Նորություններ
ԵՏՀ-ում քննարկել են լիազորված տնտեսական օպերատորների նույնականացման միջոցների կիրառման պրակտիկայի ընդլայնման հարցը
Լիազորված տնտեսական օպերատորի (ԼՏՕ) կողմից դրված կապարանիքները մաքսային մարմինների կողմից որպես նույնականացման միջոց ճանաչելու ձևով պարզեցում կիրառելու պրակտիկան քննարկվել է ԼՏՕ ինստիտուտի զարգացման հարցերով խորհրդատվական կոմիտեին կից աշխատանքային խմբի հերթական նիստի ընթացքում, որն անցել է Եվրասիական տնտեսական հանձնաժողովի մաքսային օրենսդրության և իրավակիրառ պրակտիկայի վարչության փոխտնօրեն Նուրլան Բայնազարովի գլխավորությամբ։
2020 թվականին Հանձնաժողովն որոշում է ընդունել, որով սահմանվել են ԼՏՕ-ի կողմից փոխադրամիջոցների բեռնատար տարածքների (հատվածամասերի) վրա դրված և մաքսային մարմինների կողմից որպես նույնականացման միջոց ճանաչվող կապարակնիքներին ներկայացվող պահանջները։
Աշխատանքային խմբի փորձագետներն անդրադարձել են այս հարցի վերաբերյալ գործող իրավապահ պրակտիկայի առաջին արդյունքներին և մակրոտնտեսական անկայունության պայմաններում օպերատորների համար հեռանկարային պարզեցումը գործնականում իրականացնելու հնարավոր տարբերակներին։
Հանդիպման ընթացքում շարունակվել է նաև ԼՏՕ ապրանքների հաշվառման համակարգին ներկայացվող տիպային պահանջների նախագծի քննարկումը։
«Ապրանքների հաշվառման համակարգը հետմաքսային հսկողության հեռանկարային ուղղություն է, և այս փուլում մենք փորձում ենք կիրառել այդ գործիքը ԱՏԳ մեր բարեխիղճ մասնակիցների նկատմամբ», - նշել է Նուրլան Բայնազարովը:
Տեղեկանք
Լիազորված տնտեսական օպերատորի ինստիտուտը գործընկերային ծրագրի միջազգայնորեն ճանաչված ստանդարտ է, իսկ ԼՏՕ-ն՝ անձանց հատուկ կատեգորիա, որոնց՝ որպես որոշակի պահանջներին համապատասխանող անձանց, մաքսային գործառնություններ և մաքսային հսկողություն իրականացնելիս տրամադրվում են պարզեցումներ։
ԵԱՏՄ անդամ պետություններում ԼՏՕ ինստիտուտի զարգացման հարցերով աշխատանքային խումբը ստեղծվել է 2014 թվականին: Այն մշակում է Միությունում լիազորված տնտեսական օպերատորի ինստիտուտի կատարելագործման և զարգացման առաջարկներ։
