16 May 2024 Արզիբեկ Կոժոշև. «ԵԱՏՄ-ում մեծանում է գիտահետազոտական կազմակերպությունների դերը միասնական տրանսպորտային տարածքի ձևավորման գործում» ԵԱՏՄ տարածքում տրանսպորտի ոլորտի առանցքային միտումները մայիսի 15-ին քննարկել են ԵՏՀ էներգետիկայի և ենթակառուցվածքների նախարար Արզիբեկ Կոժոշևը և Ռուսաստանի «Ավտոմոբիլային տրանսպորտի գիտահետազոտական ինստիտուտի» («ԱՏԳՀԻ») գլխավոր տնօրեն Վալերի Մաշկովը։ ԵՏՀ նախարարը տեղեկացրել է ԵԱՏՄ-ում միասնական տրանսպորտային տարածքի ձևավորման և տրանսպորտային ծառայությունների ընդհանուև շուկայի ստեղծման մասին։ Այս առնչությամբ Հանձնաժողովը ԵԱՏՄ երկրների լիազոր մարմինների հետ համատեղ նորմատիվ իրավական ակտեր է մշակում և փորձնական նախագծեր իրականացնում, վերլուծում իրավիճակը ԵԱՏՄ բոլոր տրանսպորտով միջազգային բեռնափոխադրումների ոլորտում։  «ԱՏԳՀԻ» ղեկավարը, որը Ռուսաստանի Դաշնությունում տրանսպորտի ոլորտի զարգացման մի շարք ռազմավարական փաստաթղթերի մշակողն է, իր հերթին հայտնել է, որ շահագրգռված է երկարաժամկետ համագործակցության հարցում։ Վալերի Մաշկովի կարծիքով՝ փոխգործակցությունը կարող է կայանալ ԵՏՀ պրոֆիլային ուղղության աշխատակիցների որակավորման բարձրացման, տրանսպորտի ոլորտում փորձի փոխանակման հարցերի շուրջ։ Այս ամենը կնպաստի ԵԱՏՄ-ում տրանսպորտային ծառայությունների միասնական շուկայի ստեղծման և զարգացման խնդիրների լուծման արդյունավետության բարձրացմանը։ Արզիբեկ Կոժոշևը և Վալերի Մաշկովը նշել են հանդիպման դրական արդյունքները և պայմանավորվել փոխգործակցությունը շարունակելու մասին։ Ավտոմոբիլային տրանսպորտի գիտահետազոտական ինստիտուտը ավտոմոբիլային տրանսպորտի շահագործման հիմնախնդիրների ոլորտի առաջատար գիտահետազոտական կենտրոն է։ Այսպես, նրա մշակումների թվում են Մինչև 2010 թվականը Ռուսաստանի Դաշնության տրանսպորտի զարգացման ռազմավարությունը, Մինչև 2020 թվականն ընկած ժամանակահատվածի համար Ռուսաստանի Դաշնության տրանսպորտային ռազմավարությունը և Մինչև 2030 թվականն ընկած ժամանակահատվածի համար Ռուսաստանի Դաշնության տրանսպորտային ռազմավարությունը:   
02 May 2024 Արզիբեկ Կոժոշև. «Լոգիստիկ շղթաների գլոբալ փոփոխությունը դարձել է նոր տրանսպորտային ուղիների ստեղծման և զարգացման կատալիզատոր» Եվրասիական տնտեսական հանձնաժողովի տրանսպորտի և ենթակառուցվածքների նախարար Արզիբեկ Կոժոշևը ապրիլի 29-30-ը Դուբայում (ԱՄԷ) տեղի ունեցած 10-րդ գլոբալ լոգիստիկ խորհրդաժողովի ընթացքում խոսել է եվրասիական տրանսպորտային միջանցքների ստեղծման և դրանց զարգացման նոր հեռանկարների մասին։ ԵՏՀ նախարարը պատմել է տրանսպորտի և ենթակառուցվածքների ոլորտում Հանձնաժողովի աշխատանքի մասին, ինչպես նաև տրանսպորտալոգիստիկ ծառայությունների միասնական շուկայի ստեղծման, միասնական տրանսպորտային տարածքի ստեղծման առանցքային նախաձեռնությունների մասին, այդ թվում՝ հաշվի առնելով նոր իրացման շուկաների և լոգիստիկ շղթաների ձևավորումը: «Աշխարհաքաղաքական իրադարձությունների ֆոնին լեգիստիկ շղթաների գլոբալ փոփոխությունը փոխել է ավանդական միջազգային տրանսպորտային միջանցքների պատկերը, որոնց անդամ են Եվրասիական տնտեսական միության երկրները, և դարձել է նոր տրանսպորտային ուղիների ստեղծման և զարգացման կատալիզատոր», - ընդգծել է Արզիբեկ Կոժոշևը։ Իր զեկույցում նախարարը մասնակիցներին ներկայացրել է Միության տրանսպորտային ոլորտի գործունեության արդյունքները և առանցքային նախագծերը, որոնք նպաստում են ԵԱՏՄ տարածքով փոխադրումների զարգացմանը։ Խորհրդաժողովի շրջանակներում ԵՏՀ նախարարը հանդիպում է ունեցել Global Logistics Alliance GLA (Գլոբալ լոգիստիկ դաշինք) նախագահ Գրեյս Սունի հետ։ «Միջոցառումը լավ միջազգային հարթակ է տրանսպորտի և լոգիստիկայի կարևորագույն հարցերը քննարկելու համար, հատկապես ժամանակակից պայմաններում, երբ նոր երթուղիների որոնումը դառնում է գրեթե համաշխարհային միտում և այս ոլորտի ամենահրատապ օրակարգը»,- նշել է նախարարը և շնորհակալություն հայտնել խորհրդաժողովի կազմակերպման բարձր մակարդակի համար։ Գրեյս Սունը հետաքրքրություն է հայտնել ԵՏՀ-ի և ԵԱՏՄ անդամ պետությունների՝ որպես եվրասիական տարածքում տրանսպորտային ոլորտի առանցքային դերակատարների հետ Գլոբալ լոգիստիկ դաշինքի համագործակցության հարցում։ Տրանսպորտալոգիստիկ ծառայությունների շուկայի մասնակիցների միջև հաղորդակցություն հաստատելու նպատակով կազմակերպվել է երկկողմ հանդիպումների անցկացման հարթակ։ Միջոցառման շրջանակներում ԵՏՀ տրանսպորտի և ենթակառուցվածքների վարչության փոխտնօրեն Հայկ Թութունջյանը հանդիպում է ունեցել է Աբու Դաբիի տնտեսական զարգացման վարչության լոգիստիկայի զարգացման ուղղության ղեկավար Ջոն Փոլ Սիմփսոնի հետ։ Հանդիպման արդյունքում պայմանավորվածություն է ձեռք բերվել երկխոսություն հաստատելու և «Հյուսիս-Հարավ» միջազգային տրանսպորտային միջանցքի զարգացման, ծովային նավահանգիստների թվայնացման և Աբու Դաբիի նավահանգիստների ուղղությամբ և հակառակ ուղղությամբ փոխադրումների հարցերով փոխգործակցություն հաստատելու վերաբերյալ։ Գլոբալ լոգիստիկ համաժողովը միջազգային հարթակ է տրանսպորտալոգիստիկ ծառայությունների շուկայի մասնակիցների համար, որը նպաստում է համագործակցության հաստատմանը և ոլորտի արդիական հարցերի քննարկմանը: Կազմակերպիչը Գլոբալ լոգիստիկ դաշինքն է (Global Logistics Alliance GLA)՝ - ցանց, որը միավորում է աշխարհի ավելի քան 170 երկրի ավելի քան 7000 լոգիստիկ ընկերություն: Գլխավոր գրասենյակը գտնվում է Չինաստանի Շենչժեն քաղաքում։
24 Apr 2024 Արզիբեկ Կոժոշև. «ԵԱՏՄ-ի էներգետիկ հեռանկարները պետք է հաշվի առնեն այնպիսի ժամանակակից միտումներ, ինչպիսիք են անցումը ածխածնազերծմանը և կլիմայական օրակարգի գերակայությունը» էներգախնայողության, էկոլոգիայի և էներգիայի վերականգնվող աղբյուրների (ԷՎԱ) ոլորտում Եվրասիական տնտեսական միության երկրների վառելիքաէներգետիկ համալիրի զարգացման հեռանկարները համանուն միջազգային կլոր սեղանի ընթացքում քննարկել են Եվրասիական տնտեսական հանձնաժողովի, ԵԱՏՄ երկրների գիտական և գործարար համայնքների ներկայացուցիչները ԵՏՀ էներգետիկայի և ենթակառուցվածքների նախարար Արզիբեկ Կոժոշևի նախագահությամբ։ Միջոցառումը տեղի է ունեցել ապրիլի 24-ին Մոսկվայում՝ Հանձնաժողովի հարթակում։ Արզիբեկ Կոժոշևը նշել է Միության յուրաքանչյուր պետության տնտեսության ածխածնազերծման և էներգաարդյունավետության բարձրացման փուլային համալիր պլան մշակելու անհրաժեշտությունը։ Քննարկման ընթացքում անդրադարձել են եվրասիական «հնգյակի» երկրների վառելիքաէներգետիկ համալիրի ցածրածխածնային զարգացման հեռանկարները, կանաչ հավաստագրերի՝ որպես ԷՎԱ զարգացման խթանման մեխանիզմի թողարկման և շատ այլ հարցեր։ «ԵԱՏՄ-ն ունի զգալի ներուժ և բոլոր նախադրյալները վերականգնվող էներգետիկայի զարգացման համար, ինչը կարող է նոր ազդակ հաղորդել անդամ պետությունների տնտեսական զարգացմանը՝ էներգետիկ ռեսուրսների տարբերակման, նոր աշխատատեղերի ստեղծման, գիտական և նորարարական հետազոտությունների աճի և բարձր տեխնոլոգիական արտադրանքի ծավալների համապատասխան ավելացման հաշվին», — հայտարարել է ԵՏՀ նախարարը։ Քննարկելով ածխածնազերծման ոլորտում միջազգային համագործակցությունը, կլոր սեղանի մասնակիցները շեշտը դրել են Ասիական տարածաշրջանի երկրներում (ՉԺՀ-ում, Հնդկաստանում, Ճապոնիայում) էներգետիկ անցում կատարելու, ՄԱԿ-ի Կլիմայի փոփոխության շրջանակային կոնվենցիայի մասնակիցների հերթական խորհրդաժողովի օրակարգի և արտանետումների առևտրի համակարգի զարգացման հեռանկարների վրա։ Մանրամասն քննարկվել է Չինաստանում ատոմային էներգետիկայի զարգացման և կանաչ նախագծերին աջակցելու միջոցների թեման։ Անդրադարձել են Հնդկաստանում արևային էներգետիկայի զարգացման նախագծերին, մաքուր էներգիայի արտադրության ոլորտում ԵԱՏՄ պետությունների և Սաուդյան Արաբիայի միջև համագործակցության օրինակներին։ Կլոր սեղանի արդյունքում մասնակիցները համատեղ հայտարարություն են ընդունել, որում ընդգծել են վերականգնվող էներգիայի զարգացման ոլորտում ԵԱՏՄ երկրների փոխգործակցության ընդլայնման անհրաժեշտությունը, նշել Միությունում էներգախնայողության, էկոլոգիայի և ԷՎԱ զարգացման ոլորտում ինտեգրման ընդլայնման զգալի ներուժը։
17 Apr 2024 Արզիբեկ Կոժոշևը մասնակցել է տրանսպորտի կայուն զարգացմանը նվիրված կլոր սեղանին Եվրասիական տնտեսական հանձնաժողովի էներգետիկայի և ենթակառուցվածքների նախարար Արզիբեկ Կոժոշևը ապրիլի 17-ին Մոսկվայի միջազգային հարաբերությունների պետական ինստիտուտում (ՄԳԻՄՕ) կայացած «Տրանսպորտային դիվանագիտությունը և կայուն զարգացումը գլոբալ շարժունակության ապահովման գործում» կլոր սեղանի ընթացքում խոսել է Եվրասիական տնտեսական միության տրանսպորտային քաղաքականության հիմնական ուղղությունների մասին։ «Ինտեգրման միջնաժամկետ և երկարաժամկետ հեռանկարներն ամրագրված են «Եվրասիական տնտեսական ուղի» ԵԱՏՄ շրջանակներում մինչև 2030 թվականը և մինչև 2045 թվականն ընկած ժամանակահատվածում տնտեսական գործընթացների հետագա զարգացման մասին հռչակագրում: Փաստաթղթի առանցքային ուղղություններից է ընդհանուր տրանսպորտալոգիստիկ տարածության ձևավորումը, — ասել է Արզիբեկ Կոժոշևը։ — Տնտեսական առաջընթացի հասնելը, կայուն զարգացման ապահովման և ազգային տնտեսությունների մրցունակության բարձրացման ընդհանուր խնդիրների լուծումն ակնկալվում է, ի թիվս այլնի, տրանսպորտային քաղաքականության իրականացման, Եվրասիայի տրանսպորտային միջանցքների համաձայնեցված զարգացման և Մեծ Եվրասիայի նորացված տրանսպորտաենթակառուցվածքային հիմնակմախքի ստեղծման միջոցով։ ԵՏՀ նախարարը կարևորել է կլոր սեղանը՝ ընդգծելով, որ նման միջոցառումները նոր լիցք են հաղորդում տրանսպորտային ոլորտի կայուն զարգացման ուղղությամբ Հանձնաժողովի և Եվրասիական տնտեսական միության երկրների համատեղ աշխատանքին։ Կլոր սեղանը համընկել է ապրիլի 15-ից 19-ը ՄԱԿ-ի Գլխավոր ասամբլեայի հովանու ներքո անցկացվող «Կայուն զարգացման շաբաթվա» հետ։ Միջոցառմանը մասնակցել են ԵԱՏՄ տրանսպորտալոգիստիկ հատվածի, գործարար համայնքի և գիտական շրջանակների ներկայացուցիչներ։
08 Apr 2024 ԵԱՏՄ էներգառեսուրսների ընդհանուր շուկաները մեծ ներուժ ունեն եվրասիական տարածքում էներգետիկայի ոլորտի հիմնական մարտահրավերներին հաջողությամբ դիմակայելու համար Այս մասին հայտարարել է Եվրասիական տնտեսական հանձնաժողովի էներգետիկայի վարչության տնօրեն Վադիմ Զակրևսկին «Տնտեսաիրավական կարգավորումը էներգետիկայի ոլորտում» կլոր սեղանի ընթացքում, որն անցկացվել է Կազանում Թաթարստանի էներգետիկայի և էներգառեսուրսների արդյունավետության հարցերով միջազգային համաժողովի շրջանակներում։ ԵՏՀ էներգետիկայի վարչության տնօրենը տեղեկացրել է Եվրասիական տնտեսական միության անդամ պետությունների էներգետիկ ներուժի, էներգետիկայի ոլորտի գլոբալ մարտահրավերների, ինչպես նաև էներգետիկայի ոլորտում «հնգյակի» երկրների փոխգործակցության սկզբունքների և էներգառեսուրսների ընդհանուր շուկաներ ձևավորելիս երկրների կողմից իրենց առջև դրված նպատակների մասին։ «Միության էներգետիկ ռեսուրսների ընդհանուր շուկաների ձևավորման հիմքում ընկած հիմնական գերակայությունները էներգառեսուրսների կայուն մատակարարումներն ու ապահովվածությունն է, դրանց ներքին կարիքները մատչելի գներով բավարարելու ունակությունը», - հայտարարել է Վադիմ Զակրևսկին: Քննարկման մասնակիցները ծանոթացել են ԵԱՏՄ երկրների էլեկտրաէներգետիկական և նավթագազային ոլորտների գործունեության 2023 թվականի հիմնական ցուցանիշներին, ինչպես նաև ԵԱՏՄ ընդհանուր էլեկտրաէներգետիկական շուկայի ձևավորման ընթացքին։ Վադիմ Զակրևսկին նշել է, որ այսօր Միության ընդհանուր էլեկտրաէներգետիկական շուկան բարձր աստիճանի պատրաստվածության փուլում է։ Նա նաև ընդգծեց էներգառեսուրսների արժեքի որոշիչ դերը, որը պետք է սահմանվի թափանցիկ և ոչ խտրական պայմաններով և մրցակցային (հավասար) պայմաններ ապահովի անդամ պետությունների տնտեսավարող սուբյեկտների համար. սա է Միության գազի ընդհանուր շուկայի գործարկումից հիմնական ակնկալիքը: Ընդհանուր շուկաների գործարկումը թույլ կտա էական քայլ առաջ կատարել, վարել ավելի ճկուն տնտեսական քաղաքականություն ինչպես երկկողմ, այնպես էլ բազմակողմ հիմունքներով, և տնտեսավարող սուբյեկտներին հնարավորություն կտա աշխատել ինքնուրույն՝ կնքելով ինչպես ազատ (ուղիղ) պայմանագրեր, այնպես էլ բորսայական գործարքներ ոչ խտրական պայմաններով: Էներգառեսուրսների ընդհանուր շուկան կնպաստի վառելիքաէներգետիկ համալիրների ներուժի արդյունավետ օգտագործմանը և ԵԱՏՄ անդամ պետությունների էներգետիկ անվտանգության բարձրացմանը, կարծում է Վադիմ Զակրևսկին։
04 Apr 2024 ԵՏՀ-ն և ՄԱԿ ԷՍԿԱՏՕ-ն գործընկերություն են զարգացնում մատակարարումների նոր գլոբալ շղթաներ ստեղծման ուղղությամբ Լոգիստիկայի նոր իրողություններում մատակարարումների կայուն շղթաների ապահովմանն ուղղված միջոցների քննարկումը կազմակերպվել էր Եվրասիական տնտեսական հանձնաժողովի կողմից «Տրանսպորտի թվային վերափոխում. հիմնական միտումներ և սիներգետիկ էֆեկտ» պանելային նստաշրջանում՝ Առևտրի ընթացակարգերի պարզեցման հարցերով Ասիա-Խաղաղօվկիանոսյան 11-րդ համաժողովի շրջանակներում, որն անցկացվում է Սամարղանդում (Ուզբեկստան) ԷՍԿԱՏՕ-ի հովանու ներքո։ Միջոցառումը բացել են ԵՏՀ էներգետիկայի և ենթակառուցվածքների նախարար Արզիբեկ Կոժոշևը և Շանհայի համագործակցության կազմակերպության գլխավոր քարտուղարի տեղակալ Սոհայիլ Խանը։ Պանելային նստաշրջանը՝ որպես քննարկման հարթակ, համախմբել է գործարար համայնքին և միջազգային կազմակերպությունների փորձագետներին համաշխարհային առևտրում տրանսպորտի և լոգիստիկայի ժամանակակից առանձնահատկությունները քննարկելու նպատակով: Քննարկման մասնակիցները մտքեր են փոխանակել եվրասիական մայրցամաքում անխափան տրանսպորտային տարածքի ձևավորման հիմնական միտումների վերաբերյալ, ինչպես նաև որոշել տրանսպորտի ոլորտի թվայնացման գործընթացները զսպող առանցքային գործոնները: Ելույթների ընթացքում մանրամասն քննարկվել են էլեկտրոնային տրանսպորտային փաստաթղթերի ներդրման, տրանսպորտային միջանցքների զարգացման գործում նորարարության և թվային գործիքների դերի, համատեղ թվային նախագծերի ֆինանսավորման մեխանիզմների որոշման, ինչպես նաև էլեկտրոնային ստորագրության անդրսահմանային ճանաչման հեռանկարների հաշվին մատակարարումների կայուն շղթաների ապահովման հարցեր։ «Միջազգային կազմակերպությունների և միավորումների համագործակցությունը թվային տրանսպորտային համակարգերի ինտեգրման ոլորտում թույլ է տալիս աստիճանաբար ձևավորել անխափան տրանսպորտային տարածք Մեծ Եվրասիայի շրջանակներում՝ հաշվի առնելով ինքնիշխանության և ազգային շահերը հարգելու սկզբունքները», — նշել է Արզիբեկ Կոժոշևը։ Քննարկումների արդյունքներով նշվել է, որ տրանսպորտային, լոգիստիկ և մաքսային ենթակառուցվածքների զարգացած ցանցի առկայությունը, որն ընկալունակ է թվային և խելացի տեխնոլոգիաների հանդեպ, այսօր հիմնական անհրաժեշտությունն է Մեծ Եվրասիայի տարածաշրջանում տնտեսական միջանցքների պահպանման համար։ Բանախոսներն էին ԱՊՀ գործկոմի, Եվրասիայում IRU-ի մշտական ներկայացուցչության, Ուզբեկստանի տրանսպորտի նախարարությանն առընթեր «Թվային տրանսպորտ» կենտրոնի, «ՕՏԼԿ ԵՌԱ» ԲԸ-ի, «Գազինֆորմսերվիս» ՍՊԸ-ի, «Վլադիվոստոկի ծովային առևտրային նավահանգիստ» ՀԲԸ-ի (FESCO) ներկայացուցիչներ:  Ասիայի և Խաղաղօվկիանոսյան տարածաշրջանի տնտեսական և սոցիալական հանձնաժողովը (ԷՍԿԱՏՕ) ՄԱԿ-ի՝ անդամ պետությունների կազմով եզակի տարածաշրջանային հանձնաժողով է, որը կոչված է նպաստելու Ասիայի և Խաղաղ օվկիանոսի երկրների սոցիալտնտեսական զարգացմանը: ՄԱԿ-ի հինգ տարածաշրջանային հանձնաժողովներից խոշորագույնն է (ԷՍԿԱՏՕ-ի տարածաշրջանում ապրում է 3.8 մլրդ մարդ՝ մոլորակի բնակչության մոտ 60 տոկոսը): Գտնվելու վայրը՝ Բանգկոկ (Թաիլանդ): Պանելային նստաշրջանը՝ որպես side-event ԷՍԿԱՏՕ-ի համաժողովի շրջանակներում, կազմակերպվել էր ԵՏՀ տրանսպորտային բլոկի կողմից՝ ԷՍԿԱՏՕ-ի քարտուղարության հետ համագործակցությամբ, Ուզբեկստանի տրանսպորտի նախարարության և Ռուսաստանի տնտեսական զարգացման նախարարության աջակցությամբ:
02 Apr 2024 Արզիբեկ Կոժոշև. «Տեղի է ունենում բեռնահոսքերի գլոբալ շրջադարձ դեպի Արևելք և Ասիա» ԵՏՀ էներգետիկայի և ենթակառուցվածքների նախարար Արզիբեկ Կոժոշևը Մոսկվայի տնտեսական համաժողովի ընթացքում խոսել է եվրասիական տրանսպորտային միջանցքների ստեղծման և դրանց զարգացման նոր հեռանկարների մասին։ Նախարարը պատմել է տրանսպորտային ծառայությունների ընդհանուր շուկայի ստեղծման և միասնական տրանսպորտային տարածքի ստեղծման Եվրասիական տնտեսական հանձնաժողովի նախաձեռնությունների մասին, այդ թվում՝ հաշվի առնելով իրացման նոր շուկաների և լոգիստիկ շղթաների ձևավորումը։ «Տեղի է ունենում բեռնահոսքերի գլոբալ շրջադարձ դեպի Արևելք և Ասիա: Ուստի նոր ընթերցում են ստացել մեր երկրների տարածքով անցնող ավանդական միջազգային տրանսպորտային միջանցքները», — նշել է Արզիբեկ Կոժոշևը։ Հանձնաժողովի ջանքերն ուղղված են եվրասիական տրանսպորտային միջանցքների զարգացմանը և ԵԱՏՄ անդամ պետությունների տրանսպորտի ոլորտի գերակա ինտեգրացիոն ենթակառուցվածքային նախագծերի իրականացմանը։ «Այդ նպատակով ընդունվել է