арм

Նորություններ

Ելույթներ Ֆոտոսրահ Տեսադարան
10 Dec 2024 Բախիթ Սուլթանով. «Աճում է գործարար շրջանակների հետաքրքրությունը եվրասիական ինտեգրման նկատմամբ» Դեկտեմբերի 10-ին Եվրասիական տնտեսական հանձնաժողովի Կոլեգիան քննարկել է 2024 թվականին Եվրասիական տնտեսական միության գործարար համայնքի խնդրահարույց հարցերի լուծման արդյունքների մշտադիտարկման մասին զեկույցը։ «Այս տարի Հանձնաժողովի կողմից մշակված հարցերի թիվը նախորդ տարվա համեմատ աճել է ավելի քան երկու անգամ։ Սա խոսում է այն մասին, որ գործարար շրջանակների հետաքրքրությունը եվրասիական տնտեսական ինտեգրման հարցերի նկատմամբ չի նվազում, ընդհակառակը՝ աճում է», — նշել է ԵՏՀ էկոնոմիկայի և ֆինանսական քաղաքականության նախարար Բախիթ Սուլթանովը։ Նշվել է նաև, որ Հանձնաժողովի բլոկերը ակտիվորեն փոխգործակցում են բիզնեսի հետ, օգտագործելով տարբեր հարթակներ ուղղակի երկխոսության համար, այդ թվում՝ հեռահաղորդակցության ձևաչափը։ 2024 թվականին օրացուցային տարվա ընթացքում բիզնեսի լուծված խնդրահարույց հարցերի բաժինը 2023 թվականի համեմատ 24%-ից հասել է 29%-ի։ Գործարար համայնքի հարցերի գերակշիռ մասով (48%) պարզաբանումներ են տրվել, հարցերի 29%-ը լուծվել է, իսկ հարցերի 23%-ը ԵՏՀ-ն շարունակում է մշակել։ Բախիթ Սուլթանովն ընդգծել է, որ այս թվերը վկայում են գործարար շրջանակների արդիական խնդիրների լուծման և նրանց հետ աշխատանքի որակի բարձրացման ուղղությամբ Հանձնաժողովի աշխատանքի օպերատիվության աճի մասին։ Բիզնեսի խնդիրների մշտադիտարկման արդյունքների հիման վրա ԵՏՀ կողմից նախապատրաստած զեկույցը առաջիկայում կտեղադրվի Հանձնաժողովի կայքում։ Զեկույցը նախապատրաստվել է Մինչև 2025 թվականը եվրասիական տնտեսական ինտեգրման զարգացման ռազմավարական ուղղությունների իրականացման միջոցառումների պլանի կատարման շրջանակներում: Խնդրահարույց հարցերը ստացվում են ԵԱՏՄ երկրների գործարար համայնքի ներկայացուցիչներից (ընդհանուր առմամբ 2024 թվականին ստացվել է 155 հարց)։ 2024 թվականին ամենամեծ ակտիվությունը ցուցաբերել են Ռուսաստանի (52%) և Ղազախստանի (26%) գործարար շրջանակները։
10 Dec 2024 Բախիթ Սուլթանով. «Բիզնեսը ակտիվորեն մասնակցում է ինտեգրացիոն փոխգործակցության հիմնարար մոտեցումների մշակմանը» Արդյունաբերական կոոպերացիայի, Եվրասիական տնտեսական միության ներքին շուկայում խոչընդոտների վերացման հարցերը, երրորդ երկրներից գործընկերների հետ բիզնեսի փոխգործակցությունը քննարկել են Եվրասիական տնտեսական հանձնաժողովի և ԵԱՏՄ գործարար խորհրդի փոխգործակցության հարցերով խորհրդատվական խորհրդի մասնակիցները, որը կայացել է Հանձնաժողովի կենտրոնակայանում ԵՏՀ տնտեսության և ֆինանսական քաղաքականության նախարար Բախիտ Սուլթանովի նախագահությամբ։ Նիստին մասնակցել են ԵԱՏՄ երկրների արդյունաբերողների և ձեռնարկատերերի պալատների ղեկավարներ, բիզնեսի ներկայացուցիչներ, ինչպես նաև հանձնաժողովի տեխնիկական կարգավորման, արդյունաբերության և ագրոարդյունաբերական համալիրի բլոկերի նախարարներ։ «Խորհրդատվական խորհրդի գործունեության արդյունավետությունը բարձրացնելու նպատակով այս տարի մենք փոփոխել ենք դրա աշխատանքի ձևաչափը՝ ընտրելով ԵՏՀ ձեռնարկատիրական գործունեության զարգացման վարչությունը որպես Հանձնաժողովի և ԵԱՏՄ գործարար խորհրդի միջև փոխգործակցության «մեկ պատուհան», — իր ողջույնի խոսքում նշել է Բախիթ Սուլթանովը: ԵՏՀ նախարարը ներկայացրել է Հանձնաժողովի՝ որպես կարգավորող մարմնի գործունեության կարևոր ասպեկտը։ 2015 թվականից ակտիվորեն կիրառվում է ԵՏՀ որոշումների նախագծերի կարգավորող ազդեցության գնահատման (ԿԱԳ) ընթացակարգը, ինչը թույլ է տալիս ձեռնարկատերերին ներգրավել Միության շրջանակներում կարգավորման ձևավորման և կատարելագործման գործընթացում։ Անցյալ տարի Հանձնաժողովում ստացված բիզնեսի առաջարկների շուրջ կեսը հաշվի է առնվել ԵՏՀ նոր ակտեր մշակելիս։ «Այս տարի ներդրվել է երկու նոր գործիք, որոնք տարածում են ԿԱԳ ընթացակարգը միջազգային պայմանագրերի վրա, ինչը բիզնեսին հնարավորություն է տալիս ավելի ակտիվ մասնակցել ինտեգրացիոն փոխգործակցության հիմնարար մոտեցումների մշակմանը», — ընդգծել է Բախիթ Սուլթանովը: Բացի այդ, արձանագրվել է Հանձնաժողովի կողմից քննարկված բիզնեսի հարցերի թվի զգալի աճ։ 2024 թվականին հայտերի թիվը նախորդ տարվա համեմատ աճել է ավելի քան երկու անգամ։ Ընդ որում, հաջողությամբ լուծված խնդրահարույց հարցերի բաժինը աճել է՝ 24%-ից հասնելով 29%-ի։ Ինտեգրման իրական էֆեկտները գնահատելու համար մշակվել է KPI համակարգ, որը բնութագրում է ինտեգրման ազդեցությունը բիզնեսի վրա: Համակարգում ներառված ցուցանիշները ցույց են տալիս անցած տարվա ընթացքում ապրանքների փոխադարձ առևտրի ծավալների աճ 21%-ով և ծառայությունների աճ 22%-ով։ ԵԱՏՄ պետությունների միջև կուտակված ուղղակի ներդրումներն աճել են 11%-ով, իսկ փոխադարձ աշխատանքային միգրացիան՝ 35%-ով։
09 Dec 2024 ԵԱՏՄ-ում մշակել են ՝ Համացանցում մտավոր սեփականության օբյեկտների նկատմամբ իրավունքների խախտումների դեմ պայքարի մոտեցումների մասին համաձայնագրի նախագիծ ԵՏՀ ձեռնարկատիրական գործունեության զարգացման վարչության տնօրեն Երնար Բակենովը «Հակակեղծարարություն 2024» միջազգային համաժողովում խոսել է Եվրասիական տնտեսական հանձնաժողովի կողմից Եվրասիական տնտեսական միության պետությունների հետ համատեղ մշակված Համաձայնագրի նախագծի մասին։ Նրա խոսքով, այս փաստաթուղթը նախատեսում է անօրինական բովանդակության արգելափակում, պատասխանատվության միջոցներ տեղեկատվական ռեսուրսների սեփականատերերի և տեղեկատվական միջնորդների համար, ինչպես նաև որոնման համակարգերի կողմից արգելափակված ռեսուրսների մասին տեղեկատվության տրամադրման դադարեցում։ «Վստահ եմ, որ Համաձայնագրի իրականացումը թույլ կտա ապահովել համացանցում ծովահենային բովանդակության տարածման դեմ պայքարի համադրելի միջոցների կիրառում, ազգային իրավատերերին հնարավորություն կտա ապահով տեղադրել իրենց ստեղծագործությունները օրինական հարթակներում և ստանալ համապատասխան եկամուտներ», — ընդգծել է Երնար Բակենովը: Նշելով ԵԱՏՄ-ում ստեղծագործական արդյունաբերության զարգացման և հեղինակային և հարակից իրավունքների պաշտպանության կարևորությունը՝ Հանձնաժողովի ներկայացուցիչն ընդգծել է, որ ԵԱՏՄ մասին պայմանագիրը նախատեսում է իրավունքների հավաքական կառավարման կազմակերպությունների (ԻՀԿԿ) գործունեության կարգավորումը առանձին միջազգային պայմանագրով։ 2019 թվականին ուժի մեջ է մտել Հեղինակային և հարակից իրավունքների հավաքական կառավարման կարգի մասին համաձայնագիրը։ Փաստաթուղթը սահմանել է ԻՀԿԿ գործունեության սկզբունքները, որոշել է իրավատերերի վարձատրության բաշխման և վճարման կարգը: Վերջերս Հանձնաժողովը մշտադիտարկել է այդ Համաձայնագրի իրականացումը Միությունում, ինչի արդյունքում, մասնավորապես, նշվել է իրավունքների հավաքական կառավարման կազմակերպությունների գործունեության բացության և թափանցիկության աճ, իրավատերերի հետ փոխգործակցության պարզեցում և նրանց գործունեության վերահսկման հնարավորություն:
05 Dec 2024 Բախիթ Սուլթանով. «Հանձնաժողովը և ԵԱՏՄ երկրները ակտիվ միջոցներ են ձեռնարկում Միության ներքին շուկաները կեղծ ապրանքներից պաշտպանելու համար» Աստանայում տեղի ունեցող «Հակակեղծարարություն 2024» 12-րդ միջազգային համաժողովի լիագումար նիստում Եվրասիական տնտեսական հանձնաժողովի էկոնոմիկայի և ֆինանսական քաղաքականության նախարար Բախիթ Սուլթանովը խոսել է Եվրասիական տնտեսական միությունում մտավոր սեփականության պաշտպանության առանձնահատկությունների մասին։ Նա ընդգծել է, որ մտավոր սեփականության օբյեկտների նկատմամբ իրավունքների պաշտպանությունը ԵՏՀ գերակա ուղղություններից է։ Այս տարի Հանձնաժողովը Միության երկրների հետ միասին մշակել է երկու միջազգային պայմանագրի նախագիծ՝ ՀամաձայնագիրՀամացանցում մտավոր սեփականության օբյեկտների նկատմամբ իրավունքների խախտումների դեմ պայքարի համաձայնեցված մոտեցումների մասին և Համաձայնագիր ԵԱՏՄ անդամ պետություններում պահպանվող արդյունաբերական սեփականության օբյեկտների մասին տեղեկատվության որոնման հնարավորություն տվող ծառայության մասին: Բացի այդ, նախապատրաստվել է ԵԱՏՄ պետություններում մտավոր սեփականության ոլորտի 2019-2023 թվականների վերլուծական ակնարկ: Ակնարկը տեղեկատվություն է պարունակում առաջադեմ միջազգային իրավակիրառ պրակտիկայի և ԵԱՏՄ երկրների մտավոր սեփականության ոլորտի օրենսդրության կատարելագործման արդյունքների մասին, ինչպես նաև տեղեկություններ Գլոբալ նորարարական ինդեքսի (ԳՆԻ) վարկանիշում նրանց ցուցանիշների և եվրասիական «հնգյակի» պետությունների տեխնոլոգիաների և նորարարությունների աջակցության կենտրոնների ցանցի զարգացման մասին։ Փաստաթղթի համաձայն՝ 2023 թվականին Հայաստանի Հանրապետությունը ԳՆԻ վարկանիշում բարձրացել է 9 կետով և զբաղեցրել 63-րդ տեղը, Ղրղզստանը բարձրացել է 7 կետով և զբաղեցրել 99-րդ տեղը, իսկ Ղազախստանի Հանրապետությունը բարձրացել է երեք հորիզոնականով՝ զբաղեցնելով 78-րդ տեղը։  Բախիթ Սուլթանովի խոսքով՝ վերջին հինգ տարվա ընթացքում ԵԱՏՄ-ում հայտնաբերվել է ավելի քան 46 հազար խախտում մտավոր սեփականության ոլորտում, առգրավվել է ավելի քան 60 միլիոն կեղծ ապրանք։ ԵՏՀ նախարարն ընդգծել է, որ կեղծ ապրանքների մեծ մասը կազմում են հագուստը, կոշիկը, խաղերն ու խաղալիքները, ավտոմեքենաների պահեստամասերը, սննդամթերքը, ալկոհոլը, կենցաղային տեխնիկան և էլեկտրոնիկան։ Խոսելով Միության ներքին շուկայում կեղծ ապրանքների տարածման դեմ պայքարի ուղղությամբ Հանձնաժողովի և ԵԱՏՄ պետությունների կողմից ձեռնարկվող միջոցների մասին, Բախիթ Սուլթանովը նշել է, որ Հանձնաժողովը մեծ ուշադրություն է դարձնում սպառողների շահերի պաշտպանությանը և ապրանքների անվտանգությանը։ «Ընդ որում, կեղծ արտադրանքի տարածման կանխմանն ուղղված մեր գործունեությունը չի սահմանափակվում միայն մտավոր սեփականության օբյեկտների նկատմամբ իրավունքների պաշտպանությամբ, - ասել է ԵՏՀ նախարարը։ - Մենք նաև առաջնահերթություն ենք տալիս ապրանքների անվտանգությանը և սպառողների իրավունքների պաշտպանությանը»: Հանձնաժողովը անդամ պետությունների հետ համատեղ աշխատում է ԵԱՏՄ էլեկտրոնային առևտրի ապրանքների շուկայի ստեղծման նպատակով մասնագիտացված կարգավորման ներդրման վրա։ Այս աշխատանքն ուղղված է էլեկտրոնային առևտրի մասնակիցների իրավունքների և շահերի պաշտպանությանը, նրանց միջև փոխգործակցության կանոնների սահմանմանը։ Եվս մեկ կարևոր ուղղություն է ապրանքների մակնշումն ու հետագծելիությունը, որոնք թույլ են տալիս վերահսկել արտադրանքի որակը և կանխել կեղծ և ցածրորակ ապրանքների մուտքը շուկա։ ԵԱՏՄ մակարդակով ստեղծվել են ձեռնարկատերերին աջակցելու գործիքներ, այդ թվում՝ ֆինանսական կազմակերպությունների կողմից տրված վարկերի և փոխառությունների տոկոսադրույքի սուբսիդավորման տեսքով։ «Այս բոլոր միջոցներն ուղղված են անբարեխիղճ ձեռնարկատիրական գործունեության կրճատմանը, ապրանքների և դրանց տեղափոխման եղանակների մասին տեղեկատվության հրապարակայնության բարձրացմանը, արտադրության նոր մոդելների ստեղծմանը», - ամփոփել է Բախիթ Սուլթանովը:  
