ԵՏՀ-ի Մաքսասակագնային և ոչ սակագնային կարգավորման վարչության փոխտնօրեն է նշանակվել Ասկատ Բեկովը

2009 թ.-ից մինչև 2014 թ.-ն աշխատել է Ղրղզստանի Հանրապետության ֆինանսների նախարարությունում։ Այնուհետև հինգ տարի աշխատել է Ղրղզստանի Հանրապետության էկոնոմիկայի նախարարությունում, որտեղ նաև ղեկավարել է մաքսային քաղաքականության և ոչ սակագնային կարգավորման վարչությունը, այնուհետև՝ Առևտրի քաղաքականության և լիցենզավորման վարչությունը։ 2019 թ.-ից մինչև 2021 թ.-ն աշխատել է Ղրղզստանի Հանրապետության Նախագահի աշխատակազմում տարբեր պաշտոններում, որտեղ ղեկավարել է նաև ռազմավարական զարգացման և պլանավորման քաղաքականության վարչությունը։ Նաև 2019 թ.-ից մինչև 2021 թ.-ը զբաղեցրել է Բանկերի լուծարման գործակալության տնօրենների խորհրդի նախագահի պաշտոնը։ ԵՏՀ է եկել Ղրղզստանի Հանրապետության էկոնոմիկայի և առևտրի նախարարի խորհրդականի պաշտոնից։

Պարգևատրվել է Ղրղզստանի Հանրապետության էկոնոմիկայի նախարարության «Տնտեսագիտության գերազանցիկ» կրծքանշանով, Ղրղզստանի Հանրապետության պետական ​​մաքսային ծառայության «Մաքսային համագործակցության ամրապնդման համար» մեդալով, Ղրղզստանի Հանրապետության պետական ​​հարկային ծառայության «Հարկային համագործակցության ամրապնդման համար» մեդալով, Ղրղզստանի Հանրապետության կառավարությանն առընթեր տնտեսական հանցագործությունների դեմ պայքարի պետական ​​ծառայության «Բիրիմդիկ» մեդալով և այլ պարգևներով։