Նորություններ

Գիտաժողովին մասնակցել են ԵԱՏՄ երկրներից գիտության, կրթության, արտադրական ձեռնարկությունների և պետական գերատեսչությունների ներկայացուցիչներ: Նրանք քննարկել են սարքավորումների և տեխնոլոգիաների ներմուծումից կախվածության նվազեցման կիրառական խնդիրների լուծումները, որոշել սեփական կիրառական գիտական բազայի զարգացման հեռանկարային ուղղությունները:

Կոնֆերանսի շրջանակներում կայացել են չորս բաժիններ՝ դեղագործական և կենսաբանական արտադրանքի շուկայում արտադրություն և ներմուծում, տեղեկատվական-հաղորդակցական տեխնոլոգիաներ (ՏՀՏ), մեքենաշինության և նոր նյութերի զարգացում, ԵԱՏՄ տնտեսության զարգացում կառուցվածքային և տեխնոլոգիական վերափոխման պայմաններում: Արդյունքները կամփոփվեն լիագումար նիստին, որը տեղի կունենա ԵՏՀ Կոլեգիայի նախագահին առընթեր Գիտատեխնիկական խորհրդի նախագահության ընդլայնված նիստի ձևաչափով:

Ինչպես նշել է Միխայիլ Մյասնիկովիչը լիագումար նիստի շրջանակներում, Համաժողովի արդյունքներով ձևավորված առաջարկությունները հաշվի կառնվեն համատեղ ծրագրերի և բարձր տեխնոլոգիական նախագծերի նախապատրաստման և իրականացման, գիտության և տեխնոլոգիաների վերաբերյալ տեղեկատվության տվյալների ազգային բազաների ձևավորման ժամանակ, ինչպես նաև պահանջված են ԵԱՏՄ պետությունների տնտեսության ներքին կայունության բարձրացման համար պայմանների ստեղծման համար ձևավորվող բարձր մակարդակի աշխատանքային խմբի աշխատանքում:

«Այժմ Հանձնաժողովը անդամ պետությունների հետ մշակում է Միության ռազմավարական ծրագիրը և գիտատեխնիկական զարգացման առաջնահերթությունները։ Որպես առաջնահերթություն դիտարկվում են հետևյալ ուղղությունները՝ տեղեկատվական-հաղորդակցական տեխնոլոգիաներ, կենսատեխնոլոգիաներ, դեղագիտություն և բժշկություն, մեքենաշինության տեխնոլոգիաներ, նոր նյութերի և վառելիքի արտադրություն, գյուղատնտեսություն, արդյունահանող ճյուղեր: Ցանկը բաց է և անհրաժեշտության դեպքում լրացվելու է», – ասել է ԵՏՀ Կոլեգիայի ղեկավարը։

Նրա խոսքով՝ ԵԱՏՄ երկրները դեռևս հետ են մնում ՀՆԱ-ի գիտատարության ցուցանիշներից։ Այսպես, համաշխարհային ՀՆԱ-ում ԳՀՓԿԱ-ի ծախսերը կայուն աճում են՝ մոտենալով 4%-ին։ ԵԱՏՄ երկրներում դա մոտ 1% է։

Ուստի արդիական է հեռանկարային գիտական հետազոտությունների և փորձակոնստրուկտորական մշակումների ֆինանսավորման արդյունավետ մեխանիզմների ներդրման հարցը։ Միխայիլ Մյասնիկովիչը նշել է, որ ԵԱՏՄ-ում չկա համապատասխան ինստիտուցիոնալ ենթակառուցվածք, դրա ստեղծման համար նախատեսվում է մշակել Եվրասիական միջկառավարական խորհրդի որոշման համապատասխան նախագիծ:

Առանձին ուշադրություն պետք է դարձնել նաև գիտահետազոտական հաստատությունների և արտադրական հարթակների միջև շփումների հաստատմանը, կարծում է ԵՏՀ Կոլեգիայի նախագահը:

Այդ կապակցությամբ նա առաջարկել է Հանձնաժողովի հարթակում կազմակերպել ԵՏՀ Կոլեգիայի նախագահին առընթեր Գիտատեխնիկական խորհրդի և ԵՏՀ փոխգործակցության հարցերով Խորհրդատվական կոմիտեի և ԵԱՏՄ Գործարար խորհրդի համատեղ նիստը:

Բելառուսի ԳԱԱ նախագահության նախագահ Վլադիմիր Գուսակովը լիագումար նիստին նշել է, որ այսօր օրակարգում խիստ արդիական հարց է՝ Միության պետությունների գիտատեխնիկական զարգացման առաջնահերթությունները։ «Ըստ էության, դա մեր երկրներից յուրաքանչյուրի և ընդհանուր առմամբ ինտեգրացիոն միավորման գիտանորարարական անվտանգության ապահովման և տեխնոլոգիական ինքնիշխանության ամրապնդման կոնկրետ ուղղությունների և միջոցառումների սահմանման հարցն է», – ընդգծել Է Վլադիմիր Գուսակովը:

Նա առաջարկել է հավասարակշռված պետական զարգացման հասնելու համար ապահովել Միության պետությունների ներուժի միավորումը՝ հիմնվելով յուրաքանչյուր երկրի գիտատեխնիկական կոնկրետ իրավասությունների վրա։

Ամփոփելով մեքենաշինությանը և նոր նյութերին նվիրված նստաշրջանի արդյունքները՝ ԵՏՀ արդյունաբերության և ագրոարդյունաբերական համալիրի հարցերով նախարար Արտակ Քամալյանը նշել է, որ քննարկման մասնակիցները համաձայնել են ԵԱՏՄ երկրներում ներմուծման փոխարինման զարգացմանը հատուկ ուշադրություն հատկացնելու հարցում։

Այս կապակցությամբ, ըստ Արտակ Քամալյանի, Հանձնաժողովին անդամ պետությունների հետ համատեղ անհրաժեշտ է լուծել համագործակցական նախագծերի ֆինանսավորման հարցը, ինչպես նաև շարունակել համատեղ տեղեկատվական-վերլուծական աշխատանքը:

«Ինչ վերաբերում է մեր միությունում կոոպերացիայի և ներմուծման փոխարինման հետագա խորացմանը, ապա աշխատանքի նման ուղղությունները պարունակվում են ԵԱՏՄ Արդյունաբերականացման քարտեզում։ Այս տեղեկագրում ներառված են 195 մլրդ դոլար ընդհանուր արժողությամբ շուրջ 200 խոշոր իրականացվող և նախատեսվող ներդրումային և համագործակցական նախագծերի մասին տեղեկություններ: Խոսքը վերաբերում է ավիաշինությանը և նավաշինությանը, ավտոմոբիլային և թեթև արդյունաբերությանը, դեղագործական արդյունաբերությանը, մետաղագործությանը, շինանյութերի արդյունաբերությանը, շինարարաճանապարհային, հատուկ և կոմունալ տեխնիկայի արտադրությանը և այլ ճյուղերին: Արդյունաբերականացման քարտեզն անընդհատ թարմացվում է, - ասել է Արտակ Քամալյանը։

Ինտեգրացիայի և մակրոտնտեսության հարցերով նախարար Սերգեյ Գլազևը, իր հերթին, հայտարարել է ԵԱՏՄ գիտատեխնիկական զարգացման ռազմավարական ծրագրի մշակման կարևորության մասին: Դրա առանցքը պետք է դառնա զարգացման ընդհանուր առաջնահերթությունների մշակումը։ «Ակնհայտ է, որ մենք պետք է շեշտը դնենք բեկումնային տեխնոլոգիաների վրա, որոնք կդառնան տնտեսության նոր տեխնոլոգիական կացութաձևի կորիզը», – վստահ է Սերգեյ Գլազևը: Նրա խոսքով՝ աշխատանքի համար նախատեսված նախագծերը կընտրի փորձագետների լայն խումբ՝ մինչև 2000 մարդ։

ԵԱՏՄ-ում տեխնիկական կարգավորման միասնականացման աստիճանի մասին պատմել է ԵՏՀ տեխնիկական կարգավորման հարցերով նախարար Վիկտոր Նազարենկոն. «Միության շուկայում շրջանառվող արտադրանքի 88%-ն ընդգրկված է ընդհանուր տեխնիկական կարգավորմամբ։ Ստանդարտների ներդաշնակեցման մակարդակը, օրինակ՝ էլեկտրատեխնիկայի, միջազգային պահանջների հետ, ներկայումս գերազանցում է 80%-ը։ Ընդ որում, մրցունակության բարձրացման և արտահանման ներուժի կարևոր ասպեկտը Միության կանոնակարգերի գիտատեխնիկական մակարդակի պարբերական գնահատումն է», – կարծում է Վիկտոր Նազարենկոն։