қаз

Жаңалықтар

Сөз сөйлеулер Фото Бейнегалерея
23 Dec 2024 ЕАЭО ірі көлемді көлік құралдарының жүруіне және қауіпті жүктерді тасымалдауға арнайы рұқсаттар берілуін үйлестіруді бастайды ЕЭК Алқасы 23 желтоқсанда Еуразиялық көлік дәліздері мен маршруттар тізбесіне енгізілген автомобиль жолдары бойынша халықаралық автомобиль тасымалдарын жүзеге асыру кезінде ауыр салмақты және ірі көлемді көлік құралдарының өтуіне және қауіпті жүктерді тасымалдауға арнайы рұқсаттарды ресімдеу және беру жөніндегі жекелеген рәсімдерді үйлестіру жөніндегі іс-шаралар жоспарын мақұлдады. Іс-шаралар үш негізгі бағыт бойынша өтеді деп болжануда. Бұл арнайы рұқсатты берудің және қолданудың ең ұзақ мерзімдерін айқындау; өтініш нысанын және онда көрсетілген мәліметтерді келісу, сондай-ақ талаптарды оларды барынша азайтуға жақындату; арнайы рұқсатты ресімдеуге өтініш беру және оны өтініш берушінің орналасқан жері бойынша электрондық түрде алу рәсімін автоматтандыру. Осы іс-шараларды іске асыру тасымалдаушылардың арнайы рұқсаттарды ресімдеу және алу процесін жеңілдетуге, сондай-ақ ЕАЭО ішкі нарығында қолданылатын кедергілер тізіліміне («Ақ кітап») енгізілген шектеуді жоюға мүмкіндік береді.
19 Dec 2024 Арзыбек Қожошев "Магистраль Awards" көлік және логистика саласындағы Еуразиялық сыйлықтың жеңімпаздарын марапаттау рәсімінде құттықтау сөз сөйледі Еуразиялық экономикалық комиссияның энергетика және инфрақұрылым министрі Арзыбек Қожошев 19 желтоқсанда Астанада өткен "Магистраль Awards" көлік және логистика саласындағы Еуразиялық сыйлықтың жеңімпаздарын марапаттау рәсімінде бейнетілдесім форматында сөз сөйледі. "Магистраль Awards" тек Қазақстанда ғана емес, сондай-ақ бүкіл еуразиялық өңірде де, ЕАЭО кеңістігінде де маңызды оқиғаға айнала отырып, барған сайын маңызды бола түсуде. Арзыбек Қожошев өз сөзінде мұндай идеяларды іске асыру бірыңғай еуразиялық көлік тірегін қалыптастыру үшін жасампаз серпін беретінін атап өтті. Сайып келгенде, мұның бәрі көліктік-логистикалық қызметтер нарығында бизнестің жұмысы мен кедергісіз орта үшін қолайлы жағдайлар жасауға әсер етеді, сондай-ақ сенімді және заманауи инфрақұрылымды дамытуға, шекарадан өту рәсімдерін жеңілдетуге, қызметтердің сапасы мен бағасын арттыруға ықпал етеді. Байқауға Беларусь, Қазақстан, Қырғызстан, Ресейден келген көліктік-логистикалық компаниялар мен ұйымдар қатысты. Сондай-ақ, Өзбекстанның және бірқатар халықаралық ұйымдардың өкілдері қатысты.
13 Dec 2024 ЕЭК Көлік және инфрақұрылым департаменті директорының орынбасары болып Рубен Акобян тағайындалды Рубен Ваникович Акобян 1976 жылы Армения Республикасының Мартунин ауданы Цаккар ауылында дүниеге келген. 1997 жылы Ереван мемлекеттік университетін, 2011 жылы Архангельск басқару институтын және 2017 жылы Ресей Федерациясындағы Волгоград техникалық университетін бітірген. Еңбек жолын 1997 жылы халықтық білім беру саласында бастаған. 2003 жылдан бастап 2024 жылдың желтоқсан айына дейін негізінен Армения мен Ресейдің бизнес-құрылымдарында жұмыс істеді, құрылыс және көлік салаларында басшылық қызметтер атқарды. 2024 жылғы 10 желтоқсаннан бастап Еуразиялық экономикалық комиссияның Көлік және инфрақұрылым департаменті директорының орынбасары болып тағайындалды.
03 Dec 2024 Арзыбек Кожошев ТТҮК пленарлық отырысына қатысты Еуразиялық экономикалық комиссияның Энергетика және инфрақұрылым жөніндегі министрі Арзыбек Кожошев Мумбай қаласында (Үндістан Республикасы) болып өткен Трансеуразиялық тасымалдар жөніндегі халықаралық үйлестіру кеңесінің (ТТҮК) 33-ші пленарлық отырысына қатысушылар алдында бейнеүндеу форматында сөз сөйледі. Арзыбек Кожошев тиімді және орнықты көлік инфрақұрылымы экономикалық өсу мен халықаралық сауданың драйверіне айналатынын атап өтті. Министр Комиссияның көлік қызметкерлері, жүк иелері және барлық көлік қызметтерін пайдаланушылар мүддесінің теңгеріміне қол жеткізуге бағытталған стратегиялық шешімдерді әзірлеу мен бірлесіп іске асыруды шоғырландыратын орган ретіндегі ерекше рөлін атап өтті. Отырыс Еуразиялық өңірдегі логистикалық тізбектерді оңтайландырудың, "Батыс – Шығыс" және "Солтүстік – Оңтүстік" халықаралық көлік дәліздерінің "тар жерлерін" жою үшін теміржол және порт инфрақұрылымын дамытудың, мультимодальды контейнерлік тасымалдарды үздіксіз ұйымдастыруды қамтамасыз етудің, сондай-ақ көліктегі цифрландыру саласындағы ынтымақтастықтың өзекті мәселелеріне арналды. Іс-шараға қатысу 2017 жылы қол қойылған Өзара түсіністік туралы меморандумды іске асыру шеңберінде ЕЭК пен ТТҮК-ның өзара іс-қимылы бойынша жүйелі жұмыстың жалғасы болды.
29 Nov 2024 ЕАЭО-да электронды халықаралық көлік жүкқұжаттарын пайдалану бойынша пилоттық жобаны іске қосуға дайындық қамтамасыз етілді ЕАЭО мемлекеттерінің Үкімет басшыларының орынбасарлары 29 қарашада Еуразиялық экономикалық комиссия Кеңесінің отырысы барысында Еуразиялық экономикалық одақ елдерінде халықаралық жүк автомобиль тасымалдарын жүзеге асыру кезінде е-CMR электрондық халықаралық көлік жүкқұжаттарын қолдану жөніндегі пилоттық жобаны іске қосты. Пилоттық жобаның негізгі мақсаты – цифрлық қолтаңба мен "сенімді үшінші тарап" механизмдерін пайдалана отырып, әртүрлі елдің субъектілері арасында заңдық маңызы бар электрондық құжаттарды трансшекаралық алмасу технологиясын практикалық игеріп шығуды қамтамасыз ету. Пилоттық жобаны іске асыру көлік құжаттарын алу және тексеру процестерін жеделдетуге, сондай-ақ көлік-логистика және бақылау-қадағалау рәсімдерін жүзеге асыру кезінде шығындарды азайтуға ықпал ететін болады. "Пилоттық жобаның нәтижелері ЕАЭО цифрлық көлік дәліздері экожүйесі сервистерінің бірін іске асыру кезінде, сондай-ақ навигациялық пломба қамтуға тиіс электрондық құжаттарды қолдануға көшу жөніндегі қызметте пайдаланылатын болады", – деп атап өтті ЕЭК Энергетика және инфрақұрылым жөніндегі министрі Арзыбек Кожошев. Тасымалдаушылардың уақыт шығындарын е-CMR пайдалану азайтады. Мәселен, электрондық құжаттарды пайдаланған кездегі уақыт қағаз көлік жүкқұжатымен жұмыс істеген кездегі 20 минуттан астам уақытқа қарағанда, бір минуттан сәл асады. Бұдан басқа, халықаралық сарапшылардың пікірінше, шығаруды, қол қоюды, жөнелтуді, мәртебені нақтылау мен архивтеуді қоса, e-CMR пайдалану құны қағаз тасымалдау жүкқұжаты жағдайындағы 6,23 еуроға қарағанда 1,6 еуроны құрайды.
22 Nov 2024 2025 жылы ЕЭК ЕАЭО туралы шарт ережелерінің табиғи монополиялар бөлігінде іске асырылуына могиторинг жүргізеді 22 қарашада ЕЭК Энергетика және инфрақұрылым жөніндегі министрі Арзыбек Кожошевтың төрағалық етуімен табиғи монополиялар жөніндегі консультативтік комитеттің 29-шы отырысында осындай шешім қабылданды. Отырысқа қатысушылар сандық және сапалық көрсеткіштерді пайдалана отырып мониторинг жүргізу бойынша бірлескен іс-қимылдың жалпы форматы мен алгоритмін мақұлдады. Олар ЕАЭО туралы шартқа сәйкес табиғи монополиялар субъектілерінің қызметін реттеу кезінде ЕАЭО елдері басшылыққа алатын қағидаттардың сақталуын бағалау үшін қолданылады. Талдау нәтижелері табиғи монополияларды реттеу салаларында одан әрі үндестіру жөнінде ұсыныстар мен ұсынымдар әзірлеу үшін ғана емес, сондай-ақ "бестік" елдерінің нормативтік-құқықтық актілерін ықтимал өзектілендіру мақсатында да қолданылуы мүмкін деп жоспарлануда. Консультативтік комитет табиғи монополиялар мәселелері жөніндегі талдамалы есептің құрылымын мақұлдады. Құжатты 2025 жылдың бірінші жарты жылдығында Жоғары Еуразиялық экономикалық кеңеске ұсыну жоспарланып отыр. Тараптар сондай-ақ Еуразиялық экономикалық одақ елдерінің табиғи монополиялар саласындағы заңнамасын үндестіру жөніндегі жұмысты одан әрі талқылады. ЕАЭО туралы шартқа оларды нақтылау үшін өзгерістер енгізілуі мүмкін екендігі де жоққа шығарылмайды.