նաև Եվրասիական տրանսպորտային միջանցքների զարգացման համալիր պլան, հաստատվել է տրանսպորտի ոլորտի գերակա ինտեգրացիոն ենթակառուցվածքային նախագծերի ցանկը, տարեկան կտրվածքով Միության կառավարությունների ղեկավարների քննարկմանն է ներկայացվում համապատասխան զեկույց «Արևելք-Արևմուտք» և «Հյուսիս-Հարավ» ուղղություններով տրանսպորտային ենթակառուցվածքների ստեղծման ու զարգացման մասին, այդ թվում՝ չինական «Մեկ գոտի, մեկ ճանապարհ» նախաձեռնության հետ զուգակցման շրջանակներում», — հայտնել է նախարարը։ Հանձնաժողովը և Միության անդամ պետություններն այսօր ակտիվորեն զբաղվում են բեռնարկղային և մուլտիմոդալ փոխադրումների զարգացմամբ, թվային տեխնոլոգիաների ներդրմամբ, խելացի տրանսպորտային համակարգերի մասին փաստաթղթերի մշակմամբ։ «Մենք հասկանում ենք, որ չնայած առկա դժվարություններին, Միությունում տրանսպորտային ծառայությունների ընդհանուր շուկայի արժեքը բազմակի աճել է։ Այսօր նոր հնարավորություններ են բացվել տրանսպորտի զարգացման և մեր երկրների տնտեսական կայունության ապահովման համար», — նշել է ԵՏՀ էներգետիկայի և ենթակառուցվածքների նախարար Արզիբեկ Կոժոշևը։
29 Mar 2024 ԵԱՏՄ էներգետիկայի նախարարները քննարկել են ընդհանուր էներգաշուկաների ստեղծման սկզբունքային հարցեր Միության անդամ պետությունների էներգետիկայի ոլորտի լիազոր մարմինների ղեկավարների խորհուրդը՝ ԵՏՀ էներգետիկայի և ենթակառուցվածքների նախարար Արզիբեկ Կոժոշևի նախագահությամբ, քննարկել է ԵԱՏՄ ընդհանուր էներգաշուկաների ստեղծման արդիական հարցեր, ինչպես նաև Եվրասիական տնտեսական միության էներգետիկական անվտանգության ապահովման հիմնական սկզբունքները և ուղղությունները։ Բարձր մակարդակի խորհրդակցությունը կայացել է մարտի 29-ին ԵՏՀ հարթակում։ Կողմերը քննարկել են Միության գազի, նավթի և նավթամթերքի ընդհանուր շուկաների ձևավորման մասին միջազգային պայմանագրերի առանձին ասպեկտներ և նախապատրաստման ընթացքը: «Մենք մտադիր ենք առաջիկայում շարունակել չհամաձայնեցված հարցերի առարկայական քննարկումը Միության մարմինների մակարդակով», - տեղեկացրել է ԵՏՀ նախարարը։ Էներգետիկայի նախարարները նաև հաստատել են, որ նպատակաուղղված են ընդհանուր էներգաշուկաների գործունեության զգայուն հարցերի շուրջ փոխընդունելի լուծումների ձեռքբերմանը։ Հանդիպման ընթացքում կողմերը նաև ճանաչել են անդամ պետությունների և ամբողջ ԵԱՏՄ-ի էներգետիկական անվտանգության ապահովմանն միջոցների բավարարությունը և հայտնել, որ մտադիր են շարունակել համագործակցությունը էներգետիկական անվտանգության ամրապնդման ուղղությամբ։ «ԵԱՏՄ անդամ պետությունները միասնական են մի շարք դիրքորոշումների հարցում։ Էներգառեսուրսների ընդհանուր շուկաների ստեղծումը և էներգետիկական անվտանգության ապահովումը ԵԱՏՄ երկրների ընդհանուր և կարևոր խնդիրն է»,- նշել է Արզիբեկ Կոժոշևը։
Ցուցադրել ավելին