04 Dec 2024 Բախիթ Սուլթանով. «ԵՏՀ և Mիության երկրների գերակայությունը աշխատավորների կենսաթոշակային ապահովման ոլորտում էլեկտրոնային փոխգործակցության հաստատումն է» Կենսաթոշակային ապահովումը, Եվրասիական տնտեսական միության երկրների աշխատավորների համար բժշկական օգնության հասանելիությունը և բժշկական զննումների արդյունքների փոխադարձ ճանաչումը Եվրասիական տնտեսական միության տնտեսագիտության և ֆինանսական քաղաքականության նախարար Բախիթ Սուլթանովի նախագահությամբ կայացած ԵՏՀ աշխատավորների սոցիալական պաշտպանության հարցերով խորհրդատվական կոմիտեի նիստի հիմնական թեմաներն էին։ Միջոցառմանը մասնակցել են Կոմիտեում Միության երկրները ներկայացնող անդամները, հրավիրված փորձագետներ, ինչպես նաև միջազգային կազմակերպությունների ներկայացուցիչներ։ Քննարկվել է Աշխատավորների կենսաթոշակային ապահովության մասին համաձայնագրի կատարման ընթացքը, որը քաղաքացիներին հնարավորություն է ընձեռում ձևավորել և պահպանել կենսաթոշակային իրավունքները Միության շրջանակներում։ Քննարկվել են աշխատանքային փորձը հաստատող ձևաթղթերի օգտագործման, ինչպես նաև ԵԱՏՄ ինտեգրված տեղեկատվական համակարգի միջոցով փոխգործակցության էլեկտրոնային ձևաչափի անցնելու հարցերը։ «Աշխատավորների կենսաթոշակային ապահովման ոլորտում կողմերի անդրսահմանային էլեկտրոնային փոխգործակցության հաստատումը Հանձնաժողովի և Միության պետությունների աշխատանքի գերակա ուղղությունն է: Այս աշխատանքի ավարտը զգալիորեն կհեշտացնի իրավասու մարմինների փոխգործակցությունը և թույլ կտա նվազեցնել քաղաքացիների դիմումները քննարկելու, ինչպես նաև կենսաթոշակների նշանակման և վճարման վերաբերյալ որոշումներ կայացնելու ժամկետները»,- նշել է Բախիթ Սուլթանովը։ Նիստում քննարկվել են աշխատանքի տեղավորման երկրում աշխատողների և նրանց ընտանիքի համար առողջապահական ծառայությունների հասանելիության հարցեր: Մասնավորապես, շեշտը դրվել է Ռուսաստանի Դաշնությունում աշխատավորների ընտանիքի անդամներին ԵԱՏՄ մասին պայմանագրին համապատասխան պարտադիր բժշկական ապահովագրություն տրամադրելու հարցին։ Ռուսաստանի Դաշնությունում Առողջապահության համաշխարհային կազմակերպության (ԱՀԿ) ներկայացուցիչ դոկտոր Բատիր Բերդիկլիչևը խոսել է ԵԱՏՄ շրջանակներում աշխատանքային միգրանտների առողջության հարցերով վերլուծական զեկույցի վրա Հանձնաժողովի և ԱՀԿ Եվրոպական բյուրոյի համատեղ աշխատանքի մասին։ Փաստաթղթի նպատակներն են ԵԱՏՄ-ում աշխատանքային միգրացիայի հետ կապված առողջապահական ասպեկտների վերլուծությունը, աշխատանքային միգրանտների և նրանց ընտանիքի անդամների համար առողջապահական ծառայությունների հասանելիությունը բարելավելու հնարավորությունների որոնումը, փոխադարձ համագործակցության առանցքային ուղղությունների բացահայտումը: Եվրասիական տնտեսական միության անդամ պետությունների աշխատավորների սոցիալական ապահովության, կենսաթոշակային իրավունքների պահպանման, բժշկական օգնության տրամադրման և մասնագիտական գործունեության հարցերով խորհրդատվական կոմիտեն ստեղծվել է ԵՏՀ կոլեգիայի 2015 թվականի ապրիլի 27-ի № 36 որոշմամբ:  
04 Dec 2024 ԵՏՀ-ն քննարկում է Կենտրոնական Ասիայում տեխնոլոգիաներին և նորարարություններին աջակցության կենտրոնների միջև համագործակցության հեռանկարները Եվրասիական տնտեսական հանձնաժողովի ձեռնարկատիրական գործունեության զարգացման վարչության տնօրեն Երնար Բակենովը Աստանայում մասնակցել է Կենտրոնական Ասիայում տեխնոլոգիաներին և նորարարություններին աջակցության կենտրոնների (ՏՆԱԿ) ցանցի զարգացմանը նվիրված տարածաշրջանային խորհրդակցությանը: Քննարկվել է եվրասիական տարածաշրջանի երկրների տեխնոպարկերի մտավոր գործունեության արդյունքների առևտրայնացման հնարավորությունների ընդլայնման նպատակով մտավոր սեփականության ոլորտում դրանց աշխատանքի զարգացմանն ուղղված համատեղ նախագիծը։ «Վերջին երկու տասնամյակի ընթացքում մենք նկատում ենք տեխնոլոգիաների սրընթաց աճ, ինչը մեզանից պահանջում է տնտեսական զարգացման մոտեցումների արմատական փոփոխություններ: Անցումը hi-tech տնտեսությանը դառնում է ոչ միայն ցանկալի, այլև անհրաժեշտ»,- նշել է վարչության տնօրենը։ Ըստ նիստի մասնակիցների՝, առանցքային խնդիրների թվում են իրավական կարգավորման կատարելագործումը և հետազոտական, գյուտարարական և նորարարական գործունեության համար բարենպաստ պայմանների ստեղծումը։ Հիմնական դերն այս գործընթացում պատկանում է գյուտարարների համար ԵԱՏՄ բոլոր երկրներում ստեղծված ՏՆԱԿ լոկալ տվյալների բազաներում պահպանվող բարձրորակ տեխնիկական տեղեկատվության հասանելիությունը: Երնար Բակենովը խոսել է մտավոր սեփականության ոլորտում վերլուծական ակնարկի նախապատրաստման մասին, որը տեղեկություններ է պարունակում առաջադեմ միջազգային պրակտիկայի և այս ոլորտում օրենսդրության կատարելագործման արդյունքների մասին։ ԵՏՀ ներկայացուցիչը նաև տեղեկատվություն է ներկայացրել ԵԱՏՄ-ում արդյունաբերական կոոպերացիային ֆինանսական աջակցության մեխանիզմի մասին, որը ներդրվել է 2024 թվականին։ Այս գործիքն ուղղված է տնտեսության իրական հատվածին աջակցելուն և ներառում է համատեղ նախագծերի իրականացման համար վարկերի տոկոսադրույքի սուբսիդավորում։ «Նման նախագծերի իրականացումը թույլ կտա ապահովել նոր արտադրությունների ստեղծում, ավելացնել փոխադարձ առևտրի և ներդրումների ծավալները, ինտենսիվացնել արտահանումը, նոր աշխատատեղեր ստեղծել»,- ամփոփել է Երնար Բակենովը։
03 Dec 2024 ԵՏՀ-ն և ԵԱՏՄ երկրները քննարկում են աշխատանքային միգրացիայի հարցերի լուծման նոր մոտեցումներ Եվրասիական տնտեսական միությունում աշխատավորների շարժունակության բարձրացման, աշխատուժի ազատ տեղաշարժի խոչընդոտների վերացման և աշխատանքային գործունեության հարմարավետ պայմանների ստեղծման հարցերը քննարկվել են Եվրասիական տնտեսական հանձնաժողովի տնտեսության և ֆինանսական քաղաքականության նախարար Բախիթ Սուլթանովի նախագահությամբ կայացած Միգրացիոն քաղաքականության հարցերով խորհրդատվական կոմիտեի նիստում: Նիստին մասնակցել են Խորհրդատվական կոմիտեում ԵԱՏՄ երկրները ներկայացնող անդամներ, փորձագետներ, դիտորդ պետությունների և միջազգային կազմակերպությունների ներկայացուցիչներ։ Քննարկվել են Ռուսաստանի Դաշնությունում աշխատող Միության երկրների քաղաքացիների համար հատուկ հարկային ռեժիմ սահմանելու փորձի ընթացքում ծագող խնդիրների լուծման ուղիները։ Այս կատեգորիայի քաղաքացիների սոցիալական պաշտպանվածությունը բարձրացնելու նպատակով որոշվել է դիտարկել ռուսաստանցիների համար նախատեսված պարտադիր բժշկական և կենսաթոշակային ապահովագրության ոլորտի իրավունքները նրանց վրա տարածելու հնարավորությունը։ Բացի այդ, քննարկվել են կեցության ժամկետը երկարաձգելու մեխանիզմները։ «Վստահաբար կարող ենք ասել, որ ԵԱՏՄ երկրների աշխատավորներին Ռուսաստանի Դաշնությունում որպես ինքնազբաղված աշխատելու հնարավորություն տալու հարցը արդիական է։ Սա էապես հեշտացնում է աշխատանքային գործունեության օրինականացման գործընթացը և կարող է հիմք դառնալ ԵԱՏՄ շրջանակներում աշխատանքային միգրացիայի ոլորտում ավելի սերտ համագործակցության համար»,- նշել է Բախիթ Սուլթանովը։ Բացի այդ, նիստում քննարկվել են թվային տեխնոլոգիաների զարգացման հետ կապված զբաղվածության նոր ձևերը, երբ Միության որևէ պետության գործատուն վարձում է մեկ այլ երկրի աշխատողին հեռավար աշխատանքի համար՝ առանց աշխատողի գտնվելու երկրում ներկայացուցչություն ունենալու: Ներկայումս նման աշխատանքային հարաբերությունները կանոնակարգված չեն ԵԱՏՄ իրավունքով։ «Զբաղվածության նոր ձևերի ի հայտ գալու պայմաններում Միության իրավունքի նորմերի արդիականացման անհրաժեշտությունը կարևոր խնդիր է, որը համալիր մոտեցում է պահանջում: Դա ներառում է աշխատողների իրավունքների պաշտպանությունը, ինչպես նաև Միության երկրների միջև զբաղվածության ոչ ստանդարտ ձևերի կարգավորման մոտեցումների ներդաշնակեցումը»,- ընդգծել է ԵՏՀ նախարարը։ Նիստի ընթացքում քննարկվել է նաև Միության երկրներում մշակվող և միգրացիայի ոլորտի կարգավորման խստացմանն ուղղված օրենսդրական ակտերը ԵԱՏՄ պետությունների քաղաքացի աշխատավորների և նրանց ընտանիքի անդամների վրա չտարածելու մասին Ղրղզստանի Հանրապետության նախարարների կաբինետի նախագահ, Նախագահի աշխատակազմի ղեկավար Ակիլբեկ Ժապարովի նախաձեռնության իրականացման հարցը: Որոշում է ընդունվել Միության իրավունքին ԵԱՏՄ երկրների աշխատանքային միգրացիայի ոլորտի օրենսդրության փոփոխությունների համապատասխանության մշտադիտարկման աշխատանքը շարունակելու