Նորություններ

Այս առաջարկը հոկտեմբերի 18-ին Պեկինում (Չինաստան)՝ «Մեկ գոտի, մեկ ճանապարհ» նախաձեռնության շրջանակում կայացած Միջազգային համագործակցության բարձր մակարդակի երրորդ համաժողովում հնչեցրել է Եվրասիական տնտեսական հանձնաժողովի կոլեգիայի նախագահ Միխայիլ Մյասնիկովիչը։

«ԵԱՏՄ բոլոր երկրների ղեկավարները պաշտպանել են Ռուսաստանի նախագահ Վլադիմիր Պուտինի և ՉԺՀ նախագահ Սի Ցզինպինի գաղափարը եվրասիական ինտեգրման և «Մեկ գոտի, մեկ ճանապարհ» նախաձեռնության զուգակցման վերաբերյալ,- նշել է Միխայիլ Մյասնիկովիչը՝ Փոխկապվածության բարձր մակարդակի համաժողովի շրջանակներում իր ելույթի ընթացքում։ - Սա մեր երկրների ղեկավարների խելամիտ և շատ կարևոր որոշում է։ Այն նշանավորեց անցումը միջազգային տնտեսական հարաբերությունների նոր պարադիգմին: Եվրասիական տարածաշրջանում ինտեգրացիոն մեխանիզմների թափանցիկությունը, իրավահավասարությունն ու փոխլրացվելիությունը այս գաղափարի հիմնական սկզբունքներն են»։

Այս կապակցությամբ ԵՏՀ կոլեգիայի ղեկավարը հիշեցրել է, որ Բելառուսի Հանրապետության նախագահ Ալեքսանդր Լուկաշենկոն առաջարկել է անցկացնել ԵԱՏՄ,-ի ՇՀԿ-ի և ԲՐԻԿՍ-ի համատեղ գագաթնաժողով՝ քննարկելու տնտեսական համագործակցության առանցքային խնդիրները, որոնք արդիական են Չինաստանի և նշված միջազգային կառույցներում ընդգրկված այլ երկրների համար։

Տեղեկացնելով Համաժողովի մասնակիցներին եվրասիական ինտեգրման և «Մեկ գոտի, մեկ ճանապարհ» նախաձեռնության զուգակցման իրականացման գործնական աշխատանքի մասին՝ Միխայիլ Մյասնիկովիչը նշել է, որ, ի կատարումն ԵԱՏՄ երկրների և Չինաստանի ղեկավարների որոշումների կողմերը ստորագրել են Համաձայնագիր առևտրատնտեսական համագործակցության մասին: 2023 թվականի փետրվարին հաստատվել է փոխգործակցության մի շարք առավել հեռանկարային ոլորտների ճանապարհային քարտեզ: Այս և այլ լուծումներն այսօր գործնականում օգնում են լուծել տրանսպորտային միջանցքների թվայնացման և երկաթուղային բեռնափոխադրումների ընթացքում փաստաթղթերի փոխանակման էլեկտրոնային ձևին անցնելու խնդիրները, ինչը զգալիորեն կրճատում է երթևեկության ժամանակը: Վարվում է կայուն երկխոսություն կլիմայական օրակարգի շուրջ, համագործակցություն է ապահովվում արդյունաբերության ոլորտում և էլեկտրոնային առևտրում։

«ԵԱՏՄ երկրների կառավարությունների և ՉԺՀ-ի, ինչպես նաև Եվրասիական տնտեսական հանձնաժողովի ձեռնարկած միջոցներն ու ջանքերը թույլ են տվել հասնել կոնկրետ արդյունքների,- ընդգծել է Միխայիլ Մյասնիկովիչը։ - Եվրասիական տնտեսական միության երկրների և Չինաստանի Ժողովրդական Հանրապետության միջև ապրանքաշրջանառությունը 2015-2022 թվականներին՝ ԵԱՏՄ գործունեության ընթացքում, աճել է 2.8 անգամ և փաստացի հասել 220 միլիարդ դոլարի, ինչը ռեկորդային մակարդակ է փոխհարաբերությունների ողջ պատմության ընթացքում»:

Որպես չինական ուղղությամբ արդյունավետ աշխատանքի ևս մեկ վառ օրինակ՝ Համաժողովի շրջանակներում ներկայացվել է ԵՏՀ-ի կողմից մշակված «Եվրասիական ագրոէքսպրես» նախագիծը, որն ուղղված է ԵԱՏՄ երկրներից Չինաստան գյուղատնտեսական արտադրանքի և պարենի արագացված կանոնավոր փոխադրումների համար հարմարավետ պայմանների ստեղծմանը։ Միայն դրա իրականացման առաջին տարում Բելառուսից և Ռուսաստանի շրջաններից ՉԺՀ է ուղարկվել 18.5 հազար կոնտեյներ գյուղատնտեսական բեռներով, ինչը կազմում է Չինաստանի հետ առևտրի ընթացքում փոխադրված բոլոր նմանատիպ ապրանքների ավելի քան 7.5%-ը։

Եվրասիական տնտեսական միությունը ռեզերվներ ունի առանցքային առևտրատնտեսական գործընկերոջ հետ համագործակցության հետագա խորացման համար։ Հանձնաժողովն առաջարկում է, մասնավորապես, ակտիվացնել աշխատանքը տրանսպորտային և ենթակառուցվածքային զարգացման ոլորտում ԵԱՏՄ-ի և ՉԺՀ-ի համատեղ նախագծերի իրականացման ուղղությամբ։ Միությունում դրա համար անհրաժեշտ բազա է ստեղծվել։ 2022 թվականի օգոստոսին ԵԱՏՄ երկրների կառավարությունների ղեկավարները հաստատել են տրանսպորտի ոլորտում յոթ առաջնահերթ ինտեգրացիոն նախագծերի ցանկը, որոշվել են աշխատանքների ծավալները։ Միխայիլ Մյասնիկովիչը չինացի գործընկերներին հրավիրել է ավելի ակտիվ մասնակցել այս գործունեությանը, որի շրջանակներում, օրինակ, Բելառուսն ու ՉԺՀ-ն արդեն համատեղ իրականացրել են մի շարք խոշոր տրանսպորտային նախագծեր։

«Մենք համոզված ենք, որ մեր համատեղ գործողությունները թույլ կտան ապահովել անխափան տրանսպորտային կապը Եվրասիայում։ Այդ նպատակով Եվրասիական տնտեսական հանձնաժողովը մշակել և ներկայացրել է տրանսպորտալոգիստիկ մեգանախագծի հայեցակարգը Եվրասիական տնտեսական միության և Շանհայի համագործակցության կազմակերպության փոխգործակցության շրջանակներում», - հայտնել է ԵՏՀ կոլեգիայի նախագահը։

Նրա կարծիքով՝ նպատակահարմար է, որ Միության երկրների և Չինաստանի առաջադեմ գիտելիքներ ու տեխնոլոգիաներ կրողներն ավելի ակտիվ աշխատեն ընդհանուր խնդիրների լուծման ուղղությամբ։ Միխայիլ Մյասնիկովիչը կարծում է, որ այս թեման կարող է դառնալ «Մեկ գոտի, մեկ ճանապարհ» նախաձեռնության իրականացման առանցքային թեմաներից մեկը։