Նորություններ

Ղրղզստանի Հանրապետություն կատարած աշխատանքային այցի ընթացքում ԵՏՀ մաքսային համագործակցության նախարար Էլդար Ալիշերովը Եվրասիական տնտեսական հանձնաժողովի և ԵԱՏՄ երկրների լիազոր մարմինների փորձագետների խմբի հետ մարտի 26-ին այցելել է Ղրղզստանի և Տաջիկստանի սահմանի «Կիզիլ-բել» արդիականացված ավտոմոբիլային անցակետ (ԱԿ), որտեղ ծանոթացել է նրա մաքսային ենթակառուցվածքներին։

Ղրղզստանի Հանրապետության արտաքին սահմանի անցակետերի արդիականացման միջոցառումների իրականացման համատեղ մշտադիտարկման շրջանակներում փորձագետները հաստատել են ԵԱՏՄ պահանջներին համապատասխան «Կիզիլ-Բել» ԱԿ-ի սարքավորման և նյութատեխնիկական հագեցման ավարտը:

Անցակետի հագեցումը ժամանակակից սարքավորումներով և մաքսային հսկողության համալիր տեխնիկական միջոցներով կնպաստի տարանցիկ ներուժի զարգացմանը և միևնույն ժամանակ կապահովի մաքսային հսկողության համապատասխան մակարդակ։

ԵՏՀ նախարարը նաև մասնակցել է Ղրղզստանի Հանրապետության ֆինանսների նախարարությանն առընթեր պետական մաքսային ծառայության ներկայացուցիչների հետ աշխատանքային խորհրդակցությանը, որի ընթացքում ամփոփվել են ԵԱՏՄ-ին Ղրղզստանի Հանրապետության անդամակցության շրջանակներում անցակետերի արդիականացման ստանձնած պարտավորությունների կատարման արդյունքները:

«Ղրղզստանի Հանրապետությունն ամբողջությամբ ավարտել է անցակետերի սարքավորման և նյութատեխնիկական հագեցման միջոցառումները, որոնք նախատեսված են Եվրասիական տնտեսական միության մասին պայմանագրին Ղրղզստանի Հանրապետության անդամակցության հետ կապված Պայմանների և անցումային դրույթների մասին արձանագրությամբ», - նշել է Էլդար Ալիշերովը:

Ղրղզստանի անցակետերի մաքսային ենթակառուցվածքի արդիականացման մշտադիտարկման արդյունքների հիման վրա Հանձնաժողովը զեկույց կպատրաստի, որը կուղարկվի ԵԱՏՄ անդամ պետություններ և կներկայացվի Միության մաքսային սահմանին վերահսկող մարմինների փոխգործակցության խորհրդատվական կոմիտեի նիստին քննարկմանը։