Жаңалықтар
ЕЭК бизнес қызметінің жағдайын жақсартудың ең таңдаулы практикаларын ұсынды
Еуразиялық экономикалық комиссия Алқасы "Бизнесті құру және жүргізу үшін неғұрлым қолайлы жағдайлар жасау туралы" ұсынымды мақұлдады.
Ұсынымда "бірыңғай терезе" қағидатын қолдану, мемлекет пен бизнестің өзара іс-қимылы кезінде цифрландыруды жүзеге асыру, заңды тұлғаларды тіркеу және тарату мерзімдерін қысқарту, бақылау-қадағалау рәсімдерін жетілдіру және басқа да шаралар көзделген.
Ұсынымды іске асыру Одақ елдеріндегі кәсіпкерлік қызмет жағдайларын және ЕАЭО-дағы іскерлік ахуалды жақсартуға мүмкіндік береді.
"Ұсынымды Одақ елдерінің бизнес-қоғамдастығы оң бағалады", – деп атап өтті ЕЭК Экономика және қаржы саясаты жөніндегі министрі Бақытжан Сағынтаев.
Ұсыным Еуразиялық экономикалық комиссия Кеңесінің 2021 жылғы 5 сәуірдегі № 4 өкімімен бекітілген Еуразиялық экономикалық интеграцияны дамытудың 2025 жылға дейінгі стратегиялық бағыттарын іске асыру жөніндегі іс-шаралар жоспарының 1.7.1-тармағына сәйкес әзірленген. Жоспардың көрсетілген тармағында Одақ елдерінде ең таңдаулы халықаралық және ұлттық практикаларды ескере отырып, іскерлік және инвестициялық ахуалды жақсарту көзделген.
