Նորություններ

Նորարարությունները Եվրասիական տնտեսական միության տեխնիկական կարգավորման վերաբերյալ իրավունքում, ԵԱՏՄ տեխնիկական կանոնակարգերի, միջպետական ​​ստանդարտների փոփոխման և մշակման հետ կապված խնդիրները, համապատասխանության գնահատման և հավատարմագրման հարցերը քննարկվել են Եվրասիական տնտեսական հանձնաժողովում կլոր սեղանի շուրջ։

Միջոցառումը կազմակերպվել է ԵՏՀ տեխնիկական կարգավորման և հավատարմագրման վարչության կողմից և թույլ է տվել ԵԱՏՄ պետությունների ձեռնարկատերերին լրացուցիչ քննարկել առավել համապատասխան թեմաները Հանձնաժողովի ներկայացուցիչների հետ։

Կլոր սեղանին մասնակցել է ավելի քան 90 հոգի։ Նրանց թվում են ավելի քան 75 գործարարներ, այդ թվում՝ ԵԱՏՄ Գործարար խորհրդի անդամ կազմակերպությունների, ինչպես նաև Միության երկրների տեխնիկական կարգավորման ոլորտում լիազորված մարմինների, ԵՏՀ կառուցվածքային ստորաբաժանումների ներկայացուցիչները, որոնց իրավասությունը ներառում է մրցակցության և հակամենաշնորհային կարգավորման, արդյունաբերական քաղաքականության, մաքսային համագործակցության և այլ հարցեր։

«Մեր Միության երկրների գործարար համայնքի դերը ԵԱՏՄ-ում տեխնիկական կանոնակարգման ձևավորման և զարգացման գործում շատ բարձր է, – ընգծել է ԵՏՀ տեխնիկական կարգավորման և հավատարմագրման վարչության տնօրեն Տիմուր Նուրաշևը: – Որքան ակտիվ լինի բիզնեսը տնտեսության ոլորտների հետ կապված տեխնիկական կարգավորման գործիքների մշակման գործում, այնքան ԵԱՏՄ-ն ավելի մեծ հաջողություն կունենա ընդհանուր նպատակներին հասնելու հարցում. ապրանքների անվտանգության ապահովման, Միությունում արտադրվող արտադրանքի որակի և մրցունակության բարձրացման և, ընդհանրապես, մեր երկրների տնտեսությունների կայուն զարգացման ուղղությամբ»:

Քննարկման զգալի մասը նվիրված էր ստանդարտացման և համապատասխանության գնահատման հարցերին։ Գործարարներին հետաքրքրում էին թեմաները, որոնք կապված էին Միության տեխնիկական կանոնակարգերի մշակման, ընդունման, փոփոխության և չեղարկման կարգի և Միության տեխնիկական կանոնակարգերի ստանդարտների ցանկերի մշակման և ընդունման կարգի փոփոխությունների հետ, որոնք ապահովում են Միության տեխնիկական կանոնակարգերի պահանջներին համապատասխանությունը: Քննարկել են, օրինակ, միջպետական ​​ստանդարտների կիրառման հնարավորության սկզբունքի ներդրումը միայն ԵԱՏՄ բոլոր երկրները դրանց միանալուց հետո։ Այդ հարցերն ընդգրկված են այս տարվա ապրիլի 15-ին կայանալիք ԵՏՀ Խորհրդի նիստի օրակարգում։

Կլոր սեղանի մասնակիցները պարզաբանումներ են ստացել նույն ցուցանիշներով նույն ապրանքատեսակների համար մեթոդաբանություններ ներառելու կարգի վերաբերյալ ստանդարտների ցանկերում բացակայող մեթոդաբանությունների կամ նորմատիվ փաստաթղթերի վերաբերյալ ձեռնարկված միջոցների վերաբերյալ, օրինակ՝ «Սննդային հավելումների, բուրավետիչների և տեխնոլոգիական օժանդակ միջոցների անվտանգության պահանջներ» և «Հավելյալ ճնշման տակ աշխատող սարքավորումների անվտանգության մասին» տեխնիկական կանոնակարգերի:

Գործարարներին հատկապես հետաքրքրել են համապատասխանության գնահատման հարցերը. արտադրանքի համապատասխանության գնահատման ընթացակարգերի օպտիմալացման վերաբերյալ, 9c սխեմայի կիրառման առանձնահատկությունների վերաբերյալ, որը ներդրվել է «Պայթյունավտանգ միջավայրերում աշխատանքի համար նախատեսված սարքավորումների անվտանգության մասին» տեխնիկական կանոնակարգի մեջ, պարզեցված ընթացակարգով համապատասխանության հավաստագրերի վերաթողարկման հնարավորությունների վերաբերյալ։

Միջոցառման մասնակիցներին տեղեկացրել են Միության պետությունների տնտեսությունների կայունության բարձրացմանն ուղղված միջոցների գործնական իրականացման ուղղությամբ՝ Հանձնաժողովի կողմից իրականացվող օպերատիվ աշխատանքի մասին։ Խոսքը, մասնավորապես, վերաբերում էր Միությունում ներդրվող արտադրանքի նոր պարտադիր պահանջների ուժի մեջ մտնելու ժամկետների օպտիմալացմանը և նման պահանջների հետ կապված անցումային շրջանների ժամկետներին։ Ինչպես նաև Միության շրջանակներում և ազգային մակարդակով նախատեսված ապրանքներին ներկայացվող պարտադիր պահանջների օպտիմալացման (ներառյալ չեղարկումը, վերանայումը, ընդունումը) վերաբերյալ, համապատասխանության գնահատման ընթացակարգերի վերաբերյալ, հաշվի առնելով միութենական պետություններում արտադրական գործընթացների տեխնոլոգիական առանձնահատկությունները՝ ներքին շուկայում ապրանքների կայուն մատակարարումը պահպանելու համար դրա րջանառության մեջ թողնելու կանոնների վերաբերյալ։