кыр

Жаңылыктар

ЕЭК СМИде Фото Видео
14 мартындагы 2025 Фармацевтикалык рыноктордо атаандаштыкты камсыз кылуу маселелери Казань шаарында талкууланды Евразия экономикалык комиссиясынын атаандаштык жана монополияга каршы жөнгө салуу боюнча блогунун өкүлдөрү Казань шаарында "Фармацевтикалык рыноктордо атаандаштыкты өнүктүрүү" эл аралык тегерек столуна катышышты. Иш-чаранын катышуучулары дары-дармек препараттары рыногунда атаандаштык жана патенттик мыйзамдар жаатындагы укуктук ченемдерди, мажбурлап лицензиялоо маселелерин, дары-дармектер жана медициналык буюмдар рыногундагы монополияга каршы мыйзамдарды бузууларды, саламаттык сактоо секторундагы реакция чараларын, мыкты тажрыйбаларды, мамлекеттик сатып алууларды, тооруктардагы талаш-тартыштарга каршы күрөшүү темасын талкуулашты. Евразия экономикалык бирлигинин өлкөлөрүнүн, Көз карандысыз Мамлекеттер Шериктештигинин, ошондой эле КЭРдин, Индонезиянын, Түркиянын, Египеттин, Түштүк Африканын жана Мьянманын атаандаштык органдарынын кызматкерлери улуттук мыйзамдарды өркүндөтүү, фармацевтикалык сектордо атаандаштык эрежелерин бузуу боюнча иштерди кароо тажрыйбасы менен бөлүшүштү. Талкууга илимий чөйрөлөрдүн жана фармкомпаниялардын өкүлдөрү катышты. Комиссиянын делегациясы КМШ мамлекеттеринин монополияга каршы мыйзамдарын бузууларды биргелешкен иликтөө боюнча штабынын "Дары-дармек каражаттарынын жана медициналык буюмдардын товардык рынокторундагы атаандаштыктын абалы жөнүндө баяндамаларда камтылган сунуштамаларды практикалык колдонуу" отурумуна катышышты. ЕЭКтин Атаандаштык саясаты жана мамлекеттик сатып алуулар жаатындагы саясат департаментинин директору Жанар Адикова мындай деп белгиледи: "Комиссия ЕАЭБдин чек ара аралык рынокторунда, анын ичинде фармацевтикалык рыноктордо атаандаштыктын жалпы эрежелерин бузуу белгилерин кароодо бул чөйрөнүн улуттук жана улуттуктан жогорку жөнгө салуу өзгөчөлүктөрүн эске алат". Ошондой эле фармацевтикалык рыноктордогу атаандаштык проблемаларын изилдөө боюнча БРИКС жумушчу тобунун отуруму болуп өттү.
06 мартындагы 2025 Программалык комитет Евразия экономикалык форумунун архитектурасын талкуулады Евразия экономикалык форумунун (ЕЭФ) Программалык комитетинин биринчи отурумун 5-мартта Москвада Комитеттин төрагасы, Евразия экономикалык комиссиясынын атаандаштык жана монополияга каршы жөнгө салуу боюнча министри Максим Ермолович өткөрдү. Ал форумду өткөрүүнүн негизги уюштуруу учурлары, кабыл алуучу тараптын инфраструктуралык мүмкүнчүлүктөрү тууралуу айтып берди. Эске салсак, ЕЭФ ушул жылдын май айында Минск шаарында өтөт. Программалык комитеттин отурумунда Евразия экономикалык бирлигинин өлкөлөрүнүн ыйгарым укуктуу органдарынын өкүлдөрүнүн форумдун архитектурасынын концепциясы жана түзүмү, ЕЭФ архитектурасынын негизги жети блогунун панелдик сессиялары жана тегерек столдору менен толтуруу боюнча сунуштары талкууланды. Бул аны даярдоо баскычындагы негизги суроолордун бири. Кийинчерээк архитектуранын негизинде иштиктүү программа түзүлөт. Бирлик өлкөлөрүнүн өкүлдөрү жана Комиссия — Комитеттин мүчөлөрү — форумдун архитектурасын кезектеги отурумда келип түшкөн сын-пикирлерди жана сунуштарды эске алуу менен бекитүүнү макулдашышты. Евразия экономикалык форумунун Уюштуруучулук жана Программалык комитеттери ЕЭФ өткөрүүнү даярдоо жана уюштуруу үчүн мурда түзүлгөн.
27 февралындагы 2025 Максим Ермолович: "Бизнес менен өз ара иштешүү – ЕЭКтин ишинин стратегиялык багыттарынын бири" Евразия экономикалык комиссиясынын атаандаштык жана монополияга каршы жөнгө салуу боюнча министри Максим Ермолович Москвада европалык бизнес ассоциациясынын мүчөлөрү менен жумушчу жолугушуу өткөрдү. "Комиссия үчүн бизнес менен, анын ичинде европалык өлкөлөрдүн бизнеси менен өз ара аракеттешүү, анын ишинин стратегиялык багыттарынын бири болуп саналат. Максат – Евразия экономикалык бирлигинин чек ара аралык рынокторунда ак ниет атаандаштыкты өнүктүрүү үчүн максималдуу жагымдуу шарттарды түзүү", – деп белгиледи Максим Ермолович. Жолугушуунун катышуучулары үстөмдүк абалды кыянаттык менен пайдалануу, атаандаштыкка каршы келишимдер, нысапсыз атаандаштык сыяктуу маселелердин кеңири спектрин козгошту. Бирликте атаандаштыктын эрежелерин жана ЕЭКтин бул жааттагы компетенциясын бузуулар жөнүндө арыздарды берүү тартиби талкууланды. ЕАЭБде мамлекеттик сатып алуулардын актуалдуу темалары жана евразиялык интеграция шарттарында аларды жөнгө салуунун өзгөчөлүктөрү каралды. Жолугушуунун жүрүшүндө Европалык бизнес ассоциациясынын өкүлдөрү ЕЭКтин атаандаштык жана монополияга каршы жөнгө салуу боюнча блогунун сектордук талдоолорду, атап айтканда фармацевтикалык өнөр жай рыногун жана электрондук соода аянтчаларын (маркетплейстерди) талдоолорду өткөрүү боюнча ишине көмөктөшүүсү жөнүндө макулдашылды. Иш-чарага Европалык бизнес ассоциациясынын 50дөн ашык компанияларынын өкүлдөрү катышышты.
ЕАЭБ өлкөлөрүнүн мамлекеттик сатып алууларына катышуу мүмкүнчүлүгү жети миң өнөр жай товарлары үчүн узартылды 06 февралындагы 2025 ЕАЭБ өлкөлөрүнүн мамлекеттик сатып алууларына катышуу мүмкүнчүлүгү жети миң өнөр жай товарлары үчүн узартылды Евразия экономикалык комиссиясынын Кеңеши Мамлекеттик (муниципалдык) сатып алуулар максаттары үчүн товарлардын айрым түрлөрү чыгарылган өлкөнү аныктоо эрежелерине (ТЧӨ эрежелери) № 1-1 тиркеменин аракетин 2025-жылдын 31-декабрына чейин узартты. Аталган Эреже ЕЭК Кеңешинин 2020-жылдын 23-ноябрындагы № 105 Чечими менен бекитилген. Документ СТ-1 сертификатын берүүнүн негизинде Евразия экономикалык бирлигинин мамлекеттеринин Өнөр жай товарларынын евразиялык реестрине жети миңден ашык өнөр жай товарларын камтыган 258 товардык аталышты киргизүүгө мүмкүндүк берет. ТЧӨ эрежелери ата мекендик жеткирүүчүлөр үчүн преференциялар белгиленген же чет өлкөлүк товарлар боюнча чектөөлөр киргизилген ЕАЭБ мамлекеттеринде мамлекеттик сатып алуулар үчүн товарлардын чыгарылган өлкөсүн аныктоо жана тастыктоо маселесин жөнгө салууга карата бирдиктүү мамилени аныктайт. ТЧӨ эрежелери инвестициялык жагымдуулукту жана локалдаштыруу деңгээлин жогорулатууга, евразиялык өндүрүүчүлөрдүн ортосунда кооперациялык байланыштарды кеңейтүүгө багытталган. ЕЭКтин расмий сайтынын "Атаандаштык саясаты жана мамлекеттик сатып алуулар жаатындагы саясат департаменти" бөлүмүнүн"Көп берилүүчү суроолорго суроо-жооп" кошумча барагында товар жана аны өндүрүүчү жөнүндө маалыматтарды ӨТЕРге киргизүүнүн тартиби, Комиссиянын мындай маалыматтарды киргизүүгө өтүнмөнү карап чыгуусунун алгоритми жөнүндө маалымдама маалымат жарыяланган.
03 февралындагы 2025 Санкт-Петербургда ЕАЭБдеги атаандаштыктын жалпы принциптерин жана эрежелерин ишке ашырууга карата мамилелер көрсөтүлдү 31-январда Санкт-Петербургда "Экономиканын заманбап монополияга каршы жөнгө салынышы: мыйзамдарды өркүндөтүүнүн инструменттери" VIII Эл аралык илимий-практикалык конференция болуп өттү. Конференцияга Евразия экономикалык комиссиясынын Монополияга каршы жөнгө салуу департаментинин өкүлү Владимир Ковалёв катышты. Ал өз сөзүндө ЕЭКтин атаандаштык чөйрөсүндөгү укук колдонуу тажрыйбасына, анын натыйжалуулугун жогорулатуу механизмдерине токтолду. Заманбап санариптик экономика шарттарында товардык рынокторду изилдөөгө жана жөнгө салууга карата ык-амалдарды иштеп чыгууга жана ЕАЭБ өлкөлөрүнүн бизнеси жана кеңири коомчулугу үчүн Евразия экономикалык бирлигинин укуктарын түшүндүрүү боюнча ишке өзгөчө көңүл бурулду. Иш-чарага Россиянын Федералдык монополияга каршы кызматынын (ФМК) жетекчиси Максим Шаскольский, ЕАЭБ Сотунун Төрагасы Алексей Дронов, ФМК түзүмдүк бөлүмдөрүнүн жетекчилери, россиялык судьялар корпусунун, ЕАЭБ өлкөлөрүнүн эксперттик коомчулугунун өкүлдөрү катышышты.
29 январындагы 2025 ЕЭКтин Атаандаштык саясаты жана мамлекеттик сатып алуулар жаатындагы саясат департаментинин директорунун орун басары болуп Алина Казачёнок дайындалды Алина Анатольевна Казачёнок 1990-жылы туулган. 2012-жылы Беларус мамлекеттик экономикалык университетин "маркетинг" ("баа түзүү" адистиги) адистиги боюнча аяктаган, ал эми 2016-жылы бул университеттин магистратурасын "дүйнөлүк экономика" адистиги боюнча аяктаган. 2022-жылы Беларусь Республикасынын Президентине караштуу Башкаруу академиясында "мамлекеттик жана жергиликтүү башкаруу" адистиги боюнча кайра даярдоодон өткөн, ал эми 2024-жылы Россия Федерациясынын Президентине караштуу Россиялык эл чарба жана мамлекеттик кызмат академиясынын МБЖМ Институтунун жогорку звенодогу жетекчилерин даярдоо программаларынын борборунда "Мамлекеттик башкаруунун чебери — жетекчилер үчүн" кесиптик кайра даярдоо программасын аяктаган. 2012-2016-жылдары Беларусь Республикасынын Экономика министрлигинин Баа саясаты департаментинде иштеген. 2016-2025-жылдары — Беларусь Республикасынын Монополияга каршы жөнгө салуу жана соода министрлигинде. Табигый монополиялар, транспорт, байланыш жана маалыматтык технологиялар чөйрөсүндө монополияга каршы жөнгө салуу, баа түзүү жана сатып алуу маселелерин тескеген. 2025-жылдын 22-январынан тарта Евразия экономикалык комиссиясынын Атаандаштык саясаты жана мамлекеттик сатып алуулар чөйрөсүндөгү саясат департаментинин директорунун орун басары болуп дайындалды.
23 январындагы 2025 Комиссиянын монополияга каршы иштер боюнча чечимдерин аткарбагандыгы үчүн айып пул салынат Евразия экономикалык комиссиясынын Кеңеши Чек ара аралык рыноктордо атаандаштыктын жалпы эрежелерин бузгандыгы үчүн айыптарды эсептөө методикасына жана салуу тартибине жана Чек ара аралык рыноктордо атаандаштыктын жалпы эрежелерин бузуу жөнүндө иштерди кароо тартибине өзгөртүүлөрдү киргизди. Эске салсак, Комиссия чек ара аралык рыноктордогу жалпы атаандаштык эрежелерин бузуу жөнүндө ишти кароонун жыйынтыгы боюнча, бузууларды четтетүү жана атаандаштык шарттарын калыбына келтирүү үчүн укук бузуучуларга карата "жүрүм-турум шарттарын" бере алат. Евразия экономикалык бирлиги жөнүндө келишимге мындай "жүрүм-турум шарттарын" аткарбагандыгы үчүн айып санкциялары киргизилген. ЕАЭБдин актыларына киргизилген түзөтүүлөр Комиссия тарабынан укук бузуучунун "жүрүм-турум шарттарын" аткарышына көзөмөл жүргүзүүнү караштырат. Алар белгиленген мөөнөттө аткарылбаса, Комиссияга маалымат бербегендиги үчүн (териштирүү жүргүзбөстөн) жол-жобого окшош тартипте иш козголот. Укук бузуучуга айып санкциялары колдонулат, алардын өлчөмү укук бузуунун курамына жараша болот. Айрым курамдар боюнча айып пулдун максималдуу өлчөмү 700 миң орус рублине жетет.
ЕЭК делегациясы Кытайда атаандаштык жана мамлекеттик сатып алуулар маселелери боюнча жогорку деңгээлдеги жолугушууларды өткөрдү 11 декабрындагы 2024 ЕЭК делегациясы Кытайда атаандаштык жана мамлекеттик сатып алуулар маселелери боюнча жогорку деңгээлдеги жолугушууларды өткөрдү ЕЭКтин атаандаштык жана монополияга каршы жөнгө салуу боюнча министри Максим Ермолович башында турган Евразия экономикалык комиссиясынын делегациясы 11-декабрда Пекинге болгон жумушчу сапарынын алкагында Кытай Эл Республикасынын Рынокту жөнгө салуу мамлекеттик башкармалыгынын жана Каржы министрлигинин жетекчилиги менен расмий жолугушууларды өткөрдү. КЭРдин каржы вице-министри Ванг Донгвей жана КЭРдин Каржы министрлигинин Казына департаментинин башкы директору Ли Ксианжон менен жолугушууда КЭРдин мамлекеттик сатып алууларында чакан жана орто бизнести колдоо, электрондук сатып алуулар, Евразия экономикалык бирлигинде товарлардын чыккан өлкөсүн аныктоо, ЕАЭБ өлкөлөрү үчүн кытайлык сатып алуулардын жеткиликтүүлүгү сыяктуу темалардын кеңири спектри каралды. Евразия экономикалык бирлигинин жана анын мүчө мамлекеттеринин, бир тараптан, жана, экинчи тараптан, Кытай Эл Республикасынын ортосундагы Соода-экономикалык кызматташтык жөнүндө макулдашуунун алкагында иштердин багыттары талкууланды. Комиссия менен КЭР Рынокту жөнгө салуу мамлекеттик башкармалыгынын министринин орун басары Мэн Ян менен жолугушуунун жүрүшүндө Комиссия менен КЭРдин Рынокту жөнгө салуу мамлекеттик башкармалыгынын ортосунда атаандаштык саясаты жана монополияга каршы жөнгө салуу жаатында кызматташуу жаатында Өз ара түшүнүшүү жөнүндө меморандумдун алкагындагы өз ара аракеттешүүсү каралды. Ошондой эле санариптик рынокторду жөнгө салуунун негизги маселелери, атаандаштыкты адвокаттоонун натыйжалуу куралдары, академиялык иш-чаралар жана башкалар талкууланды. "Бүгүн биз ачык диалогго карай маанилүү кадам жасадык. Атаандаштык жана мамлекеттик сатып алуулар жаатындагы кызматташтык биздин өлкөлөргө мыкты тажрыйбаларды иштеп чыгууга мүмкүндүк берет, бул өз кезегинде биздин экономикалардын өсүшүнө өбөлгө түзөт", – деп белгиледи Максим Ермолович. Жолугушуулардын жыйынтыгы боюнча кызматташууну улантуу жөнүндө макулдашууларга жетишилди, алар Евразия экономикалык комиссиясы менен КЭРдин мамлекеттик органдарынын ортосунда мындан аркы биргелешкен иш жана тажрыйба алмашуу үчүн негиз түзөт.
Дагы көрсөтүү

Ресурсы ЕАЭС