Եվրասիական տնտեսական հանձնաժողովի տեխնիկական կարգավորման նախարար Վիկտոր Նազարենկոն Եվրասիական տնտեսական միության երկրների իր գործընկերներին շնորհավորել է Որակի համաշխարհային օրվա առթիվ։
Եվրասիական տնտեսական միության անդամ պետությունների համար ներկա փուլում հատկապես կարևոր են որակի և մրցունակության հարցերը։ Որակյալ և սպառողների շրջանում պահանջարկ ունեցող արտադրանքի թողարկումը գերակա խնդիր է ցանկացած կազմակերպության և տնտեսության ամբողջ ոլորտների հաջողության ճանապարհին՝ թե ներքին, թե արտաքին շուկաներ ապրանքներ մատակարարելիս:
Շնորհավորելով Միության իր բոլոր գործընկերներին, որոնք ներգրավված են ստանդարտացման աշխատանքներում՝ Վիկտոր Նազարենկոն ընդգծել է. «Տեխնիկական կարգավորման և ստանդարտացման մեխանիզմներն ուղղված են անվտանգ և որակյալ արտադրանքի արտադրության համար պայմանների ստեղծմանը, որը համապատասխանում են Եվրասիական տնտեսական միության միասնական շուկայի պահանջներին և մեր պետությունների սպառողների ակնկալիքներին»։
Նրա խոսքով՝ արտադրանքի որակի բարձր մակարդակի հասնելը ենթադրում է փոխլրացնող համալիր միջոցներ, ներառյալ ձեռնարկությունների բարձր գիտատեխնիկական ներուժի և անձնակազմի իրավասության պահպանումը, արտադրության և վերահսկողության ժամանակակից տեխնոլոգիաների, համակարգային մենեջմենթի արդյունավետ ձևերի ու մեթոդների կիրառումը:
«Վստահ եմ, որ տեխնիկական կարգավորման բոլոր ուղղությունների համակարգված զարգացումը հիմք կստեղծի կազմակերպությունների կողմից արտադրանքի որակի և մրցունակության բարձրացման արդյունավետ մոտեցումների կիրառման համար, որոնք նպաստում են մեր երկրների տնտեսությունների նորարարական զարգացմանը, մեր քաղաքացիների կյանքի որակի բարելավմանը և համաշխարհային ասպարեզում Եվրասիական տնտեսական միության իմիջի բարձրացմանը», — իր շնորհավորական խոսքում ընդգծել է Վիկտոր Նազարենկոն։
