Հոկտեմբերի 1-ին Երևանում Եվրասիական տնտեսական միության երկրների կառավարությունների ղեկավարները հաստատել են միջնաժամկետ ռազմավարական փաստաթուղթը՝ Մինչև 2030 թվականը ԵԱՏՄ շրջանակներում արդյունաբերական համագործակցության հիմնական ուղղությունները։
Արդյունաբերական համագործակցության նոր միջնաժամկետ կողմնորոշիչները համապատասխանում են Միությունում արդյունաբերության զարգացման միտումներին: Արդիականացվել և ընդլայնվել է գերակա ճյուղերի ցանկը, թարմացվել և լրացվել է արդյունաբերության զարգացման և Միության շրջանակներում կոոպերացիոն համագործակցության ցուցիչների ցանկը։
Միջկառավարական խորհրդի անդամները հավանություն են տվել նաև ԵԱՏՄ պետությունների կողմից իրականացվող ներմուծման փոխարինման համատեղ նախագծերի մասին զեկույցին։ Փաստաթուղթը ներկայացվում է կառավարությունների ղեկավարների քննարկմանը երկու տարին մեկ անգամ՝ Միության արդյունաբերականացման քարտեզի համապատասխան մշտադիտարկման արդյունքների հիման վրա, և տեղեկատվություն է պարունակում անդամ պետություններում ներմուծման փոխարինման աշխատանքների ուղղությունների մասին, ինչպես նաև եզրակացություններ և առաջարկներ ներմուծման փոխարինման համատեղ նախագծերի մշակման խթանման վերաբերյալ։
Հավանության են արժանացել նաև
ագրոարդյունաբերական համալիրի զարգացման համատեղ կանխատեսումները, անդամ
պետությունների՝ գյուղատնտեսական արտադրանքի, սննդամթերքի, կտավատի մանրաթելերի,
կաշվի հումքի, բամբակի մանրաթելերի և բրդի 2024-2025 թվականների առաջարկի և
պահանջարկի հավասարակշռությունները։