մասին։ Միգրացիոն քաղաքականության հարցերով խորհրդատվական կոմիտեն ստեղծվել է Եվրասիական տնտեսական հանձնաժողովի կոլեգիայի 2012 թվականի օգոստոսի 30-ի № 154 որոշմանը համապատասխան։ Այն այս ոլորտում ԵՏՀ խորհրդատվական մարմին է: Մշակում է անդամ պետությունների աշխատանքային միգրացիայի ոլորտի օրենսդրության ներդաշնակեցման և միասնականացման, ընդհանուր աշխատաշուկայի ստեղծման, Միության ներսում անդամ պետությունների քաղաքացիների ազատ տեղաշարժի ապահովման առաջարկներ։ 
02 Dec 2024 ԵՏՀ-ն շարունակում է ներդաշնակեցնել Միության երկրների հանցավոր եկամուտների օրինականացման դեմ պայքարի ոլորտի օրենսդրությունը Ինդաուրում (Հնդկաստան)՝ Հանցավոր եկամուտների օրինականացման և ահաբեկչության ֆինանսավորման դեմ պայքարի եվրասիական խմբի (ԵԱԽ) լիագումար նիստում Եվրասիական տնտեսական հանձնաժողովի ֆինանսական քաղաքականության վարչության տնօրեն Արկադի Խաչատրյանը հայտնել է Եվրասիական տնտեսական միության երկրների հանցավոր ճանապարհով ստացված եկամուտների օրինականացման (լվացման) և ահաբեկչության ֆինանսավորման դեմ պայքարի ոլորտի օրենսդրության ներդաշնակեցման աշխատանքների մասին։ «Ներդաշնակեցման առաջարկների նախագիծը մշակվել է Միության երկրների իրավասու մարմինների հետ համատեղ՝ կարգավորիչ արբիտրաժի ռիսկը նվազագույնի հասցնելու և ֆինանսական ոլորտ քրեական տարրերի ներթափանցումը կանխելու նպատակով,- նշել է Արկադի Խաչատրյանը։ - Միջազգային ստանդարտների վրա հիմնված և ԵԱՏՄ պետությունների ազգային օրենսդրությունը հաշվի առնող այս փաստաթուղթը Հանձնաժողովի մարմինների կողմից հաստատվելուց հետո առաջարկվելու է կիրառել Միության երկրներում»: Լիագումար շաբաթվա շրջանակներում Արկադի Խաչատրյանը երկկողմ հանդիպումներ է ունեցել ԵԱԽ նախագահ, Ֆինանսական մշտադիտարկման դաշնային ծառայության տնօրեն Յուրի Չիխանչինի և Ղազախստանի Հանրապետության ֆինանսական մշտադիտարկման գործակալության նախագահ Ժանատ Էլիմանովի հետ։ Հանձնաժողովի պատվիրակությունը նաև հանդիպել է Միության պետությունների ֆինանսական մշտադիտարկման մարմինների և ֆինանսական շուկան կարգավորողների ներկայացուցիչների հետ, քննարկելով հանցավոր եկամուտների օրինականացման դեմ պայքարի արդիական հարցեր։ Եվրասիական տնտեսական հանձնաժողովը Պատվոգիր է ստացել ԵԱԽ գործունեության և զարգացման գործում ունեցած ավանդի համար։  ԵԱԽ-ն տարածաշրջանային խումբ է, որն աջակցում է տարածաշրջանի պետություններին եկամուտների լվացման և ահաբեկչության ֆինանսավորման դեմ պայքարի համապատասխան իրավական և ինստիտուցիոնալ հիմքերի ստեղծման գործում: ԵԱԽ-ին անդամակցում է ինը պետություն, այդ թվում՝ Բելառուսը, Ղազախստանը, Ղրղզստանը, Ռուսաստանը։ Հայաստանը մասնակցում է ԵԱԽ-ի գործունեությանը որպես դիտորդ։  
Ցուցադրել ավելին

Պաշարներ ԵՏՄ