Жаңалықтар
Максим Ермолович: «Қоғамдық қабылдау барысында реттеушілер мен нарық қатысушыларының тікелей, пайдалы диалогы өтті»
Бизнеске арналған қоғамдық қабылдауды 26 маусымда Минскіде Еуразиялық экономикалық форум аясында Еуразиялық экономикалық комиссияның бәсекелестік және монополияға қарсы реттеу блогы өткізді.
«Бұл Еуразиялық экономикалық одақтың трансшекаралық нарықтарындағы бәсекелестік ережелері, мемлекеттік сатып алуға қатысу мүмкіндіктері туралы бизнестің хабардарлығын арттыруға бағытталған Комиссияның бірегей құралы», — деп атап өтті ЕЭК бәсекелестік және монополияға қарсы реттеу министрі Максим Ермолович.
Бизнес-қоғамдастықтың, мемлекеттік органдардың өкілдері, ЕАЭО елдерінің сарапшылары трансшекаралық нарықтардағы мемлекеттік сатып алу мен бәсекелестіктің өзекті тақырыптарын талқылады және Комиссия қызметкерлерінің жеке консультацияларын алды. Шын мәнінде, реттеушілер мен нарық қатысушыларының тікелей диалогы өтті, бұл кәсіпкерлерге Одақ аясындағы жұмыстың құқықтық ерекшеліктерін жақсы түсінуге көмектесті.
Бұл ретте Қоғамдық қабылдауда дәстүрлі түрде бәсекелестік және монополияға қарсы реттеу жөніндегі блоктың ғана емес, Комиссияның басқа да департаменттерінің өкілдері қатысты.
«Бізді Қоғамдық қабылдау тағы да елдеріміздің іскер топтары өкілдерінің қызығушылығын тудырғанына және оның қатысушылары ЕЭК қызметінің кең ауқымды мәселелері бойынша кеңес ала алғаны қуантады», – деп атап өтті Максим Ермолович.
