арм

Նորություններ

ԵՏՀ ԶԼՄ-ներում Ֆոտոսրահ Տեսադարան
09 հուլիսի 2025 Մաքսիմ Երմոլովիչը ներկայացրել է ԵՏՀ գործունեությունը ՄԱԿ-ի մրցակցությանի նվիրված խորհրդաժողովում Եվրասիական հանձնաժողովի պատվիրակությունը Եվրասիական տնտեսական հանձնաժողովի մրցակցության և հակամենաշնորհային կարգավորման նախարար Մաքսիմ Երմոլովիչի ղեկավարությամբ Ժնևում մասնակցել է ՄԱԿ-ի 9-րդ խորհրդաժողովին, որը նվիրված էր սահմանափակող գործարար պրակտիկայի նկատմամբ վերահսկողության բազմակողմ հիմունքներով համաձայնեցված արդար սկզբունքների և կանոնների համալիրի քննարկմանը: Մաքսիմ Երմոլովիչը «Մրցակցությունը և տարածաշրջանային տնտեսական կազմակերպությունները» խորագրով նստաշրջանում ներկայացրել է Հանձնաժողովի գործունեությունը և մրցակցության հարցերի շուրջ տարածաշրջանային ինտեգրացիոն միավորումների երկխոսության մասին նրա նախաձեռնությունը: «Տարածաշրջանային հանդիպումների շրջանակներում մենք քննարկում ենք տարածաշրջանային մակարդակով մրցակցության կարգավորման արդիական հարցեր: Ավելի վաղ անցկացված հինգ հանդիպման արդյունքները ցույց են տալիս նման երկխոսության պահանջվածությունը և ընդլայնման անհրաժեշտությունը, — նշել է Մաքսիմ Երմոլովիչը: — Արդյունքում մենք պայմանավորվել ենք ուսումնասիրել տարածաշրջանային մակարդակում մրցակցության կարգավորման հարցը»: ԵՏՀ նախարարը երկխոսության մասնակիցների անունից Խորհրդաժողովում հայտնել է այս ոլորտում փոխգործակցությունը շարունակելու կարևորության, Հանձնաժողովի կողմից տարածաշրջանային կազմակերպությունների հանդիպումների կանոնավոր անցկացման անհրաժեշտության մասին: Նա նաև ներկայացրել է տարածաշրջանային մակարդակում մրցակցության կարգավորման կատարվող ուսումնասիրության նախնական արդյունքները: Խորհրդաժողովի շրջանակներում Հանձնաժողովի պատվիրակությունը հանդիպում է ունեցել ՅՈՒՆԿՏԱԴ միջազգային առևտրի և հումքային ապրանքների ստորաբաժանման ղեկավար Լուս Մարիա դե լա Մորայի հետ, որի ընթացքում քննարկվել են հետագա համագործակցության հեռանկարներ: ՄԱԿ-ի Խորհրդաժողովն անցկացվում է հինգ տարին մեկ անգամ՝ լինելով մրցակցության հարցերով բարձր մակարդակի միջոցառում: ՄԱԿ-ի անդամ պետությունների պրոֆիլային մարմինների ղեկավարներ, բարձրաստիճան պաշտոնյաներ հանդիպման ընթացքում քննարկում են, ի թիվս այլնի, այս ոլորտում իրավակիրառության ուժեղացման հարցը:
09 հուլիսի 2025 Ընդլայնվել են ԵԱՏՄ արտադրողների արդյունաբերական ապրանքների համար պետգնումների հասանելիության հնարավորություննրեը Եվրասիական տնտեսական հանձնաժողովի խորհուրդը փոփոխություններ է կատարել Պետական (համայնքային) գնումների նպատակների համար ապրանքների առանձին տեսակների ծագման երկրի որոշման կանոններում, որոնք հաստատվել են ԵՏՀ խորհրդի կողմից 2020 թվականին: Մասնավորապես, Կանոնները լրացվել են խողովակների, լազերների, միկրոդիսփլեյների արտադրության պայմաններով, բժշկական արտադրատեսակների, երկաթուղային շարժակազմի բաղադրիչների և ենթակառուցվածքի նոր ապրանքային անվանումներով, քիմիական արդյունաբերական ապրանքներով: Նշենք, որ սա 2025 թվականի ընթացքում փոփոխությունների 2-րդ փաթեթն է, որոնք ուղղված են ԵԱՏՄ երկրներում կիրառված առանձնաշնորհների, սահմանափակումների և արգելքների պայմաններում պետգնումներում ազգային ռեժիմի ընդլայնմանը (մայիսին Կանոնները լրացվել են 51 ապրանքային անվանմամբ պետգնումներին մասնակցության հնարավորությունն ապահովելու համար): Ընդունված ակտերը ԵԱՏՄ պետությունների արտադրողներին թույլ կտան ներառել իրենց և իրենց ապրանքների մասին տեղեկությունները Արդյունաբերական ապրանքների եվրասիական գրանցամատյանում և անարգել մասնակցել պետգնումներին: Կանոնները սահմանում են պետգնումների նպատակով ապրանքների ծագման երկրի որոշման և հաստատման միասնական մոտեցում: Դրանք թույլ կտան պետգնումներում ազգային ռեժիմ ապահովել այն դեպքերում, երբ պետության կողմից առանձնաշնորհներ են սահմանված հայրենական մատակարարների համար կամ սահմանափակումներ՝ օտարերկրյա ապրանքների համար: Փոփոխություններն ուժի մեջ կմտնեն ԵՏՀ Խորհրդի որոշման պաշտոնական հրապարակման օրվանից 30 օրացուցային օր հետո: Հանձնաժողովի պաշտոնական կայքում՝ «Մրցակցային քաղաքականության և պետական գնումների ոլորտի քաղաքականության վարչություն» բաժնի «Հաճախակի տրվող հարցերի պատասխաններ» ներդիրում հրապարակված է տեղեկատվություն ապրանքի և դրա արտադրողի մասին տեղեկությունները Պարենային ապրանքների եվրասիական գրանցամատյանում ներառելու կարգի, այդ տեղեկությունների ներառման հայտը Հանձնաժողովի կողմից քննարկելու ալգորիթմի մասին:
Պարզեցվել է Հանձնաժողովի կողմից գաղտնի տեղեկատվության ենթագերատեսչական փոխանցման ընթացակարգը 09 հուլիսի 2025 Պարզեցվել է Հանձնաժողովի կողմից գաղտնի տեղեկատվության ենթագերատեսչական փոխանցման ընթացակարգը Եվրասիական տնտեսական հանձնաժողովի խորհուրդը փոփոխություններ է կատարել ԵՏՀ-ում սահմանափակ տարածման փաստաթղթերի հետ աշխատանքի կարգում: Այս փաստաթուղթը, ի թիվս այլնի, վերաբերում է Եվրասիական տնտեսական միության շրջանակներում մրցակցության և հակամենաշնորհային կարգավորման հարցերին: Այսուհետ գաղտնի տեղեկատվությունը, որը կարող է պարունակվել մրցակցության ընդհանուր կանոնների խախտման մասին դիմումի մեջ կամ այս կապակցությամբ իրականացվող հետաքննության նյութերում, կփոխանցվի անդամ պետությունների հակամենաշնորհային մարմիններին Հանձնաժողովի պրոֆիլային նախարարի որոշմամբ: Նախկինում ԵՏՀ Կոլեգիան ընդունել էր նման որոշում, որը ոչ միշտ էր թույլ տալիս բավականաչափ օպերատիվորեն փոխանցել նյութերը ԵԱՏՄ երկրների հակամենաշնորհային մարմիններին՝ ըստ ենթակայության: Դա դանդաղեցնում էր Միության մրցակցային իրավունքի խախտման նշաններին արձագանքելու գործընթացը: Գաղտնի տեղեկատվության պաշտպանության կարգն ապահովվում է Գաղտնի տեղեկատվության պաշտպանության և Հանձնաժողովի կողմից մրցակցության ընդհանուր կանոնների պահպանման նկատմամբ վերահսկողության լիազորություններն իրականացնելիս դրա հրապարակման համար պատասխանատվության կարգի մասին 2014 թվականի համաձայնագրով: Նյութերի փոխանցումն ըստ ենթակայության նախատեսված է Մրցակցության ընդհանուր սկզբունքների և կանոնների մասին արձանագրությամբ (ԵԱՏՄ մասին պայմանագրի N 19 հավելված):
