Նորություններ

ԵՏՀ-ի և Շանհայի համագործակցության կազմակերպության (ՇՀԿ) համագործակցության հեռանկարային ուղղությունները քննարկվել են մայիսի 30-ին Պեկին քաղաքում՝ ՇՀԿ կենտրոնակայանում ինտեգրման և մակրոտնտեսության նախարար Սերգեյ Գլազևի և ՇՀԿ գլխավոր քարտուղարի տեղակալ Շուխրատ Սոբիրզոդայի աշխատանքային հանդիպման ընթացքում:

 Սերգեյ Գլազևը կարևորել է ՇՀԿ-ի՝ որպես Մեծ Եվրասիայի տարածքի առանցքային դերակատարներից մեկի հետ ԵԱՏՄ-ի երկխոսության կայացումը:

«ԵՏՀ-ն զարգացման նոր մակարդակի է հասնում «Եվրասիական տնտեսական ուղի» մինչև 2030 թվականը և մինչև 2045 թվականն ընկար ժամանակահատվածի համար Եվրասիական տնտեսական միության շրջանակներում տնտեսական գործընթացների հետագա զարգացման մասին հռչակագրի ընդունման լույսի ներքո: Ուրախ եմ նշել, որ ՇՀԿ-ն ԵՏՀ-ի բոլոր ռազմավարական փաստաթղթերի մասով առանցքային միջազգային գործընկերներից մեկն է», — ասել է Սերգեյ Գլազևը։

Շուխրատ Սոբիրզոդան իր հերթին խոսել է ՇՀԿ-ի արդիական միջազգային օրակարգի և նրա անդամների թվի ավելացման պլանների մասին, այդ թվում՝ Բելառուսի Հանրապետության անդամակցության համատեքստում։

Կողմերը մտքեր են փոխանակել Եվրասիական տնտեսական հանձնաժողովի և ՇՀԿ քարտուղարության միջև 2021 թվականի սեպտեմբերի 17-ի փոխըմբռնման հուշագրի իրականացման միջոցառումների պլանի ընդունման շուրջ։ Ծրագրի իրականացումը ԵՏՀ-ին թույլ կտա տեղյակ լինել ՇՀԿ-ի տարածաշրջանում տնտեսական փոխգործակցության ոլորտի արդիական միտումների մասին, ինչպես նաև գործընկերներին տեղեկացնել Եվրասիական տնտեսական նախագծի զարգացման վիճակի և հեռանկարների մասին:

«Ինտեգրացիոն և միջպետական միավորումների փոխգործակցության գործոնը գնալով ավելի նշանակալից է դառնում ժամանակակից համաշխարհային ճարտարապետության մեջ: ԵԱՏՄ-ի և ՇՀԿ-ի միջև երկխոսությունը՝ շեշտը դնելով տնտեսական օրակարգի հարցերի շուրջ գործնական փորձի փոխանակման վրա, նպատակ ունի ապահովել ավելի հարմարավետ և կանխատեսելի պայմաններ տարածաշրջանի զարգացման համար», — նշել է ԵՏՀ նախարարը։

Վիճակագրական տվյալների հավաքագրման կազմակերպման ոլորտում փորձի փոխանակման առումով ԵՏՀ նախարարը ՇՀԿ քարտուղարության ներկայացուցիչներին հրավիրել է մասնակցելու հունիսի 19-ին նախատեսված «Վիճակագրական հետազոտությունների մեթոդաբանություն և փորձաքննություն» սեմինարին, որն անցկացվում է Մ.Վ. Լոմոնոսովի անվան ՄՏՀ-ի տնտեսագիտական ֆակուլտետի վիճակագրության ամբիոնի և Ռոսստատի վիճակագրության ԳՀԻ-ի հիման վրա: