Նորություններ
ԵԱՏՄ-ը և ԱՍԵԱՆ-ը մտադիր են ամրապնդել համագործակցությունը
ԵՏՀ ինտեգրման և մակրոտնտեսության նախարար Սերգեյ Գլազևը և ԱՍԵԱՆ գլխավոր քարտուղար Կաո Կիմհորնը հունվարի 27-ին ԱՍԵԱՆ գլխամասային գրասենյակում կայացած հանդիպման ընթացքում քննարկել են Եվրասիական տնտեսական հանձնաժողովի և Հարավարևելյան Ասիայի պետությունների ասոցիացիայի (ԱՍԵԱՆ) փոխգործակցության զարգացման հեռանկարները Տնտեսական համագործակցության ոլորտի փոխըմբռնման հուշագրի շրջանակներում:
Սերգեյ Գլազևը նշել է, որ ինչպես ԱՍԵԱՆ-ի, այնպես էլ Ասոցիացիայի անդամ պետությունների հետ կապերի խորացումը ԵԱՏՄ միջազգային գործունեության առաջնահերթություններից է, որն ամրագրված է մի շարք առանցքային փաստաթղթերում։ Նա բարձր է գնահատել Հանձնաժողովի և ԱՍԵԱՆ-ի քարտուղարության միջև փոխգործակցությունը։
«Մեր կառույցների միջև երկխոսությունն առաջին հերթին ուղղված է ինտեգրման խորացման, միավորումների արդյունավետության բարձրացման, ռազմավարական պլանավորման մոտեցումների հարցերի շուրջ փորձի փոխանակմանը», - հայտնել է Սերգեյ Գլազևը։ Այս համատեքստում նա առանձին ընդգծել է ԵԱՏՄ ներկայիս ինտեգրացիոն օրակարգը և խոսել Մինչև 2025 թվականը Եվրասիական տնտեսական ինտեգրման զարգացման ռազմավարական ուղղությունների իրականացման մասին։
Կաո Քիմհորնն իր հերթին հաստատել է ԱՍԵԱՆ քարտուղարության հետաքրքրվածությունը ԵՏՀ-ի և ԵԱՏՄ անդամ պետությունների հետ կապերի հետագա ամրապնդման հարցում և դրական գնահատել ԵՏՀ-ի և ԱՍԵԱՆ-ի միջև մինչև 2025 թվականը համագործակցության ծրագրի իրականացման ընթացքը։ Որպես ԵԱՏՄ երկրների հետ ԱՍԵԱՆ-ի համագործակցության առաջնահերթ ոլորտներ նա նշել է էներգետիկան, պարենամթերքը, զբոսաշրջությունը և տնտեսական գործունեության տարբեր ասպեկտների թվայնացման հարցերը։ Նա նաև կարևորել է գործարար շրջանակների գծով շփումների զարգացումը։
Հանդիպման մասնակիցները քննարկել են ընթացիկ տարվա համագործակցության ծրագրերը, այդ թվում՝ «Թվային փոխակերպումը ԵԱՏՄ-ում
և ԱՍԵԱՆ-ում» թեմայով համատեղ սեմինարի անցկացումը, մասնակցությունը ԵԱՏՄ երկրների տարածքում համաժողովների շրջանակներում անցկացվող միջոցառումներին, այդ թվում՝ ԵԱՏՄ և ԱՍԵԱՆ գործարար շրջանակների ներգրավմամբ, ինչպես նաև այլ միջազգային կազմակերպությունների հարթակներում:
Տեղեկանք
Հարավարևելյան Ասիայի պետությունների ասոցիացիան (ԱՍԵԱՆ) 1967 թվականին ձևավորված տնտեսական միավորում է: Ընկերակցության մասնակիցներն են Ինդոնեզիան, Մալայզիան, Սինգապուրը, Թաիլանդը, Ֆիլիփինները, Բրունեյ Դարուսսալամը, Վիետնամը, Լաոսը, Մյանման, Կամբոջան։ Դիտորդի կարգավիճակ ունեն Պապուա Նոր Գվինեան և Արևելյան Տիմորը։ Սա տարածաշրջանային խոշորագույն ինտեգրացիոն միավորումներից է, որի ընդհանուր ՀՆԱ-ն կազմում է 2,6 տրլն ԱՄՆ դոլար, իսկ բնակչության թվաքանակը՝ 622 մլն մարդ:
ԵՏՀ-ի և ԱՍԵԱՆ-ի միջև տնտեսական համագործակցության ոլորտի փոխըմբռնման հուշագիրը ստորագրվել է 2018 թվականի նոյեմբերի 14-ին Սինգապուրում։ Փաստաթուղթը հիմք է ստեղծում Եվրասիական աշխարհամասի մասշտաբով ինտեգրացիոն բլոկերի փոխգործակցության հարցերի լայն շրջանակի քննարկման նպատակով երկխոսային հարթակ ձևավորելու համար։
Հուշագրի իրականացման համար ընդունվել է 2020-2025 թվականների համագործակցության ծրագիրը։ Այն ընդգրկում է այնպիսի ոլորտներ, ինչպիսիք են մաքսային օրենսդրությունը և իրավակիրառ պրակտիկան, առևտրային քաղաքականությունը, առևտրային քաղաքականությունը, ձեռնարկատիրական գործունեությունը, տեխնիկական և հակամենաշնորհային կարգավորումը, ՍԲՍ-միջոցները, էներգետիկան, ներքին շուկաների գործունեությունը և այլն։
