Жаңалықтар
ЕАЭО елдері жеткізушілерінің мемлекеттік сатып алуларға өзара қатысу динамикасы – оң деңгейде
Мемлекеттік сатып алу саласындағы Еуразиялық экономикалық комиссия бірқатар маңызды бағыттар бойынша жұмыс істейді, оларды іске асыру бейрезидент-жеткізушілерге Еуразиялық экономикалық одақ аумағында мемлекеттік сатып алуға кедергісіз қатысу үшін одан да көп мүмкіндіктер береді. Бұл туралы ЕЭК мемлекеттік сатып алу саласындағы бәсекелестік саясат және саясат департаменті директорының орынбасары Нұрлан Бегалиев Шолпан – Атада өткен «Мемлекеттік сатып алу – елдің экономикалық даму және халықаралық ынтымақтастықты кеңейту құралы» атты халықаралық форумында мәлімдеді.
Бүгінде ЕАЭО-да импортты алмастыру, өнеркәсіптегі кооперация, ішкі байланыстарды нығайту мәселелерін шешуге ерекше көңіл бөлінеді. Бұл тұрғыда бірыңғай қағидалар бойынша іс-әрекет ететін Одақтың жеткізушілері үшін қолжетімді толық форматты мемлекеттік сатып алу нарығын құру жөніндегі ЕЭК қызметі ерекше мәнге ие.
ЕЭК өкілінің айтуы бойынша Комиссияның негізгі міндеттерінің қатарында өткен жылы Одақ елдерінің вице-премьерлері қол қойған мемлекеттік сатып алуды жүзеге асыру кезіндегі банктік кепілдіктерді өзара тану туралы келісімді іске асыру. Келісімде ЕАЭО ішкі нарығындағы тиісті шектеу жойылды, банктерге қойылатын бірыңғай талаптар белгіленді, олардың кепілдіктері мемлекеттік сатып алу кезінде Одақтың басқа мемлекеттерінде танылатын, осындай банктердің тізбесін жасау жөніндегі тәсілдер, сондай-ақ берілген банк кепілдіктерінің тізілімін жүргізу тәртібі айқындалды.
«Одақ елдерінің бір-біріне ұлттық режимді ұсынуы барлық мүше мемлекеттердің әлеуетті жеткізушілер мен тауарлардың мемлекеттік сатып алуға өзара қатысуына кедергісіз қол жеткізуіне келісімін білдіреді. Бұл дегеніміз елдің Одақтың басқа мемлекеттерінен тауарларды, жұмыстарды және қызметтерді өз жеткізушілеріне қарағанда қолайлы режим мен шарттарды ұсынуы тиіс дегенді білдіреді», – деп атап өтті Нұрлан Бегалиев.Комиссия ЕАЭО елдерімен бірлесіп мемлекеттік сатып алу мақсаттары үшін тауарлардың шығарылған елін айқындаудың бірыңғай шарттарын белгілеу туралы мәселені шешті.
Электрондық цифрлық қолтаңбаларды өзара тану қағидаларын әзірлеу жүргізілуде.
«Одақ жеткізушілерінің мемлекеттік сатып алуларына өзара қатысу динамикасы таң қалдырады, бұл біздің интеграциялық бірлестігіміздің көпжылдық жұмысын талдау кезінде ерекше байқалады», – деді Комиссия өкілі сандарды мысалға келтіре отырып.Одақ жұмыс істеген кезден бастап 2022 жылға дейін ЕАЭО елдерінің жеткізушілерінен өзара мемлекеттік сатып алу көлемі 15 есеге (27,94-тен 419,99 млн долларға дейін), мүше мемлекеттерден шығарылатын тауарлар (жұмыстар, қызметтер) 26,5 есеге (115,7-ден 3 071,5 млн долларға дейін) өсті.
Еуразиялық экономикалық одақтың мемлекеттік сатып алу саласы ең алдымен «ашық» бюджеттік сатып алулар болып табылады. ЕАЭО мемлекеттік сатып алу көлемінің шамамен 70% сатып алудың ашық бәсекелестік тәсілдері арқылы жүзеге асырылады, олардың 99% электрондық форматта өткізіледі.
