ԵՏՀ արդյունաբերական քաղաքականության վարչության փոխտնօրեն է նշանակվել Գեորգի Արզումանյանը

2004 թվականին Լունդի համալսարանի Արդյունաբերական էկոլոգիական տնտեսության միջազգային ինստիտուտում ավարտել է մագիստրատուրան «էկոլոգիական կառավարում և քաղաքականություն» մասնագիտությամբ, ստանալով գիտությունների մագիստրոսի գիտական աստիճանը։

Աշխատանքային գործունեությունը սկսել է 1997 թվականին Հայաստանի Հանրապետության բնության պահպանության նախարարի աշխատակազմի ղեկավարի պաշտոնում։

2000-2001 թվականներին՝ Հայաստանում Համաշխարհային բանկի գրասենյակի մասնագետ։

2001-2005 թվականներին՝ «Բնական պաշարների կառավարում և աղքատության կրճատում» նախագծի իրականացման հարցերով գրասենյակի ավագ մասնագետ, Հայաստանի Հանրապետության Բնության պահպանության նախարարության միջազգային հարաբերությունների վարչության ղեկավար։

2005-2008 թվականներին՝ ՄԱԿ-ի Զարգացման ծրագրի Երևանյան գրասենյակի բնական պաշարների պահպանման և կայուն օգտագործման ծրագրերի մենեջեր։

2009-2011 թվականներին՝ Թբիլիսիում (Վրաստան) Կովկասի տարածաշրջանային բնապահպանական կենտրոնի տնօրեն։

2011-2021 թվականներին աշխատել է Երևանում և Կիշինևում (Մոլդովա) ՄԱԿ-ի Զարգացման ծրագրերում որպես ծրագրային քաղաքականության հարցերով խորհրդական, էներգետիկայի, շրջակա միջավայրի և կլիմայի փոփոխության հարցերով դեպարտամենտի ծրագրերի գծով մասնագետ-ղեկավար, Եվրոպայի և ԱՊՀ երկրների համար շրջակա միջավայրի և կանաչ տնտեսության հարցերով մասնագետ-խորհրդական։

Կրում է Հայաստանի պետական ծառայության 1-ին դասի խորհրդականի և Միացյալ Ազգերի Կազմակերպության համակարգում երկրորդ աստիճանից բարձր կառավարչի աստիճանները։ Պարգևատրվել է «Պատիվ, փառք, աշխատանք» III աստիճանի Գեորգիևյան մեդալով և Հայաստանի Հանրապետության Վարչապետի շնորհակալագրով։