21 Nov 2024 Арзыбек Кожошев KAZLOGISTICS басшысымен кездесу өткізді 20 қарашада ЕЭК Энергетика және инфрақұрылым жөніндегі министрі Арзыбек Кожошев KAZLOGISTICS Қазақстан көлік қызметкерлері одағының бас директоры Қанат Әлмағамбетовпен жұмыс кездесуін өткізді. Кездесуге ЕЭК Көлік және инфрақұрылым департаментінің директоры Рустан Женалинов қатысты. Автомобиль, теміржол, су және әуе көлігін дамыту, олардың жұмыс тиімділігін арттыру бойынша ұсыныстар әзірлей отырып, мультимодальды тасымалдау мәселелері талқыланды. "ЕАЭО елдерінің ұлттық ерекшеліктерін біріктіру және теміржол көлігі жұмысының таңдаулы практикаларын ендіру синергетикалық нәтижеге қол жеткізуге және көлік саласының қосымша резервтерін ашуға көмектеседі", – деп атап өтті Арзыбек Кожошев. Кездесуге қатысушылар уақыттың басты сыни шақырыстарының бірі – Еуразиялық кеңістікте сенімді және үздіксіз жұмыс істейтін көлік-логистика кешенін, ең дұрысы, тосқауылсыз және технологиялық шектеусіз құру болып табылатынын атап өтті. Арзыбек Кожошев 1 қазанда Ереванда ЕҮАК отырысында бекітілген ЕАЭО елдерінің көлік саясаты саласындағы 2024-2026 жылдарға арналған жол картасын практикалық іске асыру үшін Комиссияның әлеуетін көлік ведомстволарымен, қауымдастықтармен, ғылыми ұйымдармен және бизнес-қоғамдастықпен біріктіру қажеттігіне назар аударды. "Бұл құжат ЕАЭО көлік кешенін кешенді дамытудың көрсетілген кезеңге арналған негізгі бағдарламасы болып табылады, оның жұмыс істеуінің теңгерімділігі мен орнықтылығы көп жағдайда іске асырылуына байланысты болады", – деп Арзыбек Кожошев айқындап көрсетті. ЕЭК министрі Комиссия алаңында елдік бастамаларды тереңірек пысықтау және тиісті ұсыныстар әзірлеу үшін ЕАЭО елдерінің теміржол әкімшіліктерінің басшыларынан диалог алаңын құру қажеттігін атап өтті. Кездесу қорытындысы бойынша ЕАЭО тұрақты және тиімді жұмыс істейтін көлік жүйесін құруға бағытталған ынтымақтастықты жалғастыру уағдаластығына қол жеткізілді.
20 Nov 2024 Арзыбек Кожошев: "ЕАЭО және ТМД елдерінің артықшылығы инфрақұрылымдық сыйысымдылық болып табылады" Еуразиялық экономикалық комиссияның Энергетика және инфрақұрылым жөніндегі министрі Арзыбек Кожошев Тәуелсіз Мемлекеттер Достастығына мүше мемлекеттердің Үйлестіруші көлік кеңесінің 44-ші отырысына қатысты. Іс-шара Мәскеудегі "Ресей көлігі" халықаралық форумы мен көрмесі шеңберінде өтті. Арзыбек Кожошев аталған алаң дәстүрлі түрде көлік мәселелерінде түйінді мәселенің бірі болып табылатынын және ортақ көлік кеңістігін қалыптастыруда әрі ТМД елдерінің көлік кешендерінің тиімді жұмыс істеуінде маңызды рөл атқаратынын атап өтті. ЕЭК министрі ТМД-мен көлік саласындағы ынтымақтастықты Комиссияның жоғары бағалайтынын атап көрсетті. Сонымен бірге, ол ЕАЭО-ның бірінші кезектегі міндеті – өз игілігі өзіне жететін сервистік инфрақұрылым мен жылдамдық, сақталу, құн және тұрақтылық сияқты негізгі құрамдас бөліктері бар орнықты көлік қатынасы технологиялары негізінде көлік коммуникацияларын бірлесіп құру болып табылады деп санайды. "ЕАЭО және ТМД елдерінің артықшылығы инфрақұрылымдық сыйысымдылық, ынтымақтастықтың тәжірибесі мен дәстүрі болып табылады, бұлар жаңа көлік дәліздерін қалыптастыруға және көлік қызметтерін көрсететін ірі нарықтарға шығуға ықпал ете алады", – деп атап өтті ЕЭК министрі. Іс-шараға ТМД мемлекеттерінің көлік ведомстволарының басшылары қатысып, халықаралық көлік дәліздерін жемісті дамытуға, инфрақұрылымға және Достастық елдерінің барлық көлік түрімен тасымалдауды жаңғыртуға бағытталған бірқатар бірлескен іс-шараларды қарап, талқылады.
Тағы да көрсету

ЕАЭО ресурстары