арм

Նորություններ

ԵՏՀ ԶԼՄ-ներում Ֆոտոսրահ Տեսադարան
11 մարտի 2025 ԵԱՏՄ-ում աշխատանքային խումբ է ստեղծվել e-CMR էլեկտրոնային միջազգային տրանսպորտային բեռնագրերի կիրառման փորձնական նախագիր իրականացնելու համար Մարտի 11-ին Եվրասիական տնտեսական հանձնաժողովի կոլեգիան որոշում է ընդունել Եվրասիական տնտեսական միության երկրներում միջազգային ավտոմոբիլային բեռնափոխադրումների իրականացման դեպքում e-CMR էլեկտրոնային միջազգային տրանսպորտային բեռնագրերի կիրառման փորձնական նախագիծ իրականացնելու համար աշխատանքային խումբ ստեղծելու մասին: Աշխատանքային խմբի կազմում կընդգրկվեն ԵԱՏՄ երկրների տրանսպորտի, թվայնացման, հարկային և մաքսային կարգավորման ոլորտի լիազոր մարմինների, ինչպես նաև գործարար համայնքի, գիտական կազմակերպությունների և ոլորտային միավորումների ներկայացուցիչներ։ Փորձագիտական հարթակի ղեկավարն է ԵՏՀ էներգետիկայի և ենթակառուցվածքների նախարար Արզիբեկ Կոժոշևը։ «Այսօր մենք ևս մեկ քայլ կատարեցինք ավտոմոբիլային տրանսպորտի ոլորտում իրավաբանական նշանակություն ունեցող էլեկտրոնային փաստաթղթաշրջանառությանն անցնելու ճանապարհին։ Աշխատանքային խումբը կսահմանի ԵԱՏՄ-ում էլեկտրոնային միջազգային տրանսպորտային բեռնագրերի կիրառման փորձնական նախագծի իրականացման ժամկետներն ու կարգը, ինչպես նաև կմշակի դրա իրականացման գործնական հարցեր», — նշել է ԵՏՀ նախարարը։ Նախագծի հիմնական նպատակն է թվային ստորագրության մեխանիզմների և «վստահելի երրորդ կողմի» օգտագործմամբ տարբեր պետությունների կազմակերպությունների միջև էլեկտրոնային փաստաթղթերի անդրսահմանային փոխանակման տեխնոլոգիայի գործնական բանեցման ապահովումն է: Փորձնական նախագիծը կնպաստի տրանսպորտային փաստաթղթեր ստանալու ձեռքբերման և ստուգելու գործընթացների արագացմանը, ինչպես նաև տրանսպորտալոգիստիկ և հսկիչ ու վերահսկիչ ընթացակարգերի իրականացման ծախսերի նվազեցմանը: Աշխատանքային խմբի նիստը նախատեսվում է անցկացնել 2025 թվականի երկրորդ եռամսյակում։
11 մարտի 2025 Արզիբեկ Կոժոշևը խոսել է ԵԱՏՄ 10-ամյա գործունեության մասին ԵՏՀ էներգետիկայի և ենթակառուցվածքների նախարար Արզիբեկ Կոժոշևը տեսաուղերձի ձևաչափով դիմել է Եվրասիական տնտեսական միության 10-ամյա գործունեությանը նվիրված միջազգային քննարկման մասնակիցներին։ Մասնակիցների քննարկման հիմնական թեմաներն էին ձեռք բերված հաջողություններն ու Միության առջև ծառացած մարտահրավերները։ «Մի շարք գործոններ և դրանց բացասական հետևանքները Միության համար արտաքին մարտահրավերներ են դարձել, որոնք միավորումը հաջողությամբ հաղթահարել է։ Այդ մասին է վկայում նշված ժամանակահատվածում ՀՆԱ-ի աճը շուրջ 50%-ով՝ 1.6 տրլն-ից մինչև 2.4 տրլն ԱՄՆ դոլար։ Միևնույն ժամանակ, փոխադարձ առևտուրը կրկնապատկվել է և կազմել մոտ 90 մլրդ ԱՄՆ դոլար, իսկ ԵԱՏՄ արտաքին առևտրի ընդհանուր ծավալում դրա բաժինն աճել է մինչև 18.2%», — նշել է Արզիբեկ Կոժոշևը։ Նախարարը հայտնել է ԵԱՏՄ քաղաքացիների համար կրթության, բժշկական օգնության, կենսաթոշակի նշանակման և վճարման ոլորտներում ավելի հարմարավետ պայմանների մասին։ Նախանշված են գործարար համայնքի օգուտները, որի համար Միության իրավունքը նախատեսում է ապրանքների ազատ տեղափոխում և պետական գնումների հավասար հասանելիություն: ԵՏՀ նախարարը նաև ընդգծել է, որ ներկայումս առաջ են մղվում նավթի, գազի և էլեկտրաէներգիայի ընդհանուր շուկայի հարցերը, ինչը կապահովի էներգառեսուրսների հասանելիությունը և ԵԱՏՄ երկրների զարգացումը։ Լուծվում են մատակարարումների տարբերակման և նոր տրանսպորտային միջանցքների ներուժի ավելացման խնդիրները, ինչպիսիք են «Հյուսիս-Հարավ» տրանսպորտային միջանցքը և «Մեկ գոտի, մեկ ճանապարհ» նախագծի շուրջ Չինաստանի հետ համագործակցությունը:
06 մարտի 2025 ԵՏՀ-ն ամփոփել է բնական մենաշնորհների ոլորտում 2024 թվականի աշխատանքների արդյունքների 2024 թվականի ընթացքում բնական մենաշնորհների ոլորտում կատարված աշխատանքների մազին զեկույցի նախագիծը հաստատվել է մարտի 6-ին՝ Եվրասիական տնտեսական հանձնաժողովի էներգետիկայի և ենթակառուցվածքների նախարար Արզիբեկ Կոժոշևի նախագահությամբ կայացած պրոֆիլային հանձնաժողովի նիստում։ Զեկույցը պարունակում է տեղեկություններ ԵԱՏՄ երկրների կողմից մշակված բնական մենաշնորհների ոլորտի նորմատիվ իրավական ակտերի նախագծերի մասին, ինչպես նաև ԵԱՏՄ մասին պայմանագրով սահմանված սկզբունքներին և կանոններին Միության պետությունների նորմատիվ բազայում կատարված փոփոխությունների և լրացումների համապատասխանության մշտադիտարկման արդյունքները։ Հանձնաժողովը պատրաստում է այս փաստաթուղթը տարեկան կտրվածքով՝ Միության այն պետությունների լիազոր մարմինների հետ համատեղ, որոնք կարգավորում են բնական մենաշնորհների սուբյեկտների գործունեությունը: Այս տարվա մայիսին զեկույցը կներկայացվի Եվրասիական տնտեսական բարձրագույն խորհրդի քննարկմանը։ Զեկույցը պատրաստվում է Բնական մենաշնորհների սուբյեկտների գործունեության կարգավորման միասնական սկզբունքների և կանոնների մասին արձանագրության (Եվրասիական տնտեսական միության մասին պայմանագրի N 20 հավելված) 20-րդ կետի 5-րդ ենթակետին համապատասխան:
05 մարտի 2025 Արզիբեկ Կոժոշևը խոսել է ԵԱՏՄ-ում «խելացի» տրանսպորտային համակարգերի զարգացման աշխատանքների մասին Եվրասիական տնտեսական հանձնաժողովի էներգետիկայի և ենթակառուցվածքների նախարար Արզիբեկ Կոժոշևը տեսակոնֆերանսի միջոցով մասնակցել է Տաշքենդում ընթացող «Խելացի» տրանսպորտային համակարգեր և թվային տնտեսության ենթակառուցվածքներ» 2-րդ միջազգային գիտագործնական խորհրդաժողովի աշխատանքներին։ Միջոցառման հիմնական թեմաներն էին տրանսպորտալոգիստիկ համալիրի թվային անցման միջազգային փորձի ուսումնասիրությունը, ինչպես նաև «խելացի» տրանսպորտային համակարգերի ներդրումը միջազգային առևտրի զարգացման գործում: «Ավտոմատացման միջոցներն էլ ավելի մատչելի են դառնում թվային տնտեսության կայացման շնորհիվ, թույլ են տալիս հասնել ապրանքների տրանսպորտային տեղափոխման գրեթե լիարժեք թափանցիկության, բարձրացնում կանխատեսելիությունը և նվազեցնում բեռնափոխադրումների ռիսկերը, ինչպես նաև նվազեցնում են տրանսպորտալոգիստիկ ծախսերը՝ խթանելով միջազգային առևտուրը», — նշել է Արզիբեկ Կոժոշևը։ ԵՏՀ նախարարը հայտնել է, որ Հանձնաժողովը դիտարկում է ԵԱՏՄ շրջանակներում «խելացի» տրանսպորտային համակարգերի զարգացման հնարավորությունները։ Նա խոսել է նաև Խելացի տրանսպորտային համակարգերի փոխգործակցության կատարելագործման հայեցակարգի մասին, որն ուղղված է տրանսպորտային ենթակառուցվածքում նոր տեխնոլոգիաների ներդրման գործընթացի ակտիվացմանը։ «Մենք զարգանում ենք, և ԵԱՏՄ-ի փորձը խելացի տրանսպորտային համակարգերի, թվային ենթակառուցվածքների ներդրման գործում կատարելագործվում է՝ հաշվի առնելով նոր տեխնոլոգիաները», — ասել է ԵՏՀ նախարարը։
04 մարտի 2025 ԵՏՀ – «ՄԷԻ» ԱՀՀ. էներգետիկայի ոլորտում փոխգործակցության քննարկում Եվրասիական տնտեսական հանձնաժողովի էներգետիկայի և ենթակառուցվածքների նախարար Արզիբեկ Կոժոշևը և «Մոսկվայի էներգետիկայի ինստիտուտ» («ՄԷԻ») ազգային հետազոտական համալսարանի ռեկտոր Նիկոլայ Ռոգալևը քննարկել են էներգետիկ ոլորտում փոխգործակցության առանցքային ուղղությունները։ Հանդիպման ընթացքում անդրադարձել են Եվրասիական ցանցային համալսարանի (ԵՑՀ) շրջանակներում եվրասիական տեխնոլոգիական հարթակների զարգացման, ԵԱՏՄ պետությունների էներգետիկ ոլորտի համար կադրերի նախապատրաստման, ինչպես նաև ԵԱՏՄ երկրների համար առաջնահերթ ոլորտներում գիտական հետազոտությունների արդյունավետ համակարգի ձևավորման հնարավորությանը։ «Ցանցային ձևով որակյալ կադրերի նախապատրաստման կազմակերպումը, այդ թվում՝ հեռավար կրթական տեխնոլոգիաների օգտագործմամբ, լիովին բավարարում է Եվրասիական տնտեսական միության աշխատաշուկայի առկա և հեռանկարային կարիքները, իսկ ԵՑՀ-ին կից ստեղծված Թվային էներգետիկայի և ճարտարագիտության կենտրոնը հիմք է հանդիսանում մասնակից բուհերի միջև թվային էներգետիկայի և ճարտարագիտության ոլորտում համագործակցության համար», — նշել է Արզիբեկ Կոժոշևը։ ԵՏՀ էներգետիկայի վարչության տնօրեն Վադիմ Զակրևսկին դասախոսություն է կարդացել «ԵԱՏՄ-ում Էներգետիկայի հարցերը և էներգետիկ ինտեգրման 2024 թվականի արդյունքները» թեմայով։ Հանձնաժողովի ներկայացուցիչներն այցելել են «Էլեկտրաէներգիայի փոխադրման և բաշխված խելացի էներգահամակարգերի տեխնոլոգիաներ» ազգային տեխնոլոգիական նախաձեռնության կենտրոն, ինչպես նաև ԳՈԵԼՌՈ թանգարան։
12 փետրվարի 2025 Արզիբեկ Կոժոշևը հանդիպել է ՄԱԿ ԵՏՀ գործադիր քարտուղար Տատյանա Մոլչանի հետ Եվրասիական տնտեսական հանձնաժողովի էներգետիկայի և ենթակառուցվածքների նախարար Արզիբեկ Կոժոշևը և ՄԱԿ ԵՏՀ գործադիր քարտուղար Տատյանա Մոլչանը քննարկել են տրանսպորտի ոլորտում համագործակցության զարգացումը, նախանշել փոխգործակցության հեռանկարները և առանցքային ուղղությունները։ Կողմերը նշել են, որ երկխոսությունը թույլ է տալիս պահպանել իրավասությունների բարձր մակարդակ, փորձի փոխանակում իրականացնել և արդյունավետ աշխատել տրանսպորտային երթուղու խոչընդոտների թիվը նվազեցնելու ուղղությամբ։ «Մենք ձգտում ենք ներդաշնակեցնել ԵԱՏՄ պետությունների օրենսդրությունը միջազգային նորմերին և ստանդարտներին, ինչն ուղղված է միջազգային փոխադրումների և տարանցման պարզեցմանը, որոնք արձանագրված են նաև ՄԱԿ-ի համաձայնագրերում և կոնվենցիաներում», — նշել է Արզիբեկ Կոժոշևը։ Նա շնորհակալություն է հայտնել ԵԱՏՄ ԵՏՀ ներկայացուցիչներին անցյալ տարի Եվրասիական տնտեսական համաժողովին մասնակցելու համար և հրավիրել մասնակցելու 2025 թվականի մայիսին Մինսկում կայանալիք ԵԱՏՄ գլխավոր գործարար իրադարձությանը։ Հանդիպումը կայացել է Միավորված ազգերի կազմակերպության Եվրոպական տնտեսական հանձնաժողովի ներքին տրանսպորտի կոմիտեի 87-րդ նստաշրջանի շրջանակներում։
11 փետրվարի 2025 Արզիբեկ Կոժոշևը ՄԱԿ-ի ԵՏՀ-ում խոսել է ԵԱՏՄ-ում տրանսպորտի ածխածնազերծման աշխատանքների մասին
31 հունվարի 2025 Եվրասիական միջկառավարական խորհրդի 2025 թվականի հունվարի 31-ի արդյունքները Եվրասիական միջկառավարական խորհուրդը քննարկել է Եվրասիական տնտեսական միության պետությունների մակրոտնտեսական իրավիճակի և կայուն տնտեսական զարգացումն ապահովելու առաջարկների մասին զեկույցը։ ԵՏՀ-ի նախնական գնահատմամբ՝ ԵԱՏՄ ընդհանուր ՀՆԱ-ն 2024 թվականին աճել է 4%-ով, ինչը բարձր է աճի միջին համաշխարհային տեմպերից (3.2%) և նախնական կանխատեսումներից։ Ապրանքների փոխադարձ առևտրի արժեքային ծավալը 2024 թվականին շարունակել է աճել ավելի բարձր տեմպերով, քան արտաքին և փոխադարձ առևտուրն այլ ինտեգրացիոն միավորումներում, և մինչև 2026 թվականը կհասնի գրեթե 100 մլրդ ԱՄՆ դոլարի։ Եվրասիական միջկառավարական խորհուրդը Հանձնաժողովին հանձնարարել է Եվրասիական տնտեսական միության երկրների հետ համատեղ մշակել ագրոարդյունաբերական համալիրի և դրա ենթակառուցվածքների նկատմամբ համատեղ կոոպերացիոն նախագծերի ֆինանսական աջակցության մեխանիզմների ընդլայնման հարցը։ Հաշվի առնելով Միության գյուղատնտեսության ոլորտի առանձնահատկությունները՝ Հանձնաժողովը անդամ պետությունների հետ համատեղ առաջարկներ կնախապատրաստի ԵԱՏՄ բյուջեից միջոցների օգտագործմամբ ԱԱՀ-ին աջակցելու պայմանների և ազգային օրենսդրությունում կատարվելիք համապատասխան փոփոխությունների մասին: Եվրասիական միջկառավարական խորհուրդը քննարկել է Եվրասիական տրանսպորտային միջանցքներում ընդգրկված երկաթուղային, ավտոճանապարհային և նավահանգստային ենթակառուցվածքների զարգացմանն ուղղված Եվրասիական տնտեսական միության երկրների միջոցառումների մասին 2022-2024 թվականների զեկույցը: Եվրասիական տրանսպորտային միջանցքներին բաժին է հասնում ԵԱՏՄ-ում տարանցիկ փոխադրումների ծավալի շուրջ 70%-ը, ինչն ընդգծում է յուրաքանչյուր երկրի ազգային հատվածների զարգացման գործում համաժամացման կարևորությունը։
Ցուցադրել ավելին

Պաշարներ ԵՏՄ