Եվրասիական տնտեսական հանձնաժողովի կոլեգիան հավանություն է տվել Եվրասիական տնտեսական միության երկրներին ուղղված «Բիզնես հիմնելու և վարելու համար առավել բարենպաստ պայմաններ ստեղծելու մասին» հանձնարարականին։
Հանձնարարականը նախատեսում է «մեկ պատուհանի» սկզբունքի կիրառում, պետության և բիզնեսի փոխգործակցությունում թվայնացման իրականացում, իրավաբանական անձանց գրանցման և լուծարման ժամկետների կրճատում, վերահսկողական և հսկողական ընթացակարգերի կատարելագործում և այլ միջոցներ։
Հանձնարարականի իրականացումը թույլ կտա բարելավել Միության երկրներում ձեռնարկատիրական գործունեության պայմանները և ԵԱՏՄ-ի գործարար կլիման։
«Հանձնարարականը դրական է գնահատվել Միության երկրների գործարար համայնքի կողմից»,- նշել է ԵՏՀ էկոնոմիկայի և ֆինանսական քաղաքականության նախարար Բակիտժան Սագինտաևը։
Տեղեկանք
Հանձնարարականը մշակվել է Մինչև 2025 թվականը եվրասիական տնտեսական ինտեգրացիայի զարգացման ռազմավարական ուղղությունների իրականացման ուղղված՝ Եվրասիական տնտեսական հանձնաժողովի Խորհրդի 2021 թվականի ապրիլի 5-ի № 4 կարգադրությամբ հաստատված միջոցառումների պլանի 1.7.1 կետին համապատասխան։ Պլանի նշված պարբերությունը նախատեսում է Միության երկրներում գործարար և ներդրումային կլիմայի բարելավում՝ հաշվի առնելով լավագույն միջազգային և ազգային պրակտիկաները:
