Նորություններ

Հուլիսի 9-ին Բիշքեկում (Ղրղզստանի Հանրապետություն) տեղի կունենա  Եվրասիական տնտեսական կոմիտեին առընթեր Ֆինանսական շուկաների խորհրդատվական կոմիտեի նիստը՝ ԵՏՀ տնտեսության և ֆինանսական քաղաքականության հարցերով Կոլեգիայի Անդամ (Նախարար) Տիմուր Սուլեյմենովի նախագահությամբ: Նիստին կմասնակցեն  Հայաստանի Հանրապետության, Բելառուսի Հանրապետության, Ղազախստանի Հանրապետության, Ղրղզստանի Հանրապետության և Ռուսաստանի Դաշնության պետական մարմինների և բիզնես համայնքների կողմից ներկայացված Խորհրդատվական հանձնաժողովի անդամներ, Եվրասիական տնտեսական հանձնաժողովի աշխատակիցներ:  Նիստի մասնակիցները պատրաստվում են քննարկել Ֆինանսական շուկաներում գործունեություն իրականացման պահանջների  համաձայնագրի շուրջ աշխատանքների ընթացքը, ինչպես նաև՝  Եվրասիական տնտեսական միության (ԵԱՏՄ) անդամ պետությունների բրոքերների և դիլերների՝ազգային ֆոնդային բորսաներ փոխադարձ մուտքի (հավատարմագրման) համաձայնագրի նախագծի շուրջ: ԵԱՏՄ անդամ պետություններում ավտոքաղաքացիական պատասխանատվության նոր ապահովագրական ապրանքի մշակման նպատակահարմարության վերաբերյալ համաձայնեցված դիրքորոշում ձևավորելու հարցով աշխատանքային խմբի գործունեության շրջանակներում Կոմիտեի անդամները՝ Ղազախստանի և Ռուսաստանի մասնագիտական ասոցիացիաների ղեկավարության հետ համատեղ, կքննարկեն Ղազախստանի Հանրապետության՝ ավտոապահովագրության միջազգային համակարգին անդամակցելու հեռանկարները: Ծրագրվում է նաև քննարկել ֆինանսական շուկաների հարցերով խորհրդատվական կոմիտեին առընթեր ԵԱՏՄ տարածքում արժութային կարգավորման և արժութային վերահսկման հարցերով աշխատանքային խմբի գործունեության արդյունքները, և եվրասիական ինտեգրացիոն միավորման անդամ պետությունների միջև կրեդիտային պատմություններում ներառված տեղեկությունների փոխանակման հարցերով փոխգործակցության հեռանկարները: Կոմիտեի օրակարգում ընդգրկված է նաև ԵԱՏՄ անդամ պետությունների տարածքում արժութային սահմանափակումների ներդրման բացառիկ դեպքերին վերաբերվող տնտեսական երևույթների գնահատման մեթոդների հարցը: Ծրագրվում է քննարկել Եվրասիական տնտեսական միության անդամ պետությունների տարածքում աուդիտորական ծառայությունների միասնական շուկայի ստեղծման Միջոցառումների պլանի («ճանապարհային քարտեզի») նախագիծը: Կոմիտեի նիստին որպես հրավիրված անձ ելույթ կունենա Ներդրողների և փայատերերի պաշտպանության Դաշնային հասարակական-պետական հիմնադրամի կառավարիչ Մարատ Սաֆիուլինը, ով կպատմի Ռուսաստանի Դաշնության արժեթղթերի շուկայում ֆինանսական ծառայությունների սպառողների իրավունքների պաշտպանության փոխհատուցման մեխանիզմների մասին: Բացի այդ, ԵՏՀ տնտեսության և ֆինանսական քաղաքականության  Նախարար Տիմուր Սուլեյմենովի՝ Ղրղզստան այցի շրջանակներում նախատեսված են հանդիպումներ Ղրղզստանի ֆինանսների նախարար Ադըլբեկ Կասիմալիևի և ՂՀ Կառավարությանն առընթեր Պետական հարկային ծառայության Նախագահ Զամիրբեկ Օսմոնովի հետ: Տեղեկագիր. Եվրասիական տնտեսական հանձնաժողովին առընթեր ֆինանսական շուկաների հարցերով խորհրդատվական կոմիտեն ստեղծվել է ԵՏՀ Կոլեգիայի 2012 թ. հոկտեմբերի 25-ի № 199 որոշմամբ: Հանձնաժողովի Նախագահն է տնտեսության և ֆինանսական քաղաքականության Կոլեգիայի Անդամ (Նախարար) Տիմուր Սուլեյմենովը: Հանձնաժողովի գործունեությունն ուղղված է ֆինանսական շուկաների ոլորտում Մաքսային միության և Միասնական տնտեսական տարածքի մասնակից երկրների ազգային օրենսդրությունների ներդաշնակեցմանը՝ հաշվի առնելով միջազգային լավագույն պրակտիկան: Կոմիտեի  առաջնահերթային հարցն է ՄՄ և ՄՏՏ մասնակից երկրների միջև ֆինանսական ծառայությունների փոխադարձ առևտրի ընդլայնումը (բանկային և ապահովագրական ոլորտում, ինչպես նաև արժեթղթերի շուկայում):