Жаңалықтар

Еуразиялық экономикалық комиссияның Кедендік ынтымақтастық жөніндегі министрі Эльдар Алишеровтың төрағалығымен өткен жоғары деңгейдегі жұмыс тобының отырысына қатысушылар Еуразиялық экономикалық одақ мемлекеттеріндегі кеден ережелерін бұзғаны үшін жауапкершілікті белгілеудің жалпы қағидаттары мен тәсілдерін талқылады.

«Мүше мемлекеттердің өзара қолайлы ұстанымдарын әзірлеу және оларды кедендік реттеу саласындағы Одақ құқығының талаптарын сақтамағаны үшін жауапкершілікті белгілеудің ұсынылған қағидаттары мен тәсілдері бөлігінде жақындастыру, бұл біздің бүгінгі басты міндетіміз», — деп атап өтті Эльдар Алишеров.

Отырысқа қатысушылар тұтастай алғанда, Кеден одағы мен Кеден одағына мүше мемлекеттердің кеден заңнамасын бұзғаны үшін қылмыстық және әкімшілік жауапкершіліктің ерекшеліктері туралы шартта бекітілетін қағидаттарды келісіп, кеден ережелерін бұзғаны үшін ЕАЭО-ға мүше мемлекеттердің заңнамасында әкімшілік және қылмыстық жауапкершілікті белгілеу кезінде ұстануға ұсынылатын тәсілдерді егжей-тегжейлі талқылады. Мұндай принциптер, атап айтқанда, заңдылық, әділеттілік, гуманизм, заң мен сот алдындағы теңдік, кінәсіздік презумпциясы, жазаның бұлтартпастығы және жасалған құқық бұзушылықтың қоғамдық қауіпке сәйкестігі болып табылады.

Келесі кезеңде аталған Шартқа өзгертулер енгізу туралы Хаттаманың жобасын дайындау және оны мемлекетішілік келісуге жіберуге дайындау бойынша сараптамалық жұмыс күтіп тұр.

Анықтама