Жаңалықтар
ЕАЭО елдерінің энергетика саласындағы уәкілетті органдары басшыларының кеңесі өзара сауда қағидаларының жаңа жобасын келісті
18 қыркүйекте Мәскеуде Еуразиялық экономикалық комиссияның Энергетика және инфрақұрылым жөніндегі министрі Арзыбек Кожошев Еуразиялық экономикалық одақ мемлекеттерінің энергетика саласындағы уәкілетті органдары басшылары кеңесінің жетінші отырысын өткізді.
ЕАЭО елдерінің бейінді министрліктерінің басшылары Одақтың жалпы электр энергетикалық нарығындағы электр энергиясының өзара саудасы қағидалары жобасының қағидатты мәселелерін талқылады.
Іс-шараға қатысушылар Басшылар кеңесінің орталықтандырылған сауда операторының тіркеуші функцияларын бір тәулік бұрын орындауын бақылайтынына келісті. Бұл шешім бұрын ЕЭК Кеңесі бұрын осындай оператор ретінде айқындаған ұйымның — Электр энергиясының көтерме сауда нарығының сауда жүйесі әкімшісінің келуін ескере отырып қабылданды.
Тараптар электр энергиясының сальдо ағындарының нақты мәндерінің жоспарлы мәндерінен сағаттық ауытқуларының құнын айқындау қағидатына ерекше назар аударды. Отырыс барысында тараптар қағидалар жобасының тиісті тармағының өзара қолайлы редакциясын тұжырымдап, бір ымыраға келді.
Басшылар кеңесі ЕАЭО-ға мүше мемлекеттердің энергетика саласындағы уәкілетті органдары басшыларының кеңесі туралы ережеге өзгерістерді келісіп, құжатты ЕАЭО органдарының қарауына жіберуді тапсырды. Құжаттың соңғы редакциясын ЕЭК Кеңесі мақұлдауға тиіс деп жоспарлануда.
"Пікірсайыс нәтижесінде өзара сауда қағидаларының жобасы және Басшылар кеңесі туралы ережеге өзгерістер келісілді. Бұл ЕАЭО-ның ортақ электр энергетикалық нарығын қалыптастыру бағытындағы үлкен қадам", — деп тиянақтады ЕЭК Энергетика және инфрақұрылым жөніндегі министрі.
