17 Apr 2024 Արզիբեկ Կոժոշևը մասնակցել է տրանսպորտի կայուն զարգացմանը նվիրված կլոր սեղանին Եվրասիական տնտեսական հանձնաժողովի էներգետիկայի և ենթակառուցվածքների նախարար Արզիբեկ Կոժոշևը ապրիլի 17-ին Մոսկվայի միջազգային հարաբերությունների պետական ինստիտուտում (ՄԳԻՄՕ) կայացած «Տրանսպորտային դիվանագիտությունը և կայուն զարգացումը գլոբալ շարժունակության ապահովման գործում» կլոր սեղանի ընթացքում խոսել է Եվրասիական տնտեսական միության տրանսպորտային քաղաքականության հիմնական ուղղությունների մասին։ «Ինտեգրման միջնաժամկետ և երկարաժամկետ հեռանկարներն ամրագրված են «Եվրասիական տնտեսական ուղի» ԵԱՏՄ շրջանակներում մինչև 2030 թվականը և մինչև 2045 թվականն ընկած ժամանակահատվածում տնտեսական գործընթացների հետագա զարգացման մասին հռչակագրում: Փաստաթղթի առանցքային ուղղություններից է ընդհանուր տրանսպորտալոգիստիկ տարածության ձևավորումը, — ասել է Արզիբեկ Կոժոշևը։ — Տնտեսական առաջընթացի հասնելը, կայուն զարգացման ապահովման և ազգային տնտեսությունների մրցունակության բարձրացման ընդհանուր խնդիրների լուծումն ակնկալվում է, ի թիվս այլնի, տրանսպորտային քաղաքականության իրականացման, Եվրասիայի տրանսպորտային միջանցքների համաձայնեցված զարգացման և Մեծ Եվրասիայի նորացված տրանսպորտաենթակառուցվածքային հիմնակմախքի ստեղծման միջոցով։ ԵՏՀ նախարարը կարևորել է կլոր սեղանը՝ ընդգծելով, որ նման միջոցառումները նոր լիցք են հաղորդում տրանսպորտային ոլորտի կայուն զարգացման ուղղությամբ Հանձնաժողովի և Եվրասիական տնտեսական միության երկրների համատեղ աշխատանքին։ Կլոր սեղանը համընկել է ապրիլի 15-ից 19-ը ՄԱԿ-ի Գլխավոր ասամբլեայի հովանու ներքո անցկացվող «Կայուն զարգացման շաբաթվա» հետ։ Միջոցառմանը մասնակցել են ԵԱՏՄ տրանսպորտալոգիստիկ հատվածի, գործարար համայնքի և գիտական շրջանակների ներկայացուցիչներ։
08 Apr 2024 ԵԱՏՄ էներգառեսուրսների ընդհանուր շուկաները մեծ ներուժ ունեն եվրասիական տարածքում էներգետիկայի ոլորտի հիմնական մարտահրավերներին հաջողությամբ դիմակայելու համար Այս մասին հայտարարել է Եվրասիական տնտեսական հանձնաժողովի էներգետիկայի վարչության տնօրեն Վադիմ Զակրևսկին «Տնտեսաիրավական կարգավորումը էներգետիկայի ոլորտում» կլոր սեղանի ընթացքում, որն անցկացվել է Կազանում Թաթարստանի էներգետիկայի և էներգառեսուրսների արդյունավետության հարցերով միջազգային համաժողովի շրջանակներում։ ԵՏՀ էներգետիկայի վարչության տնօրենը տեղեկացրել է Եվրասիական տնտեսական միության անդամ պետությունների էներգետիկ ներուժի, էներգետիկայի ոլորտի գլոբալ մարտահրավերների, ինչպես նաև էներգետիկայի ոլորտում «հնգյակի» երկրների փոխգործակցության սկզբունքների և էներգառեսուրսների ընդհանուր շուկաներ ձևավորելիս երկրների կողմից իրենց առջև դրված նպատակների մասին։ «Միության էներգետիկ ռեսուրսների ընդհանուր շուկաների ձևավորման հիմքում ընկած հիմնական գերակայությունները էներգառեսուրսների կայուն մատակարարումներն ու ապահովվածությունն է, դրանց ներքին կարիքները մատչելի գներով բավարարելու ունակությունը», - հայտարարել է Վադիմ Զակրևսկին: Քննարկման մասնակիցները ծանոթացել են ԵԱՏՄ երկրների էլեկտրաէներգետիկական և նավթագազային ոլորտների գործունեության 2023 թվականի հիմնական ցուցանիշներին, ինչպես նաև ԵԱՏՄ ընդհանուր էլեկտրաէներգետիկական շուկայի ձևավորման ընթացքին։ Վադիմ Զակրևսկին նշել է, որ այսօր Միության ընդհանուր էլեկտրաէներգետիկական շուկան բարձր աստիճանի պատրաստվածության փուլում է։ Նա նաև ընդգծեց էներգառեսուրսների արժեքի որոշիչ դերը, որը պետք է սահմանվի թափանցիկ և ոչ խտրական պայմաններով և մրցակցային (հավասար) պայմաններ ապահովի անդամ պետությունների տնտեսավարող սուբյեկտների համար. սա է Միության գազի ընդհանուր շուկայի գործարկումից հիմնական ակնկալիքը: Ընդհանուր շուկաների գործարկումը թույլ կտա էական քայլ առաջ կատարել, վարել ավելի ճկուն տնտեսական քաղաքականություն ինչպես երկկողմ, այնպես էլ բազմակողմ հիմունքներով, և տնտեսավարող սուբյեկտներին հնարավորություն կտա աշխատել ինքնուրույն՝ կնքելով ինչպես ազատ (ուղիղ) պայմանագրեր, այնպես էլ բորսայական գործարքներ ոչ խտրական պայմաններով: Էներգառեսուրսների ընդհանուր շուկան կնպաստի վառելիքաէներգետիկ համալիրների ներուժի արդյունավետ օգտագործմանը և ԵԱՏՄ անդամ պետությունների էներգետիկ անվտանգության բարձրացմանը, կարծում է Վադիմ Զակրևսկին։
04 Apr 2024 ԵՏՀ-ն և ՄԱԿ ԷՍԿԱՏՕ-ն գործընկերություն են զարգացնում մատակարարումների նոր գլոբալ շղթաներ ստեղծման ուղղությամբ Լոգիստիկայի նոր իրողություններում մատակարարումների կայուն շղթաների ապահովմանն ուղղված միջոցների քննարկումը կազմակերպվել էր Եվրասիական տնտեսական հանձնաժողովի կողմից «Տրանսպորտի թվային վերափոխում. հիմնական միտումներ և սիներգետիկ էֆեկտ» պանելային նստաշրջանում՝ Առևտրի ընթացակարգերի պարզեցման հարցերով Ասիա-Խաղաղօվկիանոսյան 11-րդ համաժողովի շրջանակներում, որն անցկացվում է Սամարղանդում (Ուզբեկստան) ԷՍԿԱՏՕ-ի հովանու ներքո։ Միջոցառումը բացել են ԵՏՀ էներգետիկայի և ենթակառուցվածքների նախարար Արզիբեկ Կոժոշևը և Շանհայի համագործակցության կազմակերպության գլխավոր քարտուղարի տեղակալ Սոհայիլ Խանը։ Պանելային նստաշրջանը՝ որպես քննարկման հարթակ, համախմբել է գործարար համայնքին և միջազգային կազմակերպությունների փորձագետներին համաշխարհային առևտրում տրանսպորտի և լոգիստիկայի ժամանակակից առանձնահատկությունները քննարկելու նպատակով: Քննարկման մասնակիցները մտքեր են փոխանակել եվրասիական մայրցամաքում անխափան տրանսպորտային տարածքի ձևավորման հիմնական միտումների վերաբերյալ, ինչպես նաև որոշել տրանսպորտի ոլորտի թվայնացման գործընթացները զսպող առանցքային գործոնները: Ելույթների ընթացքում մանրամասն քննարկվել են էլեկտրոնային տրանսպորտային փաստաթղթերի ներդրման, տրանսպորտային միջանցքների զարգացման գործում նորարարության և թվային գործիքների դերի, համատեղ թվային նախագծերի ֆինանսավորման մեխանիզմների որոշման, ինչպես նաև էլեկտրոնային ստորագրության անդրսահմանային ճանաչման հեռանկարների հաշվին մատակարարումների կայուն շղթաների ապահովման հարցեր։ «Միջազգային կազմակերպությունների և միավորումների համագործակցությունը թվային տրանսպորտային համակարգերի ինտեգրման ոլորտում թույլ է տալիս աստիճանաբար ձևավորել անխափան տրանսպորտային տարածք Մեծ Եվրասիայի շրջանակներում՝ հաշվի առնելով ինքնիշխանության և ազգային շահերը հարգելու սկզբունքները», — նշել է Արզիբեկ Կոժոշևը։ Քննարկումների արդյունքներով նշվել է, որ տրանսպորտային, լոգիստիկ և մաքսային ենթակառուցվածքների զարգացած ցանցի առկայությունը, որն ընկալունակ է թվային և խելացի տեխնոլոգիաների հանդեպ, այսօր հիմնական անհրաժեշտությունն է Մեծ Եվրասիայի տարածաշրջանում տնտեսական միջանցքների պահպանման համար։ Բանախոսներն էին ԱՊՀ գործկոմի, Եվրասիայում IRU-ի մշտական ներկայացուցչության, Ուզբեկստանի տրանսպորտի նախարարությանն առընթեր «Թվային տրանսպորտ» կենտրոնի, «ՕՏԼԿ ԵՌԱ» ԲԸ-ի, «Գազինֆորմսերվիս» ՍՊԸ-ի, «Վլադիվոստոկի ծովային առևտրային նավահանգիստ» ՀԲԸ-ի (FESCO) ներկայացուցիչներ:  Ասիայի և Խաղաղօվկիանոսյան տարածաշրջանի տնտեսական և սոցիալական հանձնաժողովը (ԷՍԿԱՏՕ) ՄԱԿ-ի՝ անդամ պետությունների կազմով եզակի տարածաշրջանային հանձնաժողով է, որը կոչված է նպաստելու Ասիայի և Խաղաղ օվկիանոսի երկրների սոցիալտնտեսական զարգացմանը: ՄԱԿ-ի հինգ տարածաշրջանային հանձնաժողովներից խոշորագույնն է (ԷՍԿԱՏՕ-ի տարածաշրջանում ապրում է 3.8 մլրդ մարդ՝ մոլորակի բնակչության մոտ 60 տոկոսը): Գտնվելու վայրը՝ Բանգկոկ (Թաիլանդ): Պանելային նստաշրջանը՝ որպես side-event ԷՍԿԱՏՕ-ի համաժողովի շրջանակներում, կազմակերպվել էր ԵՏՀ տրանսպորտային բլոկի կողմից՝ ԷՍԿԱՏՕ-ի քարտուղարության հետ համագործակցությամբ, Ուզբեկստանի տրանսպորտի նախարարության և Ռուսաստանի տնտեսական զարգացման նախարարության աջակցությամբ:
02 Apr 2024 Արզիբեկ Կոժոշև. «Տեղի է ունենում բեռնահոսքերի գլոբալ շրջադարձ դեպի Արևելք և Ասիա» ԵՏՀ էներգետիկայի և ենթակառուցվածքների նախարար Արզիբեկ Կոժոշևը Մոսկվայի տնտեսական համաժողովի ընթացքում խոսել է եվրասիական տրանսպորտային միջանցքների ստեղծման և դրանց զարգացման նոր հեռանկարների մասին։ Նախարարը պատմել է տրանսպորտային ծառայությունների ընդհանուր շուկայի ստեղծման և միասնական տրանսպորտային տարածքի ստեղծման Եվրասիական տնտեսական հանձնաժողովի նախաձեռնությունների մասին, այդ թվում՝ հաշվի առնելով իրացման նոր շուկաների և լոգիստիկ շղթաների ձևավորումը։ «Տեղի է ունենում բեռնահոսքերի գլոբալ շրջադարձ դեպի Արևելք և Ասիա: Ուստի նոր ընթերցում են ստացել մեր երկրների տարածքով անցնող ավանդական միջազգային տրանսպորտային միջանցքները», — նշել է Արզիբեկ Կոժոշևը։ Հանձնաժողովի ջանքերն ուղղված են եվրասիական տրանսպորտային միջանցքների զարգացմանը և ԵԱՏՄ անդամ պետությունների տրանսպորտի ոլորտի գերակա ինտեգրացիոն ենթակառուցվածքային նախագծերի իրականացմանը։ «Այդ նպատակով ընդունվել է նաև Եվրասիական տրանսպորտային միջանցքների զարգացման համալիր պլան, հաստատվել է տրանսպորտի ոլորտի գերակա ինտեգրացիոն ենթակառուցվածքային նախագծերի ցանկը, տարեկան կտրվածքով Միության կառավարությունների ղեկավարների քննարկմանն է ներկայացվում համապատասխան զեկույց «Արևելք-Արևմուտք» և «Հյուսիս-Հարավ» ուղղություններով տրանսպորտային ենթակառուցվածքների ստեղծման ու զարգացման մասին, այդ թվում՝ չինական «Մեկ գոտի, մեկ ճանապարհ» նախաձեռնության հետ զուգակցման շրջանակներում», — հայտնել է նախարարը։ Հանձնաժողովը և Միության անդամ պետություններն այսօր ակտիվորեն զբաղվում են բեռնարկղային և մուլտիմոդալ փոխադրումների զարգացմամբ, թվային տեխնոլոգիաների ներդրմամբ, խելացի տրանսպորտային համակարգերի մասին փաստաթղթերի մշակմամբ։ «Մենք հասկանում ենք, որ չնայած առկա դժվարություններին, Միությունում տրանսպորտային ծառայությունների ընդհանուր շուկայի արժեքը բազմակի աճել է։ Այսօր նոր հնարավորություններ են բացվել տրանսպորտի զարգացման և մեր երկրների տնտեսական կայունության ապահովման համար», — նշել է ԵՏՀ էներգետիկայի և ենթակառուցվածքների նախարար Արզիբեկ Կոժոշևը։
29 Mar 2024 ԵԱՏՄ էներգետիկայի նախարարները քննարկել են ընդհանուր էներգաշուկաների ստեղծման սկզբունքային հարցեր Միության անդամ պետությունների էներգետիկայի ոլորտի լիազոր մարմինների ղեկավարների խորհուրդը՝ ԵՏՀ էներգետիկայի և ենթակառուցվածքների նախարար Արզիբեկ Կոժոշևի նախագահությամբ, քննարկել է ԵԱՏՄ ընդհանուր էներգաշուկաների ստեղծման արդիական հարցեր, ինչպես նաև Եվրասիական տնտեսական միության էներգետիկական անվտանգության ապահովման հիմնական սկզբունքները և ուղղությունները։ Բարձր մակարդակի խորհրդակցությունը կայացել է մարտի 29-ին ԵՏՀ հարթակում։ Կողմերը քննարկել են Միության գազի, նավթի և նավթամթերքի ընդհանուր շուկաների ձևավորման մասին միջազգային պայմանագրերի առանձին ասպեկտներ և նախապատրաստման ընթացքը: «Մենք մտադիր ենք առաջիկայում շարունակել չհամաձայնեցված հարցերի առարկայական քննարկումը Միության մարմինների մակարդակով», - տեղեկացրել է ԵՏՀ նախարարը։ Էներգետիկայի նախարարները նաև հաստատել են, որ նպատակաուղղված են ընդհանուր էներգաշուկաների գործունեության զգայուն հարցերի շուրջ փոխընդունելի լուծումների ձեռքբերմանը։ Հանդիպման ընթացքում կողմերը նաև ճանաչել են անդամ պետությունների և ամբողջ ԵԱՏՄ-ի էներգետիկական անվտանգության ապահովմանն միջոցների բավարարությունը և հայտնել, որ մտադիր են շարունակել համագործակցությունը էներգետիկական անվտանգության ամրապնդման ուղղությամբ։ «ԵԱՏՄ անդամ պետությունները միասնական են մի շարք դիրքորոշումների հարցում։ Էներգառեսուրսների ընդհանուր շուկաների ստեղծումը և էներգետիկական անվտանգության ապահովումը ԵԱՏՄ երկրների ընդհանուր և կարևոր խնդիրն է»,- նշել է Արզիբեկ Կոժոշևը։
29 Mar 2024 ԵԱՏՄ ընդհանուր էլեկտրաէներգետիկական ընդհանուր շուկայում էլեկտրոնային նույնականացման եղանակը պետք է ընտրեն իրենք՝ մասնակիցները Հանձնաժողովի այս առաջարկը դրվել է էլեկտրոնային թվային ստորագրությունների օգտագործմամբ էլեկտրոնային փաստաթղթաշրջանառության կազմակերպման քննարկման հիմքում: Հարցը քննարկվել է մարտի 27-ին Էլեկտրաէներգետիկայի հարցերով խորհրդատվական կոմիտեի նիստում՝ ԵՏՀ էներգետիկայի նախարար Արզիբեկ Կոժոշևի նախագահությամբ։ Կողմերի ներկայացուցիչները քննարկել են ԵԱՏՄ-ի ընդհանուր էլեկտրաէներգետիկական շուկայի մասնակիցներին Միության մասնակից բոլոր հինգ երկրների հետ էլեկտրաէներգիայի առևտրի դեպքում գրանցողի («ԱՏՍ» ԲԸ) հետ փոխգործակցելիս նույնականացման եղանակի ընտրության տրամադրման հնարավորությունը: Այս մոտեցումը սուբյեկտին թույլ կտա որոշել՝ օգտագործել էլեկտրոնային ստորագրությունը (տրամադրում է «ԱՏՍ» ԲԸ-ի վավերացնող կենտրոնը), թե կիրառել ազգային էլեկտրոնային ստորագրությունը՝ ելնելով երկու տարբերակների առավելություններից և թերություններից: Միջոցառման մասնակիցները համաձայնել են շարունակել աշխատանքը հարցին առնչություն ունեցող այլ լիազոր մարմինների (տեղեկատվական անվտանգության և թվայնացման ոլորտների) ներկայացուցիչների ներգրավմամբ: «ԵԱՏՄ ընդհանուր էլեկտրաէներգետիկական շուկայում տարբեր երկրների մասնակիցների էլեկտրոնային նույնականացման կարևոր և դեռևս չուսումնասիրված հարցի լուծումը թույլ կտա տեղեկատվական փոխանակման կանոններ ընդունել։ Դա ԵԱՏՄ-ի ընդհանուր էլեկտրաէներգետիկական շուկան կարգավորող չորս փաստաթղթերից վերջինն է»,- նշել է Արզիբեկ Կոժոշևը։ Բացի այդ, կուտակված փորձը կնպաստի եվրասիական ինտեգրման այլ ոլորտներում տարբեր պետությունների տնտեսավարող սուբյեկտների միջև տեղեկատվական փոխգործակցության ապահովմանը: Տեղեկանք. «Էլեկտրաէներգիայի մեծածախ շուկայի առևտրային համակարգի ադմինիստրատոր» (ԱՏՍ) բաժնետիրական ընկերությունը գրանցվել է 2007 թվականի դեկտեմբերի 13-ին: ԵՏՀ խորհրդի որոշմամբ այս ընկերությունը իրականացնելու է օր առաջ կենտրոնացված առևտրի օպերատորի և Միության ընդհանուր էլեկտրաէներգետիկ շուկայում գրանցողի գործառույթները։
27 Mar 2024 ԵՏՀ տրանսպորտի և ենթակառուցվածքների վարչության տնօրեն է նշանակվել Ռուստան Ջենալինովը Ռուստան Ժանատի Ջենալինովը ծնվել է 1975 թվականի հունվարի 1-ին Պավլոդար քաղաքում (Ղազախստանի Հանրապետություն):  1997 թվականին ավարտել է Պավլոդարի Ս. Տորայգիրովի անվ. պետական համալսարանը «Ավտոմեքենաշինություն և տրակտորաշինություն» մասնագիտությամբ, ստանալով ինժեներ-մեխանիկի որակավորում, 2002 թվականին՝ Ղազախստանի հումանիտար իրավաբանական համալսարանը «Իրավագիտություն» մասնագիտությամբ, ստանալով իրավաբանի որակավորում: Իր աշխատանքային գործունեությունը սկսել է 1997 թվականին որպես Ակմոլայի ավտոտրանսպորտային № 1 ձեռնարկության ԱՏԲ (արտադրատեխնիկական բաժնի) ճարտարագետ: 1999-2002 թթ. աշխատել է Ղազախստանի Հանրապետության տրանսպորտի և հաղորդակցությունների նախարարության ավտոմոբիլային և ջրային տրանսպորտի դեպարտամենտի ավտոմոբիլային տրանսպորտի վարչության առաջատար մասնագետ, այնուհետև՝ ավտոմոբիլային տրանսպորտի դեպարտամենտի բաժնի պետ, այնուհետև՝ ավտոմոբիլային տրանսպորտի վարչության բաժնի պետ։ 2002 թվականին նշանակվել է Ղազախստանի Հանրապետության տրանսպորտի և հաղորդակցությունների նախարարության տարանցման քաղաքականության վարչության պետ։ 2006-2009 թթ. զբաղեցրել է ՏՐԱՍԵԿԱ Միջկառավարական հանձնաժողովի (ՄԿՀ) մշտական քարտուղարության գլխավոր քարտուղարի պաշտոնը: 2009-2010 թթ. աշխատել է Ղազախստանի Հանրապետության արտաքին գործերի նախարարության ԵԱՀԿ դեպարտամենտի վարչության պետ, այնուհետ՝ Ղազախստանի Հանրապետության զբոսաշրջության և սպորտի նախարարության զբոսաշրջության արդյունաբերության կոմիտեի նախագահի տեղակալ։ 2010-2012 թթ.՝ Ղազախստանի Հանրապետության տրանսպորտի և հաղորդակցության նախարարի խորհրդական, նախարարության ռազմավարական պլանավորման և տրանսպորտահաղորդակցական համալիրի զարգացման դեպարտամենտի տնօրեն, ռազմավարական պլանավորման և լոգիստիկայի դեպարտամենտի տնօրեն։ 2012-2013 թթ. աշխատել է «Қазақстан темір жолы» ազգային ընկերություն» ԲԸ-ին կից «Տրանսպորտային լոգիստիկայի զարգացման ազգային կենտրոն» ԲԸ փոխնախագահ, այնուհետ՝ նախագահ: 2013-2016 թթ.՝ «Қазақстан темір жолы» ԱԸ» ԲԸ-ի մասնաճյուղ «Տրանսպորտային լոգիստիկայի զարգացման կենտրոնի» տնօրեն: 2017 թվականից աշխատել է Ղազախստանի Հանրապետության «Ատամեկեն» ձեռնարկատերերի ազգային պալատի լոգիստիկայի և փոխադրումների դեպարտամենտի կառավարող տնօրեն - տնօրեն: 2024 թվականի մարտի 26-ին նշանակվել է ԵՏՀ տրանսպորտի և ենթակառուցվածքների վարչության տնօրեն։
19 Mar 2024 ԵՏՀ-ում խորհրդակցություններ է անցկացվել ԵԱՏՄ-ի էներգառեսուրսների ընդհանուր շուկաների վերաբերյալ Եվրասիական տնտեսական միության երկրների լիազոր մարմինների ղեկավարների տեղակալները մարտի 15-ին և 18-ին Եվրասիական տնտեսական հանձնաժողովի կենտրոնակայանում քննարկել են էներգետիկ ռեսուրսների ընդհանուր շուկաների ձևավորման մի շարք հարցեր։ Փոխընդունելի լուծումների մշակման և դիրքորոշումների մերձեցման շուրջ խորհրդակցություններն անցկացրել է ԵՏՀ էներգետիկայի վարչության տնօրեն Վադիմ Զակրևսկին Միության մարմինների նիստերի նախօրեին, որոնց ընթացքում նախատեսվում է քննարկել Միության գազի, նավթի և նավթամթերքի ընդհանուր շուկաների ձևավորման հարցերը։  Վադիմ Զակրևսկին նշել է ԵԱՏՄ էներգառեսուրսների ընդհանուր շուկաները կարգավորող օրենսդրական ակտերի շուրջ աշխատանքն արագորեն ավարտելու մեծ կարևորությունը։ Խորհրդակցությունների ընթացքում մտքերի կառուցողական փոխանակում է տեղի ունեցել Եվրասիական տնտեսական միության գազի ընդհանուր շուկայի, նավթի և նավթամթերքի ընդհանուր շուկաների ձևավորման մասին միջազգային պայմանագրերի նախագծերի շուրջ չհամաձայնեցված հարցերի մասին։ Խորհրդակցության մասնակիցները կարևորել են մոտեցումների մերձեցումը և նշել բարձր մակարդակով քննարկված հարցերի շուրջ վերջնական որոշումներն արագ ընդունելու անհրաժեշտությունը։
Ցուցադրել ավելին