Սեպտեմբերի 9-ին Մինսկում տեղի է ունեցել Եվրասիական տնտեսական հանձնաժողովի էներգետիկայի և ենթակառուցվածքների նախարար Արզիբեկ Կոժոշևի աշխատանքային հանդիպումը Բելառուսի Հանրապետության փոխվարչապետ Վիկտոր Կարանկևիչի և Բելառուսի Հանրապետության էներգետիկայի նախարար Ալեքսեյ Կուշնարենկոյի հետ։
Բանակցությունների ընթացքում կողմերը քննարկել են Եվրասիական տնտեսական միության էներգետիկ ռեսուրսների ընդհանուր շուկաների ձևավորման արդիական հարցեր, այդ թվում՝ գազի, նավթի և նավթամթերքի ընդհանուր շուկաների ձևավորման վերաբերյալ միջազգային պայմանագրերի համաձայնեցման ընթացքը։
«Համաձայնագրերի նախագծերի համաձայնեցման ավարտը կախված է կողմերի միջև շուկայի ձևավորման սկզբունքային հարցերի շուրջ կոնսենսուսի հասնելուց», — նշել է Արզիբեկ Կոժոշևը։
Կողմերն ընդգծել են, որ անհրաժեշտ է շարունակել երկխոսությունը զգայուն հարցերի կարգավորման ուղղությամբ և դրանց վերաբերյալ փոխադարձ ընդունելի լուծումներ գտնել հետագայում Միության մարմինների նիստերում քննարկելու համար:
Հանդիպման շրջանակներում անդրադարձել են նաև էներգետիկայի ոլորտում ԵԱՏՄ անդամ պետությունների միջև համագործակցության ընդհանուր ուղղություններին վերաբերող հարցեր։
