Նորություններ

24.01.2022 (Обновлено: 02.02.2022 17:02)

ԵԱՏՄ-ի լավագույն ապրանքների շնորհանդեսն անցկացվելու է Եվրասիական տնտեսական համաժողովների շրջանակներում

ԵՏՀ Խորհուրդը կողմ է հանդես եկել Եվրասիական տնտեսական հանձնաժողովի արդյունաբերության և ագրոարդյունաբերական համալիրի հարցերով բլոկի նախաձեռնությանը, որը սահմանում է՝ այդ թվում որակի ազգային մրցույթների անցկացման արդյունքներով Եվրասիական տնտեսական միության պետությունների լավագույնը ճանաչված ապրանքները Եվրասիական տնտեսական համաժողովների ցուցահանդեսային մասի շրջանակներում ներկայացման հնարավորության իրավական հիմքերը։

«Նման ցուցահանդեսների անցկացումը թույլ կտա ստեղծել լրացուցիչ խթաններ Եվրասիական տնտեսական միության երկրների արտադրանքի որակի բարելավման և մրցունակության բարձրացման համար, ապահովել մեր արտադրողների ապրանքների տեղեկատվական աջակցությունը՝ ինչպես Միության ներսում, այնպես էլ արտահանելիս՝ դրանց արդյունավետ առաջխաղացման համար», – նշել է ԵՏՀ արդյունաբերության և ագրոարդյունաբերական համալիրի հարցերով նախարար Արտակ Քամալյանը։
Ինչպես ընդգծել է Արտակ Քամալյանը, Եվրասիական տնտեսական համաժողովների շրջանակներում ԵԱՏՄ լավագույն ապրանքների ցուցահանդեսների անցկացումը նաև թույլ կտա բարձրացնել Միության պետությունների որակի ազգային մրցույթների կարգավիճակը և գրավչությունը։

Տեղեկանք

Եվրասիական տնտեսական համաժողովը՝ Եվրասիական տնտեսական միության ամենամյա գործարար միջոցառում է, որը հերթականությամբ անցկացվում է Միության՝ ԵԱՏՄ-ի մարմիններում նախագահող պետությունում։

Համաժողովի նպատակներն են հանդիսանում ԵԱՏՄ երկրների տնտեսական համագործակցության հետագա զարգացումը, այդ թվում՝ տնտեսավարող սուբյեկտների միջև համագործակցական կապերի ձևավորումը և ներդրումային ու նորարարական ներուժների միավորումից սիներգետիկ արդյունքի ստացումը, արտահանման ներուժի զարգացումը։

Համաժողովը նպաստում է ԵԱՏՄ երկների պետական իշխանության մարմինների և բիզնես համայնքների գործակցության արդյունավետության բարձրացմանը, ինչպես նաև ծառայում է որպես հարթակ՝ ինտեգրացիոն միավորման կայուն զարգացման հեռանկարների գնահատման, ձեռնարկատիրական գործունեության վարման պայմանների և զարգացման հետագա ուղղությունների քննարկման համար։