Նորություններ

Մերձեցման ենթակա բնական մենաշնորհների ոլորտում Եվրասիական տնտեսական միության երկրների նորմատիվ իրավական ակտերի ցանկի ձևավորման աշխատանքի արդյունքները քննարկվել են Բնական մենաշնորհների հարցերով խորհրդատվական կոմիտեի նիստում Եվրասիական տնտեսական հանձնաժողովի տրանսպորտի և ենթակառուցվածքի վարչության տնօրենի պաշտոնակատար Ելենա Վալենտայի նախագահությամբ։

«Փաստաթուղթը կնպաստի բնական մենաշնորհների ոլորտներում անդամ պետությունների օրենսդրության ներդաշնակեցման գործընթացներին Միության մասին պայմանագրով սահմանված բնական մենաշնորհների սուբյեկտների գործունեության կարգավորման սկզբունքների և կանոնների հիման վրա ազգային օրենսդրությունում համապատասխան փոփոխություններ կատարելու միջոցով»,- նշել է Ելենա Վալենտան։

Նիստի ընթացքում նաև հավանության է արժանացել տեղեկատվության կառուցվածքը, որը կպարունակի ընթացիկ տարում բնական մենաշնորհների ոլորտի խնդիրների իրականացման արդյունքները։

Բացի այդ, Հայաստանի Հանրապետության Հանրային ծառայությունները կարգավորող հանձնաժողովը ներկայացրել է Հայաստանում սակագնային քաղաքականության առանձնահատկությունները և էներգաարդյունավետության հարցերով պետական աջակցության միջոցները։