Եվրասիական տնտեսական հանձնաժողովի ներկայացուցիչները մասնակցել են օգոստոսի 24-ին Տվերի մարզում կայացած 25-րդ Ամառային դիվանագիտական խաղերին։
Հանձնաժողովի աշխատակիցները մասնակցել են սպորտային ծրագրի բոլոր առարկաներին, որը ներառում էր վոլեյբոլ, մինի ֆուտբոլ, բասկետբոլ, մեծ թենիս, քրոս, ձկնորսություն, հրաձգություն ափսեներին:
Մրցույթի արդյունքներով ԵՏՀ հավաքականը առաջին տեղը գրավեց վոլեյբոլի Ամառային դիվանագիտական խաղերում։ Հանձնաժողովին հաղթանակ բերեցին Ալեքսեյ Եֆիմովը (Տեխնիկական կարգավորման և հավատարմագրման վարչություն), Ազամատ Կանուկովը (Ֆինանսների վարչություն), Սերգեյ Կոզլովը (Մակրոտնտեսական քաղաքականության վարչություն), Դարյա Մելնիկը (Էներգետիկայի վարչություն), Սերգեյ Պանկովը (Ներքին շուկաների գործունեության վարչություն), Միխայիլ Յուսովը (Արդյունաբերական քաղաքականության վարչություն), Ալբերտ Յանենը (Մրցակցային քաղաքականության և պետական գնումների ոլորտի քաղաքականության վարչություն):
Արժանավայել հանդես եկավ ԵՏՀ բասկետբոլի թիմը՝ երեք խաղերից երկուսում հաղթանակ տանելով, սակայն զիջելով մրցանակային տեղերի համար պայքարում։
Հանձնաժողովի ներկայացուցիչներն աչքի են ընկել նաև անհատական մրցումներում։
Արարողակարգի և կազմակերպական ապահովման ներկայացուցիչ Մարիա Ռեուտսկայան մեծ թենիսում զբաղեցրեց 3-րդ տեղը։
Էներգետիկայի վարչության ներկայացուցիչ Դարյա Մելնիկը 200 մետր վազքում 4-րդ տեղն է գրավել։
Մարզական
միջոցառմանը մասնակցել են Ռուսաստանի Դաշնությունում հավատարմագրված դիվանագիտական
և հյուպատոսական ներկայացուցչությունների ղեկավարներ և աշխատակիցներ, միջազգային
կազմակերպությունների աշխատակիցներ և նրանց ընտանիքների անդամներ։
