ԵԱՏՄ տարանցման ներուժի իրացման հեռանկարները քննարկել են Տեմիրբեկ Ասանբեկովը և Ղրղզստանի տրանսպորտի և հաղորդակցությունների նախարար Էրքինբեկ Օսոևը
ԵԱՏՄ տարանցման ներուժի իրացման հեռանկարները քննարկել են Տեմիրբեկ Ասանբեկովը և Ղրղզստանի տրանսպորտի և հաղորդակցությունների նախարար Էրքինբեկ Օսոևը
ԵՏՀ նախարարը նշել է, որ «ներկայիս իրողությունը եվրասիական ինտեգրացիայի արդիական հարցերի բազմակողմանի քննարկումը դարձնում է էլ ավելի կարևոր»։ Կողմերը համաձայնեցրել են տրանսպորտի ոլորտում պանելային նստաշրջանի անցկացումը, որը կայանալու է մայիսի 26-ից 27-ը Բիշքեկում պլանավորված Եվրասիական տնտեսական համաժողովի շրջանակներում՝ Եվրասիական տնտեսական Բարձրագույն խորհրդի և ԵԱՏՄ անդամ պետությունների տրանսպորտի ոլորտի լիազորված մարմինների ղեկավարների Խորհրդի նիստի հետ միաժամանակ։
Նստաշրջանը նվիրված է լինելու ԵԱՏՄ տրանսպորտային քաղաքականության իրագործմանը, դրա՝ եվրա-ասիական կապերի և շարժունակության զարգացմանն ուղղված առանցքային նպատակներին և առաջնահերթ խնդիրներին։ «Նստաշրջանի արդյունքում պլանավորվում է տրանսպորտային գերատեսչությունների ղեկավարների կողմից բանաձևի ընդունում։ Դրանով հաստատելու ենք մեր՝ տրանսպորտի, փոխադրումների և լոգիստիկայի գլոբալ ձևաչափով զարգացման ուղղությամբ միջազգային կազմակերպությունների ջանքերին և հայտարարված նախաձեռնություններին միանալու մտադրությունները», – ամփոփել է ԵՏՀ նախարարը։
Այդ կապակցությամբ, Տեմիրբեկ Ասանբեկովը Ղրղզստանի տրանսպորտի և հաղորդակցությունների նախարար Էրքինբեկ Օսոևին հրավիրել է մասնակցել կայանալիք միջոցառումներին։ Ղրղզ գործընկերը հաստատել է իր մասնակցությունը։
Հանդիպման մասնակիցներ առանձնահատուկ ուշադրություն են հատկացրել ԵԱՏՄ երկրների տրանսպորտային համալիրների զարգացման վրա անմիջական ազդեցություն ունեցող հարցերին՝ եվրասիական տրանսպորտային միջանցքների զարգացմանը, օդային հաղորդակցության ընդլայնմանը, բեռների կաբոտաժային ավտոմոբիլային փոխադրումներին, տարանցման ծավալների ավելացման համար պայմանների ստեղծմանը, մասնավորապես՝ ավտոմոբիլային և երկաթուղային տրանսպորտով փոխադրումներ իրականացնելիս նավագնացական կապարակնիքների կիրառմանը, էլեկտրոնային փաստաթղթերի կիրառմանն անցնելուն, սահմանների հատման հարցերին։
Հանդիպմանը նաև մասնակցել է ԵՏՀ տրանսպորտի և ենթակառուցվածքի վարչության տնօրեն Դաուրեն Սաբիտովը, որը ղրղզական կողմի ներկայացուցիչներին տեղեկացրել է վարչության աշխատանքի, ճյուղային աշխատանքի նվաճումների և հեռանկարների մասին։