03 հուլիսի 2025 ԵՏՀ-ն և ԱՍԵԱՆ-ը փորձ են փոխանակել մրցակցության ոլորտում Եվրասիական տնտեսական հանձնաժողովի մրցակցության բլոկի և ԱՍԵԱՆ-ի ներկայացուցիչները հունիսի 3-ին առցանց ձևաչափով կայացած «Մրցակցային քաղաքականությունը և իրավակիրառությունը ԵԱՏՄ-ում և ԱՍԵԱՆ-ում» թեմայով սեմինարի ընթացքում փոխանակել են մրցակցության ոլորտի իրենց փորձը: Միջոցառմանը մասնակցել է ԵՏՀ մրցակցության և հակամենաշնորհային կարգավորման նախարար Մաքսիմ Երմոլովիչը։ Նա նշել է, որ Հանձնաժողովի և ԱՍԵԱՆ-ի քարտուղարության և մրցակցության հարցերով փորձագիտական խմբի համագործակցությունը հետևողական բնույթ է կրում և օգտակար է երկու կողմերի համար էլ: «Մեզ հետաքրքրում է ԱՍԵԱՆ-ի փորձը: Հարկ է ուշադրություն դարձնել ԱՍԵԱՆ-ի մասնակից երկրների մրցակցային քաղաքականության գնահատման համակարգին, որն արտահայտվում են բիզնեսի և կազմակերպությունների կողմից մրցակցության ընկալման երկրային ցուցիչների հաշվարկով: Հետաքրքրություն է ներկայացնում նա Միաձուլումների ու կլանումների հետևանքների գնահատման միասնական պորտալը», — ընդգծել է Մաքսիմ Երմոլովիչը: Սեմինարի մոդերատոր, ԵՏՀ մրցակցային քաղաքականության և պետական գնումների ոլորտի քաղաքականության փոխտնօրեն Արմինե Հակոբյանը մասնակիցներին տեղեկացրել է մրցակցային քաղաքականության ոլորտում տարվող աշխատանքի, մրցակցության քարոզչության և միջազգային համագործակցության մասին: Մրցակցության ընդհանուր կանոնների պահպանման նկատմամբ վերահսկողության ոլորտում Եվրասիական տնտեսական հանձնաժողովի փորձի մասին խոսել է ԵՏՀ հակամենաշնորհային կարգավորման վարչության տնօրեն Սերգեյ Մաքսիմովը: Սեմինարի մասնակիցներին իր հերթին ողջունել է ԱՍԵԱՆ-ի մրցակցության հարցերով փորձագիտական խմբի նախագահ, Կամբոջայի մրցակցության հանձնաժողովի անկախ կոմիսար Լի Սոպորովիչնին: Միջոցառմանը մասնակցել են ԱՍԵԱՆ ազգային մրցակցային մարմինների և ԵՏՀ մրցակցության և հակամենաշնորհային կարգավորման բլոկի ներկայացուցիչներ:  
27 հունիսի 2025 Մաքսիմ Երմոլովիչ. «Հանրային ընդունարանի ընթացքում կայացել է շուկայի կարգավորիչների ու մասնակիցների ուղիղ, օգտակար երկխոսություն» Հունիսի 26-ին Մինսկում՝ Եվրասիական տնտեսական համաժողովի շրջանակներում Եվրասիական տնտեսական հանձնաժողովի մրցակցության և հակամենաշնորհային կարգավորման բլոկն անցկացրել է Հանրային ընդունարան բիզնեսի համար: «Սա Հանձնաժողովի եզակի գործիք է, որն ուղղված է Եվրասիական տնտեսական միության անդրսահմանային շուկաներում մրցակցության կանոնների, պետական գնումներին մասնակցության հնարավորությունների մասին բիզնեսի իրազեկվածության բարձրացմանը», — ընդգծել է ԵՏՀ մրցակցության և հակամենաշնորհային կարգավորման նախարար Մաքսիմ Երմոլովիչը: ԵԱՏՄ երկրների բիզնես համայնքի, պետական մարմինների ներկայացուցիչները, փորձագետները քննարկել են պետական գնումների և անդրսահմանային շուկաներում առկա մրցակցության արդիական թեմաներ, ստացել Հանձնաժողովի աշխատակիցների անհատական խորհրդատվություն: Ըստ էության, տեղի է ունեցել շուկայի կարգավորիչների ու մասնակիցների ուղիղ երկխոսություն, որը ձեռնարկատերերին օգնել է ավելի լավ հասկանալ Միության շրջանակներում աշխատանքի իրավական առանձնահատկությունները:   Ընդ որում, Հանրային ընդունարանին ավանդաբար մասնակցել են ոչ միայն մրցակցության և հակամենաշնորհային կարգավորման բլոկի, այլև Հանձնաժողովի այլ վարչությունների ներկայացուցիչներ: «Մենք ուրախ ենք, որ Հանրային ընդունարանը կրկին անգամ հետաքրքրել է մեր երկրների գործարար շրջանակների ներկայացուցիչներին, և որ դրա մասնակիցները կարողացան խորհրդատվություն ստանալ ԵՏՀ գործունեության հարցերի ամենալայն շրջանակի վերաբերյալ», — նշել է Մաքսիմ Երմոլովիչը:  
27 հունիսի 2025 ԵՏՀ-2025-ում քննարկվել են ժամանակակից մրցակցային քաղաքականության հարցեր Այն հիմնական մարտահրավերների մասին, որոնց գլոբալ փոփոխությունների պայմաններում բախվում են Եվրասիական տնտեսական միության երկրների մրցակցային մարմինները, խոսվել է հունիսի 26-ին Մինսկում՝ ԵՏՀ-2025-ի «Ժամանակակից մրցակցային քաղաքականություն. մարտահրավերներ և հեռանկարներ» պանելային նստաշրջանում, որին մասնակցել է Եվրասիական տնտեսական հանձնաժողովի մրցակցության և հակամենաշնորհային կարգավորման նախարար Մաքսիմ Երմոլովիչը: Միջոցառմանը քննարկվել են մրցակցության ապահովման համար անհրաժեշտ միջոցներն ու մեխանիզմները, պետության ու բիզնեսի դերը արդար մրցակցային միջավայրի ձևավորման գործում: Առանձին անդրադարձել են միջազգային փորձին: Իրանի, Չինաստանի, Ուզբեկստանի մրցակցային մարմինների ներկայացուցիչները ներկայացրել են իրենց աշխատանքի փորձը, այդ թվում՝ տեխնոլոգիական և շուկայական փոփոխություններին օպերատիվ արձագանքման փորձը: Ներկայացվել է թեմայի շուրջ ՅՈՒՆԿՏԱԴ-ի մրցակցության և սպառողների իրավունքների ոլորտի քաղաքականության ստորաբաժանման ղեկավարի և ԲՐԻԿՍ մրցակցային իրավունքի և քաղաքականության միջազգային կենտրոնի տնօրենի տեսլականը: Նստաշրջանի բանախոսներն էին ԵԱՏՄ երկրների ազգային մարմինների ներկայացուցիչներ: «Կարծում եմ, նստաշրջանում առաջադրված բոլոր նպատակներն իրագործված են: Այս միջոցառումը Հանձնաժողովին և ԵԱՏՄ երկրներին կօգնի կառուցել միութենական շուկաներում մրցակցության ոլորտում համատեղ աշխատանքի հետագա ուղղությունները», — ամփոփել է Մաքսիմ Երմոլովիչը:  
27 հունիսի 2025 ԵՏՀ-2025-ում քննարկվել են ԵԱՏՄ շրջանակներում պետգնումներին մասնակցության հարցեր Մինսկում՝ Եվրասիական տնտեսական համաժողովում անցկացվել է «Պետական գնումները ԵԱՏՄ-ում. իրականություն, հնարավորություններ և հեռանկարներ» թեմայով կլոր սեղան Եվրասիական տնտեսական հանձնաժողովի մրցակցության և հակամենաշնորհային կարգավորման նախարար Մաքսին Երմոլովիչի մասնակցությամբ: Միջոցառման ընթացքում նախանշվել են գնման ազգային քաղաքականությունների ռազմավարություններն ու գերակայությունները և Եվրասիական տնտեսական միության շրջանակներում պետգնումների ինտեգրացիոն ներուժի հետ դրանց հավասարակշռվածության հարցեր: Քննարկվել են պետգնումներում ազգային ռեժիմի ապահովման մեխանիզմներ՝ հաշվի առնելով ապրանքի ծագման երկրի ոլորման և պետգնումների համար էլեկտրոնային թվային ստորագրության փոխադարձ ճանաչման հարցերը: Կլոր սեղանի մասնակիցները խոսել են եվրասիական ինտեգրմամբ բիզնեսի համար ստեղծվող հնարավորությունների և ԵԱՏՄ երկրներում մատակարարների համար պետգնումների հասանելիության ընդլայնման հետագա աշխատանքի խնդիրների մասին՞ Առանձին ուշադրություն են դարձրել թվայնացման հարցերին, այդ թվում՝ որոնք կապված են Միությունում «թվային անհավասարության» վերացման և փոխադարձ գնումների բաժնի ավելացման ճանապարհին առկա խոչընդոտների վերացման հեռանկարների հետ: Քննարկմանը մասնակցել են ԵԱՏՄ երկրների լիազոր պետական մարմինների, էլեկտրոնային առևտրի հարթակների և բիզնեսի ներկայացուցիչներ:  
26 հունիսի 2025 Մաքսիմ Երմոլովիչ. «ԵԱՏՄ-ում դեղերի ընդհանուր շուկայի ստեղծումը պահանջում է գնային կարգավորման ներդաշնակեցման միջոցով մրցակցության մակարդակի համահարթեցում» Եվրասիական տնտեսական հանձնաժողովն առաջին անգամ անցկացրել է մրցակցության տեսանկյունից Եվրասիական տնտեսական միության դեղագործական հատվածի զարգացման համալիր հետազոտություն: Արդյունքների մասին հունիսի 26-ին՝ ԵՏՀ-2025-ի «Դեղագործական շուկայի զարգացում. մուտք և հասանելիություն» նստաշրջանում պատմել է ԵՏՀ մրցակցության և հակամենաշնորհային կարգավորման նախարար Մաքսիմ Երմոլովիչը: «Դեղագործական հատվածը ԵԱՏՄ վերազգային և ազգային մակարդակում տնտեսության առավել «գերկարգավորված» հատվածներից է, ինչը ստեղծում է անդրսահմանային և ազգային շուկաներում նուրբ հակամենաշնորհային վերահսկողության անհրաժեշտություն», - նշել է ԵՏՀ նախարարը:  Հետազոտության ընթացքում բացահայտված կարգավորման հիմնախնդիրների թվում են ազգային մակարդակում ԵԱՏՄ ընդհանուր նորմերի իրավակիրառության տարբերությունները և Միության երկրներում միասնական կանոններով դեղորայքային պատրաստուկների գրանցման անհավասարաչափությունը, շուկայի մուտքի բարձր և անթափանցիկ «շեմը», պետգնումների նպատակների համար դեղերի փոխլրացվելիության որոշման առանձնահատկությունները: Այս ամենը կարող է արգելքներ ստեղծել բիզնեսի ու սպառողների համար: Հատուկ անդրադարձ է կատարվել գնային կարգավորմանը: Ըստ Մաքսիմ Երմոլովիչի՝ «այսօր սա ԵԱՏՄ երկրների ազգային իրավասությունն է: Սակայն Միության դեղամիջոցների ընդհահուր շուկայի ձևավորման պայմաններում հարկ է ուշադրություն դարձնել կարգավորման տարբերություններին և դրանց հետևանքով առաջացող դեղերի գնային դիսպարիտետներին: Սա մարտահրավեր է մրցակցության համար»: Հետազոտությունը ցույց է տվել, որ Միության երկրներում առավել տարբերվում են սիրտ-անոթային համակարգի հիվանդությունների բուժման դեղերի (մինչև 508%), «արյուն և արյունագոյացում» խմբի դեղերի (մինչև 497%), հակաբիոտիկների գները (մինչև 275%): Սա պետական գնային կարգավորման օբյեկտների, սահմանային գների հաշվարկման մեթոդիկաների և ռեֆերենտ երկրների ցանկերի տարբերությունների հետևանք է: Երբեմն կարող են տեղի ունենալ նաև տնտեսավարող սուբյեկտների անբարեխիղճ շուկայական ռազմավարություններ: Այս առնչությամբ առաջարկվել է գնային կարգավորման նպատակների համար ուսումնասիրել ԵԱՏՄ շրջանակներում դեղերի մոդելային ցանկի ձևավորման և Միության երկրների բնակչության համար դեղերի հասանելիության հավասար երաշխավորված մակարդակն ապահովելու համար արտադրողի սահմանային գների հաշվարկման մոդելային մեթոդիկայի ձևավորման հնարավորությունը: Նախատեսվում է նաև սկսել «ԵԱՏՄ դեղագործական հատվածի բարեխիղճ պրակտիկաների օրենսգրքի»՝ որպես մեղմ կարգավորման մեխանիզմի մշակումը շուկայի սուբյեկտների հակամրցակցային վարքագիծը կանխելու նպատակով: Նստաշրջանի մասնակիցները քննարկել են ԵԱՏՄ դեղամիջոցների ընդհանուր շուկայի զարգացման հեռանկարները, այս առնչությամբ հակամենաշնորհային մարմինների դերը, դեղագործական արտադրանքի արտադրության խթանման միջոցները: Քննարկմանը մասնակցել են Ռուսաստանի ԴՀԾ ղեկավարի տեղակալ Տիմոֆեյ Նիժեգորոդցևը, Բելառուսի առողջապահության փոխնախարար Ալեքսանդր Ստարովոյտովը, ԱՀԿ Եվրոպայի գրասենյակի տնօրեն Հանս Քլյուգեն, Ղրղզստանի առողջապահության փոխնախարար Կաարմանբեկ Բայդավլետովը, Ղազախստանի առողջապահության նախարարության Սալիդատ Կաիրբեկովայի անվ. առողջապահության զարգացման ազգային գիտական կենտրոնի վարչության փոխնախագահ Ադլեթ Թաբարովը, պրոֆիլային ընկերակցությունների ու դեղագործական ընկերությունների ղեկավարներ, փորձագիտական և գիտական համայնքների ներկայացուցիչներ: Նստաշրջանի հյուրերն էին Չինաստանի, Կուբայի, Մյանմարի բիզնեսի և պետական կառավարման մարմինների ներկայացուցիչներ: 2024 թվականին ԵԱՏՄ շրջանակներում դեղագործական հատվածի ծավալը կազմել է 30.9 մլրդ դոլար, որոնցից 66%-ը բաժին է հասնում դեղատնային (մանրածախ) հատվածին, 34%-ը՝ պետական գնումներին: Ընդ որում, դեղատնային հատվածը զբաղեցնում է Միությունում բոլոր ապրանքների մանրածախ վաճառքների ընդհանուր ծավալի 3%-ը: Դեղերի պետական գնումները կազմում են ԵԱՏՄ-ում պետգնումների ընդհանուր ծավալի 7%-ը: ԵԱՏՄ երկրներում արտադրողի գներով դեղագործական արտադրանքի արտադրության ծավալը 2024 թվականին կազմել է 948 մլրդ ռուսական ռուբ., կամ 10.2 մլրդ ԱՄՆ դոլար: Արտադրության ծավալի աճի տեմպը ռուսական ռուբլիով կազմում է +18%:
Ցուցադրել ավելին

Պաշարներ ԵՏՄ