қаз

Жаңалықтар

ЕЭК БАҚ-та Фото Бейнегалерея
20 наурыздың 2025 Максим Ермолович: "ЕЭФ-2025 бағдарламалық комитеті форумның архитектурасын дайындауды аяқтап келеді" Еуразиялық экономикалық форум (ЕЭФ)-2025 бағдарламалық комитетінің отырысында тұтастай алғанда форум архитектурасының тұжырымдамасы мен құрылымы келісілді. Кеңес Еуразиялық экономикалық комиссияның Бәсекелестік және монополияға қарсы реттеу жөніндегі министрі Максим Ермоловичтің төрағалығымен өтті. Еуразиялық экономикалық одақтың басты іскерлік оқиғасы – Еуразиялық экономикалық форум осы жылғы маусымда Минскіде өтеді. "Бағдарламалық комитет негізінен панельдік сессияларды, форум архитектурасының негізгі алты блогының дөңгелек үстелдерін толтыруды шешті. Жекелеген іс-шаралардың тақырыптары мен олардың тұжырымдамалық мазмұны жетілдірілуде. Шын мәнінде, біз қазір форумның архитектурасын аяқтап келеміз. Комиссияның бейіндік блоктарының Одақ елдерінің өкілдерімен тығыз өзара іс-қимылы арқылы бұл жұмысты аяқтау қажет", — деп атап өтті Максим Ермолович. Іскерлік бағдарламаны Беларусь Республикасы Премьер-министрінің орынбасары, ЕЭК Кеңесінің Төрағасы Владимир Караниктің басшылығымен ЕЭФ-2025 ұйымдастыру комитеті бекітетін болады.
14 наурыздың 2025 Қазанда фармацевтикалық нарықтардағы бәсекелестікті қамтамасыз ету мәселелері талқыланды Еуразиялық экономикалық комиссияның Бәсекелестік және монополияға қарсы реттеу жөніндегі блогының өкілдері Қазанда "Фармацевтикалық нарықтардағы бәсекелестікті дамыту" атты халықаралық дөңгелек үстелге қатысты. Іс-шараға қатысушылар дәрілік препараттар нарығындағы бәсекелестік және патенттік заңнама саласындағы құқықтық нормаларды, мәжбүрлеп лицензиялау мәселелерін, дәрі және медициналық бұйымдар нарықтарындағы монополияға қарсы заңнаманы бұзушылық мәселелерін, ден қою шараларын, таңдаулы праткикаларды, денсаулық сақтау секторындағы мемлекеттік сатыпалымды, сауда-саттықта сөз байласуға қарсы күрес тақырыбын талқылады. Еуразиялық экономикалық одақ, Тәуелсіз Мемлекеттер Достастығы елдерінің, сондай-ақ ҚХР, Индонезия, Түркия, Мысыр, ОАР және Мьянма елдерінің бәсекелестік органдарының қызметкерлері ұлттық заңнаманы жетілдіру, фармацевтика секторындағы бәсекелестік қағидаларын бұзушылық бойынша істерді қарау тәжірибесімен бөлісті. Пікірсайысқа ғылыми топтар мен фармкомпаниялар өкілдері қатысты. Комиссия делегациясы "Дәрілік заттар мен медициналық бұйымдардың тауарлық нарықтарындағы бәсекелестіктің жай-күйі туралы баяндамаларда қамтылған ұсынымдарды практикалық қолдану" деп аталған ТМД мемлекеттерінің монополияға қарсы заңнамасын бұзушылықтарды бірлесіп тергеп-тексеру жөніндегі штаб отырысына қатысты. ЕЭК Бәсекелестік саясат және мемлекеттік сатыпалым саласындағы саясат департаментінің директоры Жанар Әдікова: "Комиссия ЕАЭО трансшекаралық нарықтарындағы, соның ішінде фармацевтикалық нарықтардағы бәсекелестіктің жалпы қағидаларын бұзу белгілерін қарау кезінде осы саланы ұлттық және ұлтүсті реттеу ерекшеліктерін ескереді", — деп атап өтті. Сондай-ақ, БРИКС-тің Фармацевтикалық нарықтардағы бәсекелестік мәселелерін зерттеу жөніндегі жұмыс тобының да отырысы болып өтті.
06 наурыздың 2025 Бағдарламалық комитет Еуразиялық экономикалық форумның архитектурасын талқылады Еуразиялық экономикалық комиссияның Бәсекелестік және монополияға қарсы реттеу жөніндегі министрі Максим Ермолович 5 наурызда Мәскеуде Еуразиялық экономикалық форумның (ЕЭФ) Бағдарламалық комитетінің бірінші отырысын өткізді. Ол форумды өткізудің негізгі ұйымдастырушылық жәйттері, қабылдаушы тараптың инфрақұрылымдық мүмкіндіктері туралы айтып берді. Еске сала өтсек, ЕЭФ осы жылғы мамыр айында Минскіде өтеді. Бағдарламалық комитеттің отырысында Еуразиялық экономикалық одақ елдерінің уәкілетті органдары өкілдерінің форум архитектурасының тұжырымдамасы мен құрылымы, ЕЭФ архитектурасының негізгі жеті блогының тақырыбы және панельдік сессиялармен, дөңгелек үстелдермен толтырылуы бойынша ұсыныстары талқыланды. Бұл оны дайындау кезеңіндегі негізгі мәселелердің бірі. Архитектура негізінде кейінірек іскерлік бағдарлама қалыптастырылатын болады. Одақ елдерінің және Комиссияның өкілдері — Комитет мүшелері кезекті отырыста келіп түскен ескертулер мен ұсыныстарды ескере отырып, форумның архитектурасын бекітуге уағдаласты. Еуразиялық экономикалық форумның Ұйымдастыру және Бағдарламалық комитеттері ЕЭФ-ті дайындауды және өткізуді ұйымдастыру үшін бұдан бұрын құрылған болатын.
27 ақпанның 2025 Максим Ермолович: «Бизнеспен өзара іс-қимыл – ЕЭК жұмысының стратегиялық бағыттарының бірі» Еуразиялық экономикалық комиссияның Бәсекелестік және монополияға қарсы реттеу жөніндегі министрі Максим Ермолович Мәскеуде Еуропалық бизнес қауымдастығының мүшелерімен жұмыс кездесуін өткізді. "Комиссия үшін бизнеспен, соның ішінде Еуропа елдерінің бизнесімен өзара іс-қимыл жасау жұмыстың стратегиялық бағыттарының бірі болып табылады. Біздің мақсатымыз — Еуразиялық экономикалық одақтың трансшекаралық нарықтарында адал бәсекелестікті дамыту үшін барынша қолайлы жағдайлар жасау", — деп атап өтті Максим Ермолович. Кездесуге қатысушылар үстем жағдайды теріс пайдалануды, бәсекелестікке қарсы келісімдерді, жосықсыз бәсекелестікті қоса, мәселелердің кең ауқымын қозғады. Одақтағы бәсекелестік қағидаларын және ЕЭК-тің осы саладағы құзыретін бұзушылық туралы өтініш беру тәртібі талқыланды. ЕАЭО-дағы мемлекеттік сатыпалымның өзекті тақырыптары және Еуразиялық интеграция жағдайында оларды реттеудің ерекшеліктері қаралды. Кездесу барысында Еуропалық бизнес қауымдастығының өкілдерінің секторлық талдаулар жүргізу бойынша ЕЭК-тің Бәсекелестік және монополияға қарсы реттеу жөніндегі блогының жұмысына, атап айтқанда, фармацевтика өнеркәсібі нарығына және электрондық сауда алаңдарына (маркетплейстерге) жәрдемдесу туралы уағдаластыққа қол жеткізілді. Іс-шараға Еуропалық бизнес қауымдастығының 50-ден астам өкілі қатысты.
ЕАЭО елдерінің мемлекеттік сатыпалымдарға қатысу мүмкіндігі жеті мың өнеркәсіптік тауар үшін ұзартылды 06 ақпанның 2025 ЕАЭО елдерінің мемлекеттік сатыпалымдарға қатысу мүмкіндігі жеті мың өнеркәсіптік тауар үшін ұзартылды Еуразиялық экономикалық комиссия Кеңесі ЕЭК Кеңесінің 2020 жылғы 23 қарашадағы № 105 шешімімен бекітілген Мемлекеттік (муниципалдық) сатыпалым мақсаттары үшін тауарлардың жекелеген түрлерінің шығарылған елін айқындау қағидаларына (ТШЕ қағидалары) № 1-1 қосымшаның қолданысын 2025 жылғы 31 желтоқсанға дейін ұзартты. Құжат СТ-1 сертификатын ұсыну негізінде Еуразиялық экономикалық одақ мемлекеттерінің Еуразиялық өнеркәсіптік тауарлар тізіліміне жеті мыңнан астам өнеркәсіптік тауарды қамтитын 258 тауар атауын кірістіруге мүмкіндік береді. ТШЕ қағидалары отандық өнім берушілер үшін преференциялар белгіленген немесе шетелдік тауарлар бойынша шектеулер енгізілген ЕАЭО мемлекеттеріндегі мемлекеттік сатыпалым үшін тауарлардың шығарылған елін айқындау және растау мәселесін реттеуге қойылатын бірыңғай тәсілдемені айқындайды. ТШЕ қағидалары инвестициялық тартымдылықты және оқшаулау деңгейін арттыруды, Еуразиялық өндірушілер арасындағы кооперациялық байланысты кеңейтуді мақсат тұтады. ЕЭК-тің ресми сайтында "Бәсекелестік саясат және мемлекеттік сатыпалым саласындағы саясат департаменті" бөліміндегі "Жиі қойылатын сұрақтарға сұрақ-жауап" қосымша парағында тауар және оның өндірушісі туралы мәліметтерді ЕӨТТ-ке кіргізу тәртібі, Комиссияның осындай мәліметтерді кіргізуге өтінімді қарау алгоритмі туралы анықтамалық ақпарат жарияланған.
03 ақпанның 2025 Санкт-Петербургте ЕАЭО-дағы бәсекелестіктің жалпы қағидаттары мен қағидаларын іске асыруға орайлас тәсілдемелер таныстырылды 31 қаңтарда Санкт-Петербургте "Экономиканы қазіргі заманғы монополияға қарсы реттеу: заңнаманы жетілдіру құралдары" атты VIII халықаралық ғылыми-практикалық конференция болып өтті. Конференцияға Еуразиялық экономикалық комиссияның Монополияға қарсы реттеу департаментінің өкілі Владимир Ковалёв қатысты. Ол өз сөзінде ЕЭК-тің бәсекелестік саласындағы құқық қолдану практикасы мәселелеріне, оның тиімділігін арттыру механизмдеріне тоқталды. Қазіргі заманғы цифрлық экономика жағдайында тауар нарықтарын зерттеу мен реттеуге орайлас тәсілдемелерді әзірлеуге және бизнес пен ЕАЭО елдерінің қалың жұртшылығы үшін Еуразиялық экономикалық одақтың құқығын түсіндіру жөніндегі жұмысқа бөлекше назар аударылды. Іс-шараға Ресейдің ФМҚ басшысы Максим Шаскольский, ЕАЭО Сотының Төрағасы Алексей Дронов, ФМҚ құрылымдық бөлімшелерінің басшылары, Ресей судьялар корпусының, ЕАЭО елдерінің сарапшылар қоғамдастығының өкілдері қатысты.
29 қаңтардың 2025 Алина Казачёнок ЕЭК-тің Бәсекелестік саясат және мемлекеттік сатыпалым саласындағы саясат департаменті директорының орынбасары болып тағайындалды Алина Анатольевна Казачёнок 1990 жылы туған. 2012 жылы Беларусь мемлекеттік экономика университетін "маркетинг" мамандығы бойынша ("баға белгілеу" мамандануы), ал 2016 жылы осы университеттің магистратурасын "әлемдік экономика"мамандығы бойынша бітірген. 2022 жылы Беларусь Республикасы Президентінің жанындағы Басқару академиясында "мемлекеттік және жергілікті басқару" мамандығы бойынша қайта даярлаудан өтті, ал 2024 жылы Ресей Федерациясы Президенті жанындағы Ресей халық шаруашылығы және мемлекеттік қызмет академиясының МБЖМ институтының Жоғары буын басшыларын даярлау бағдарламалары орталығында "Басшыларға үшін — мемлекеттік басқару шебері" кәсіптік қайта даярлау бағдарламасын оқып бітірді. 2012-2016 жылдары Беларусь Республикасы Экономика министрлігінің Баға саясаты департаментінде жұмыс істеді. 2016 жылдан 2025 жылға дейін Беларусь Республикасының Монополияға қарсы реттеу және сауда министрлігінде еңбек етті. Табиғи монополиялар, көлік, байланыс және ақпараттық технологиялар саласындағы монополияға қарсы реттеу, баға белгілеу және сатыпалым мәселелеріне жетекшілік жасады. 2025 жылғы 22 қаңтардан бастап Еуразиялық экономикалық комиссияның Бәсекелестік саясат және мемлекеттік сатыпалым саласындағы саясат департаменті директорының орынбасары болып тағайындалды.
23 қаңтардың 2025 Комиссияның монополияға қарсы істер бойынша шешімдерін орындамағаны үшін айыппұл қолданылатын болады Еуразиялық экономикалық комиссия Кеңесі Трансшекаралық нарықтардағы бәсекелестіктің жалпы қағидаларын бұзғаны үшін айыппұлдарды есептеу әдістемесі мен салу тәртібіне және Трансшекаралық нарықтардағы бәсекелестіктің жалпы қағидаларын бұзу туралы істерді қарау тәртібіне өзгерістер енгізді. Комиссияның трансшекаралық нарықтардағы бәсекелестіктің жалпы қағидаларын бұзу туралы істі қарау нәтижелері бойынша бұзушылықтарды жою және бәсекелестік шарттарын қалпына келтіру үшін құқық бұзушыларға "мінез-құлық шарттары" деп аталатынды беруі мүмкін екендігін еске алған жөн. Еуразиялық экономикалық одақ туралы шартқа осындай "мінез-құлық шарттарын" орындамағаны үшін айыппұл санкциялары енгізілді. ЕАЭО актілеріне енгізілген түзетулер Комиссияның құқық бұзушының "мінез-құлық шарттарын" орындауына бақылау жүргізуін көздейді. Олар белгіленген мерзімде орындалмаған кезде Комиссияға ақпарат ұсынбағаны үшін (тергеп-тексеру жүргізбестен) жүргізілетін рәсімге ұқсас тәртіппен іс қозғалады. Құқық бұзушыға айыппұл санкциялары қолданылады, олардың мөлшері құқық бұзушылықтың құрамына байланысты болады. Жекелеген құрам үшін айыппұлдың барынша көп мөлшері 700 мың Ресей рубліне жетеді. 
Тағы да көрсету

ЕАЭО ресурстары