Նորություններ

Երեխաներին նրանց հոգեկան առողջության վրա բացասաբար ազդող խաղալիքներից պաշտպանելու նպատակով Եվրասիական տնտեսական հանձնաժողովի կոլեգիան ընդունել է «Երեխաներին և դեռահասներին առողջությանը և զարգացմանը վնաս հասցնող տեղեկատվությունից պաշտպանելու մասին» հանձնարարականը։

Հայաստանի Հանրապետությանը, Բելառուսի Հանրապետությանը և Ղրղզստանի Հանրապետությանը առաջարկվել է քննարկել Անկախ Պետությունների Համագործակցության մասնակից պետությունների միջխորհրդարանական ասամբլեայի 33-րդ լիագումար նիստում ընդունված՝ երեխաներին առողջությանը և զարգացմանը վնաս հասցնող տեղեկատվությունից պաշտպանելու մասին մոդելային օրենքը (2009 թվականի դեկտեմբերի 3-ի N 33-15 որոշում) իրենց օրենսդրության մեջ ներդնելու հնարավորությունը՝ հաշվի առնելով երկրների սոցիալ-տնտեսական զարգացման և իրավական կարգավորման առանձնահատկությունները։

Եվրասիական տնտեսական միության պետություններին առաջարկվում է քննարկել «տեղեկատվական արտադրանք» հասկացությունը սեղանի խաղերի, ինչպես նաև երեխաների և դեռահասների համար նախատեսված այլ արտադրանքի նկատմամբ կիրառելու նպատակահարմարությունը, որը կարող են պարունակել նրանց առողջությանը և զարգացմանը վնաս հասցնող պատկերներ (օրինակ՝ հագուստի, պայուսակների, ուսապարկերի, հեծանիվների, դպրոցական գրելու պարագաների):

Հաշվի առնելով տեղի ունեցած քննարկումը, նպատակահարմար է համարվել սահմանված կարգով շարունակել աշխատանքը Մաքսային միության «Խաղալիքների անվտանգության մասին» տեխնիկական կանոնակարգում փոփոխությունների նախապատրաստման ուղղությամբ՝ նախատեսելով երեխաներին բացասական ազդեցությունից պաշտպանելու մասով խաղալիքներին ներկայացվող նվազագույն պահանջներ սահմանելու հնարավորություն։