագործակցության հեռանկարային ոլորտները: Գերմանիայի գործարար շրջանակների ներկայացուցիչների հետ քննարկվել են ԵԱՏՄ-ում սերմնաբուծության, սերմերի արտադրության զարգացման, գյուղատնտեսության արդյունավետության, ԵԱՏՄ ներքին շուկայում և երրորդ երկրների շուկաներում բուսաբուծական արտադրանքի մրցունակության բարձրացման նպատակով բուսաբուծության մեջ նորարարական տեխնոլոգիաների օգտագործման, գյուղատնտեսական բույսերի սերմերի արտահանման համար լոգիստիկ լուծումների որոնման հարցեր:
