Жаңалықтар
ЕЭК кейбір тауарлар санаттарын уақытша әкелу мерзімін ұзартады
Уақытша әкелудің шекті мерзімі уақытша кедендік әкелу рәсіміне орналастырылған тауарлар үшін 2021 жылғы 1 наурыздан бастап 2022 жылғы 28 ақпанды қоса алғанда ұзартылады.
Комиссия Кеңесінің 2019 жылғы 20 қыркүйектегі № 109 шешіміне тиісті түзетулерге Беларусь Республикасы бастамашылық етті және Комиссия Кеңесінің 2022 жылғы 17 наурыздағы № 12 өкімімен бекітілген макроэкономикалық тұрақтылықты қамтамасыз етуді қоса алғанда, мүше мемлекеттер экономикаларының орнықтылығын арттыру жөніндегі шаралар тізбесін іске асыру мақсатында Еуразиялық экономикалық одақ мемлекеттері қолдады.
Шешім 2022 жылғы 1 наурыздан бастап туындаған құқықтық қатынастарда қолданылады.
Анықтама
Уақытша әкелудің екі жылдық мерзімін белгілеу кедендік баждарды, салықтарды төлеуден толық шартты түрде босата отырып уақытша әкелінетін тауарлар тізбесінің 1 – 17, 19 – 22, 24, 28, 29 және 37-тармақтарында көрсетілген тауарлар үшін көзделеді (тауарлар тізбесі Кеден одағы Комиссиясының 2010 жылғы 18 маусымдағы № 331 шешімімен бекітілген).
Мерзімдерді осындай ұзарту 2020 жылы сыртқы экономикалық қызметті жүргізу кезінде COVID-19 коронавирустық инфекциясы пандемиясының салдарын барынша азайту мақсатында белгіленді.
