Жаңалықтар
Арзыбек Кожошев Беларусь Республикасы Премьер-министрінің орынбасары Игорь Петришенкомен кездесті
10 қыркүйекте ЕЭК Энергетика және инфрақұрылым жөніндегі министрі Арзыбек Кожошевтың Минскіге жұмыс сапары шеңберінде оның ЕЭК Кеңесінің мүшесі, Беларусь Республикасы Премьер-министрінің орынбасары Игорь Петришенкомен жұмыс кездесуі болып өтті.
Тараптар Еуразиялық экономикалық одақтың ортақ газ нарығын және мұнай мен мұнай өнімдерінің ортақ нарықтарын қалыптастыру барысын, соның ішінде газ және мұнай жөніндегі халықаралық шарттардың жобаларын келісуді талқылады.
"Шарттарды қабылдау аталған бағыттар бойынша ортақ нарықтардың жұмыс істеу механизмдерін одан әрі жетілдіру процесін бастауға, ортақ нарықтарда неғұрлым икемді экономикалық саясат жүргізу үшін жағдайлар жасауға мүмкіндік береді", — деп атап көрсетті Арзыбек Кожошев.
ЕЭК министрі келісілмеген мәселелер бойынша шешім қабылдау үшін күш-жігерді одан әрі шоғырландыру қажеттігін атап өте келіп, кездесуге қатысушыларды газ, мұнай және мұнай өнімдерінің ортақ нарықтарын қалыптастыру бойынша атқарылған жұмыстар туралы хабардар етті.
Комиссия ЕАЭО-ның 2023 жылғы ортақ энергия нарықтарын қалыптастыру барысы туралы: газ нарығы бойынша, мұнай және мұнай өнімдері нарықтары бойынша екі баяндама дайындап, тараптармен келісті. Ақпарат ЕЭК Кеңесінің кезекті отырысында қарау үшін ұсынылатын болады, деп атап өтті Арзыбек Кожошев.
Бұдан басқа, 24 қыркүйекте ЕЭК Кеңесінің отырысында құжатты қарау үшін 2024-2026 жылдарға арналған көлік саясатын іске асыру жөніндегі жол картасы жобасының келісілген редакциясы талқыланды. ЕЭК министрі оны қысқа мерзімде қабылдау қажеттігін атап өтті. Қағидатты келіспеушілік бар іс-шаралар бойынша келіссөздердің қосымша раунды өткізіліп, өзара қолайлы шешімдер әзірленетін болады.
