Ստանդարտացման մարմինների ղեկավարների խորհուրդը քննարկել է ԵԱՏՄ շրջանակներում ստանդարտացման ոլորտի զարգացումը

Եվրասիական տնտեսական հանձնաժողովի տեխնիկական կարգավորման նախարար Վալենտին Տատարիցկին և բլոկի ներկայացուցիչները մասնակցել են Եվրասիական տնտեսական միության ստանդարտացման պետական (ազգային) մարմինների ղեկավարների խորհրդի նիստին։

Քննարկման առանցքային թեման են դարձել ԵԱՏՄ-ում ստանդարտացման ոլորտի զարգացման և տեխնիկական կանոնակարգերը ժամանակակից միջպետական ստանդարտների լիարժեք ապացուցողական բազայով ապահովելու համակարգային հարցերը։

«Մենք առանձնահատուկ ուշադրություն ենք դարձնում ԵԱՏՄ տեխնիկական կանոնակարգերի միջպետական ստանդարտների մշակման ծրագրերի կատարմանը, — նշել է Վալենտին Տատարիցկին։ — ԵՏՀ-ի կողմից իրականացվող մշտադիտարկման շրջանակներում հայտնաբերվել է նման ծրագրերի իրականացման ոչ բավարար արդյունավետություն, ինչը դժվարացնում է տեխնիկական կանոնակարգերի ժամանակին ապահովումը ժամանակակից միջպետական ստանդարտներով»։

Ընդհանուր առմամբ, ծրագրերը նախատեսում են Միության տեխկանոնակարգերի 2702 միջպետական ստանդարտի մշակում։ Հիմնական մշակող երկրներն են Ռուսաստանը (2005 ԳՕՍՏ), Ղազախստանը (344 ԳՕՍՏ), Բելառուսը (312 ԳՕՍՏ):

Մինչև 2024 թվականի վերջ նախատեսվում էր մշակել 1802 միջպետական ստանդարտ։ Մշակվել և հաստատվել է 1107-ը, որը նախատեսվածի 61 տոկոսն է։

Ղեկավարների խորհրդի անդամները կարևորել են Ստանդարտացման միջպետական խորհրդի և ԵԱՏՄ-ի միջև համագործակցության ամրապնդումը։ Երկու ինտեգրացիոն հարթակների խնդիրները սերտորեն կապակցված են։ Կարևորվել է ապացուցողական բազայի համար միջպետական ստանդարտների մշակմանը միջպետական տեխնիկական կոմիտեների տեխկանոնակարգերի ավելի խորը ներդրավումը, ինչպես նաև ԳՕՍՏ-ի մշակման ընթացքում երկրների միջև ծագող վիճահարույց հարցերի քննարկումը ԵՏՀ ստանդարտացման ենթակոմիտեի հարթակում։

Նշվել է նաև ԵԱՏՄ ստանդարտացման պետական (ազգային) մարմինների ղեկավարների խորհրդի 2025-2027 թվականների աշխատանքների ռազմավարական աշխատանքային պլանի մշակման արդիականությունը։