Եվրասիական տնտեսական հանձնաժողովի Խորհուրդը հստակեցրել է այն սուբյեկտների շրջանակը, որոնք կարող են լինել բժշկական արտադրատեսակների շրջանառության ոլորտի ստուգող կազմակերպություն։
Եվրասիական տնտեսական հանձնաժողովի Խորհրդի 2017 թվականի նոյեմբերի 10-ի N 106 որոշմամբ հաստատված Բժշկական արտադրատեսակների կիրառման հնարավոր ռիսկով պայմանավորված՝ դրանց որակի կառավարման համակարգի ներդրման, պահպանման և գնահատման պահանջներում փոփոխվել է «ստուգող կազմակերպություն» հասկացության սահմանումը: Հաշվի առնելով փոփոխությունը՝ արտադրության ստուգումը կիրականացվի կամ բժշկական արտադրատեսակների շրջանառության ոլորտում ԵԱՏՄ երկրի լիազորված մարմնի, կամ նրան ենթակա կազմակերպության կողմից։
«Բժշկական արտադրատեսակների արտադրության ստուգումը նախատեսված է ԵԱՏՄ-ում գործող՝ բժշկական արտադրանքների շրջանառությունը կարգավորող համակարգով,- նշել է ԵՏՀ տեխնիկական կարգավորման նախարար Վիկտոր Նազարենկոն։ - Բացի այդ, այս ընթացակարգը կարևոր փուլ է բժշկական արտադրատեսակների մուտքը Միության շուկա թույլատրելու գործում»։
Փոփոխությունը կբարձրացնի բժշկական արտադրատեսակների արտադրության ստուգման արդյունքների նկատմամբ ԵԱՏՄ պետությունների փոխվստահության մակարդակը և դրականորեն կազդի ԵԱՏՄ շրջանակներում բժշկական արտադրատեսակների հասանելիության վրա։
