Ղրղզստանի Հանրապետության էկոնոմիկայի և առևտրի փոխնախարար Ռուսլան Տատիկովը նշել է, որ ոսկերչական ոլորտը Միության կարևորագույն ոլորտներից մեկն է:
«ԵԱՏՄ երկրները ոսկու արդյունահանման աշխարհի առաջատարներից են, որը տարեկան կազմում է շուրջ 400 տոննա: Բոլորից շատ արդյունահանողը Ռուսաստանն է՝ շուրջ 300 տոննա, հաջորդը Ղազախստանն է՝ շուրջ 60-65 տոննա: Եթե խոսենք Ղրղզստանի մասին, ապա մենք արդյունահանում ենք շուրջ 20-25 տոննա», - հստակեցրել է փոխնախարարը:
Նա նշել է, որ Ղրղզստանը ակտիվ դիրք է զբաղեցնում ոսկերչական ոլորտի հիմնախնդիրների լուծման գործում:
«Նախորդ տարվա ընթացքում մենք անդամակցեցինք Քիմբերլիի գործընթացին: Դա մեզ ընձեռում է ԵԱՏՄ շրջանակներում համաշխարհային շուկա դուրս գալու մեծ հնարավորություն... Այս մասով մենք մեծ հնարավորություններ ունենք, և մենք պատրաստ ենք աշխատել համատեղ ջանքերով», - ավելացրել է Ռուսլան Տատիկովը:
Ռուսաստանի Դաշնության Ֆինանսների նախարարության թանկարժեք մետաղների և թանկարժեք քարերի ոլորտի պետական կարգավորման վարչության
տնօրեն Յուլիա Գոնչարենկոն կարևորել է թվային տեխնոլոգիայի ներդրումը, այդ թվում՝ ոսկերչական ոլորտում «թվային» զարգացումը:
Այս առնչությամբ նա հիշեցրել է, որ ռուսական կողմը բելոռուս գործընկերների և ԵԱԶԲ ԹՆՀ (Եվրասիական զարգացման բանկի Թվային նախաձեռնությունների հիմնադրամի) հետ համատեղ մշակում է ոսկերչական իրերի առևտրի էլեկտրոնային թվային հարթակի ստեղծման նախաձեռնությունը:
«Մենք տեսնում ենք ինտեգրացիոն գործընթացների հեռանկարը, սակայն հարկ է նշել, որ դա պետք է լինի ընդհանուր, շահագրգռվածություն, պետք է համատեղ ջանքեր գործադրենք ոսկերչական շուկայի ստեղծման ուղղությամբ», - նշել է Յուլիա Գոնչարենկոն:
Ռուսաստանի Դաշնության Դաշնային հարգորոշիչ պալատի ղեկավար Յուրի Զուբարևն առաջարկել է օգտագործել ԵԱՏՄ երկրներում արտադրված արտադրանքի մասին ազգային հարգորոշիչ պալատի հաստատման կառուցակարգը վերջինիս հետագա դրոշմման և մակնշման համար:
Բելառուսի Հանրապետության Ֆինանսների նախարարության Թանկարժեք մետաղների և թանկարժեք քարերի գլխավոր վարչության պետ Իվան Ստեպանենկոն նստաշրջանի մասնակիցներին տեղեկացրել է ոսկերչական բնագավառում երկրի աշխատանքի մասին: Վերջինիս խոսքով, Բելառուսում ներկայունս իրագործվում է ոսկերչական իրերի մակնշման փորձնական նախագիծը, որն սսկվել է մինևնույն ժամանակահատվածում, ինչ Ռուսաստանում, որի հետ Բելառուսն սկսել է «փնտրել տեղեկատվական հանմակարգերի ինտեգրման ուղիները» ոսկերչական իրերը ԵԱՏՄ փոխադրման մասին լիազորված մարմինների կողմից տեղեկատվությունը ստանալու համար:
«Մենց ուզում ենք հասնել շուկայի այնպիսի թափանցիկությանը, որպեսզի կոնտրաֆակտ արտադրանքը որևէ կերպ չկարողանա հայտնվել այդ շուկայում», - ընդգծել է Իվան Ստեպանենկոն:
Եվրասիական զարգացման բանկի Թվային նախաձեռնությունների հիմնադրամի տնօրինության տնօրեն Վիկտոր Գրիդնևը խոսել է եվրասիական տարածության ոսկերչական ընկերակցությունների խնդրանքով ոսկերչական իրերի արտահանումը երրորդ երկրներ կազմակերպելու թեմայի ակտիվ մշակման մասին:
«Ներկայումս մենք ակտիվորեն քննարկում ենք թվային լուծումների ձևավորումը, որոնք մեզ կօգնեն արտերկրում մեր ոսկերիչների առաջմղման հարցում: Արտադրանքը մրցունակ է, այն պահանջարկ ունի: Մեր խնդիրն է մի շարք գործընթացների կառուցումը, որոնք կկարողանան կազմակերպել այդ արտահանումը, արժանի ներկայացնել այն արտաքին ուրվագծում և աշխատող մեխանիզմ ապահովել», - նշել է Վիկտոր Գրիդնևը:
Արտահանման եվրասիական ոսկերչական գրասենյակի նախագահի պաշտոնակատար Գագիկ Մկրտչյանն հայտնել է, որ տնտեսական պատժամիջոցների պայմաններում Արտահանման եվրասիական ոսկերչական գրասենյակի առջև դրված խնդիրները որոշակիորեն այլ ուղղվածություն են ստանում:
Եթե նախկինում գլխավոր խնդիրը աջակցությունն էր ԱՄՆ և ԵՄ շուկաներ արտահանման ավելացմանը, ապա ներկայումս ստեղծվող իրողություններն, ըստ Գագիկ Մկրտչյանի, պահանջում են արտահանման նպատակային խնդիրների ճշգրտում:
«Մեզ հաջողվել է զգալի առաջընթաց գրանցել ԵԱՏՄ տարածքում ոսկերչական իրերի ներմուծման փոխարինման հարցերում: Այսօր մենք կարող ենք արտադրել այն, ինչը նախկինում ներմուծում էինք, և շատ բաներ նույնիսկ ավելի լավ ենք արտադրում, քան մեր օտարերկրյա գործընկերները: Բացի այդ, տեղի է ունենում ավելի վաղ հիշատակված արտահանման նպատակային շուկաների փոխարինումը Չինաստանի, ԱՄԷ-ի, Մերձավոր Արևելքի, Հարավարևելյան Ասիայի և այլ շուկաներով», - նշել է Գագիկ Մկրտչյանը:
«IlgizF» բրենդի տնօրեն, J- 1 Միջազգային ոսկերչական ցուցահանդեսի փոխնախագահ Դինա Նասիրովան բարձրաձայնել է ոսկերչության ոլորտի մասնագետների նախապատրաստման հարցը, որը զգալի ազդեցություն է գործում ոլորտի զարգացման վրա:
Ռուսաստանի Դաշնության Դաշնային մաքսային ծառայության Առևտրային սահմանափակումների, արժութային և արտահանման վերահսկողության վարչության պետ Սերգեյ Շկլյաևը հայտնել է, որ ոսկերչության ոլորտի որոշ ընթացակարգերի պարզեցման համար գործարկվել է ԹՄԹՔ ՊԻՏՀ (Թանկարժեք մետաղների, թանկարժեք քարերի և դրանցից պատրաստված իրերի շրջանառության վերահսկողության ոլորտի պետական ինտեգրված տեղեկատվական համակարգ) նոր պետական տեղեկատվական համակարգը:
«Դա նվազեցնում է մաքսային մարմիններին փաստաթղթերի բնօրինակնեի ներկայցման անհրաժեշտության հետ կապված ծախսերը: Այսօրվա դրությամբ մենք պատրաստ ենք աշխատելու թվային ձևաչափով: Ձեր խնդիրն է ապահովել էլեկտրոնային ձևաչափով այդ փաստաթղթերի տեղադրումը և պետական մարմնից ստանալը: Այնուհետ մենք ենք աշխատում, աշխատում է մեր տեղեկատվական համակարգը», - ամփոփել է Սերգեյ Շկլյաևը:Պանելային նստաշրջանի մոդերատորներն էին Բելառուսի Հանրապետության ֆինանսների փոխնախարար Օլգա Տարասևիչը, «Ալթին» ոսկերչական հոլդինգի փոխնախագահ Անտոնինա Բաբոսյուկը:
Տեղեկանք
Եվրասիական տնտեսական համաժողովը տնտեսական ոլորտում Եվրասիական տնտեսական միության ամենամյա գործարար միջոցառումն է, որը հերթականությամբ անցկացվում է Միության՝ Եվրասիական տնտեսական Բարձրագույն խորհրդում, Եվրասիական
միջկառավարական խորհրդում և Եվրասիական տնտեսական հանձնաժողովի Խորհրդում նախագահող պետություններում։
Համաժողովին մասնակցությունն անվճար է։ Եվրասիական տնտեսական համաժողովի ծրագրին կարելի է ծանոթանալ պաշտոնական կայքում: