Նորություններ

Եվրասիական տնտեսական հանձնաժողովի խորհուրդը որոշում է ընդունել ջուտի մանրաթելերից կամ այլ թելատուների մանածագործական մանրաթելերից մանվածքի համար (ԵԱՏՄ ԱՏԳ ԱԱ 5307 10 000 0 և 5307 20 000 0 ծածկագրեր) ներմուծման մաքսատուրքից ազատման տեսքով սակագնային արտոնություն տրամադրելու մասին, որը ներմուծվում է Հայաստանի Հանրապետություն առավելագույնը 3 տոննա և Բելառուսի Հանրապետություն՝ առավելագույնը 6 հազար տոննա ծավալով:

Նշված սակագնային արտոնությունը կտրամադրվի լիազոր մարմնի կողմից տրված հաստատման առկայության դեպքում, դրա գործողության ժամկետը սահմանափակ է՝ մինչև 2026 թվականի փետրվարի 28-ը։ «Մաքսասակագնային կարգավորման համապատասխան միջոցի ներդրումը թույլ կտա, մասնավորապես, պատժամիջոցների ճնշման պայմաններում աջակցել գորգագործների կայուն աշխատանքին, ինչպես նաև վերականգնել արտադրության նվազած ծավալները», — նշել է ԵՏՀ մաքսասակագնային և ոչ սակագնային կարգավորման վարչության տնօրեն Վահագն Ղազարյանը։

Նա պարզաբանել է, որ ԵԱՏՄ տարածքում նման հումքի արտադրություն չկա։ Ջուտի մանվածքի հիմնական արտահանող երկիրը Բանգլադեշն է։

Որոշումն ուժի մեջ է մտնելու պաշտոնական հրապարակման օրվանից 10 օրացուցային օրը լրանալուց հետո։