ԵԱՏՄ երկրների առաջատար բուհերը պայմանավորվել են ստեղծել Եվրասիական ցանցային համալսարան
ԵԱՏՄ երկրների առաջատար բուհերը պայմանավորվել են ստեղծել Եվրասիական ցանցային համալսարան
Ցանցային համալսարանը ձևավորվում է եվրասիական ինտեգրման զարգացման նոր ուղղությունների իրականացման շրջանակներում, որոնք արտացոլված են Ռազմավարություն-2025-ում՝ կրթության ոլորտում առանց խոչընդոտների միջավայրի աստիճանաբար ձևավորման համար։
Ինչպես նշված է հուշագրում, ԵՑՀ-ի նպատակներն են ԵԱՏՄ մարդկային և մտավոր կապիտալի զարգացումը, նպաստումը ԵԱՏՄ երկրների տնտեսությունների գլոբալ մրցունակությանը և երկարաժամկետ բարգավաճմանը, քաղաքացիների կյանքի որակի բարելավման համար պայմանների ստեղծումը: ԵԶՀ-ի խնդիրներն են՝ որակյալ կադրերի վերապատրաստման կազմակերպումը ցանցային ձևով (այդ թվում՝ հեռահար ուսուցման տեխնոլոգիաների կիրառմամբ)՝ ԵԱՏՄ աշխատաշուկայի կարիքները բավարարելու նպատակով, ԵԱՏՄ աշխատաշուկայի զարգացման մշտադիտարկումը, համաշխարհային շուկաներում մրցունակ գիտական հետազոտությունների և մշակումների կազմակերպումը, ԵԱՏՄ շրջանակներում կրթական ծառայությունների ազատ տեղաշարժի խթանումը, եվրասիական ինտեգրման արժեքների ոգով՝ երիտասարդների անձնական զարգացման խթանումը:
Ինչպես հայտարարել է «Փոխգործակցության ցանցային ձևերի մշակումը բարձրագույն կրթության կրթական ծրագրերն իրականացնելիս» թեմատիկ նիստաշրջանում Եվրասիական տնտեսական հանձնաժողովի ինտեգրացիայի և մակրոտնտեսության հարցերով նախարար, ՌԳԱ ակադեմիկոս Սերգեյ Գլազևը, Հանձնաժողովն աշխատում է ընդհանուր տնտեսական տարածքում, ներառյալ աշխատաշուկայում, արգելքները վերացնելու ուղղությամբ:
«Մեզ հաջողվել է վերացնել բարձրագույն կրթության դիպլոմների ճանաչման հետ կապված արգելքները, և համաձայնագիր է պատրաստվել գիտական աստիճանների և գիտական կոչումների վերաբերյալ փաստաթղթերի ուղղակի ճանաչման վերաբերյալ։ Մեր առջև դրված խնդիրներից մեկը մեր կրթական ծրագրերի սերտաճումն է այն մասնագիտությունների գծով, որոնք պահանջարկ ունեն միասնական տնտեսական տարածքում», - ասել է Սերգեյ Գլազևը:
Ներկայացնելով ցանցային համալսարանի մոդելի նախագիծը՝ ՌԳԱ ակադեմիկոս Վիկտոր Սադովնիչին նշել է, որ այն «կարող է դառնալ ԵԱՏՄ ընդհանուր աշխատաշուկայի ձևավորման համար արդյունավետ գործիք, Եվրասիական տնտեսական հանձնաժողովի և գիտակրթական և գործարար համայնքների ներկայացուցիչների փոխգործակցության մոդերատոր»։
«Համալսարանի առաքելությունը կարող է լինել կադրերի պատրաստման չափորոշիչների մշակումն ու վերահսկումը, կրթական համակարգերի ինտեգրման խթանումը, աջակցությունը հեռանկարային գիտահետազոտական և նորարարական նախագծերին», - հայտարարել է Վիկտոր Սադովնիչին։
Ղրղզստանի Մ.Ռիսկուլբեկովի անվան տնտեսական համալսարանի ռեկտոր Ալմազ Կադիրալիևը՝ բնութագրելով Եվրասիական ցանցային համալսարանի նախագիծը, ընդգծել է, որ իր գաղափարը նման է ցանցային համալսարանի միջազգային մոդելին, սակայն եվրասիական նախագծում առաջնահերթությունը տրվելու է թվային ձևաչափերին։ Ռեկտորը նշել է նաև, որ ՂՏՀ-ում արդեն կիրառվում է թվային ուսուցման հիմքը, և այս առումով մեծանում է այս ծրագրին մասնակցող բուհերի միջև ձեռք բերված փորձի ակտիվ փոխանակման հնարավորությունը՝ ԵՑՀ-ում վերապատրաստման ծրագրերի առավել ամբողջական իրականացումն ապահովելու համար։
Քննարկման մասնակիցները քննարկել են նաև ԵԱՏՄ շրջանակներում միջբուհական կոնսորցիումների ձևավորման, Միության երկրներում մասնագիտական կրթական ծրագրերն իրականացնելիս հեռահար կրթության զարգացման վերաբերյալ հարցերը, կրթական առցանց ծրագրերի համատեղ մշակումը և միջպետական հեռահար մասնագիտական ուսուցման, մասնագիտական պատրաստման և աշխատողների վերապատրաստման հնարավորությունը։ Նստաշրջանի մասնակիցների ուշադրության կենտրոնում են եղել նաև միասնական եվրասիական կրթական տարածքի ձևավորման հեռանկարները։
Եվրասիական ցանցային համալսարանի դեպոզիտարիան կլինի Ղրղզստանի Մ. Ռիսկուլբեկովի անվան տնտեսական համալսարանի Իրավասությունների եվրասիական կենտրոնը։
ԵՏՀ Արարողակարգի և կազմակերպչական ապահովման վարչության Տեղեկատվական ապահովման բաժին