Жаңалықтар

26 маусымның 2025 Минскіде өтіп жатқан ЕЭФ-2025-те ядролық технологиялар саласындағы кооперацияның перспективалық бағыттары талқыланды 26 маусымда Минскіде IV Еуразиялық экономикалық форумда «Еуразиялық экономикалық одақтағы өнеркәсіптік ынтымақтастықтың негізгі бағыттары аясында 2030 жылға дейін ядролық технологияларды дамыту: ЕАЭО-ға мүше мемлекеттердің кооперациялық өзара іс-қимылының перспективалары» атты дөңгелек үстел өтті. Дөңгелек үстелге Еуразиялық экономикалық комиссияның өнеркәсіп және агроөнеркәсіптік кешен министрі Гоар Барсегян қатысты. Іс-шара мемлекеттік органдар мен ұйымдар басшыларының, Еуразиялық экономикалық одақ елдерінде және Өзбекстанда ядролық технологияларды дамытуға жауап беретін ғылыми топ өкілдерінің қызығушылығын тудырды. ЕЭК Министрі Комиссияда Еуразиялық технологиялық платформалар және өнеркәсіптік кооперацияға қаржылай жәрдемдесу механизмі сияқты қолданыстағы өнеркәсіптік кооперацияны ынталандыру жөніндегі құралдарды белсенді пайдалануға шақырды. «Ядролық және радиациялық машина жасау саласында Еуразиялық технологиялық платформаны құру саланың негізгі ұйымдарының кооперациялық ынтымақтастығын дамытуды қосымша ынталандырады және Одақ аясында мемлекеттік органдардың, бизнес пен ғылымның мүдделерін шоғырландыруға мүмкіндік береді», – деп атап өтті Гоар Барсегян. Дөңгелек үстелге қатысушылар Одақ елдерінің және ЕАЭО жанындағы байқаушы мемлекеттің, яғни Өзбекстанның ядролық медицина саласындағы негізгі құзыреттері мен жетістіктері, өнеркәсіптегі ядролық технологияларды дамыту туралы айтты. Радиоактивті фармацевтік дәрі-дәрмектердің инновациялық өндірісінен бастап, Қырғызстанда ядролық медицина орталығын құру жөніндегі Ресей-Қырғыз жобасын қоса алғанда, ядролық саладағы бірқатар бірлескен бастамаларды іске асыруға дейінгі көптеген мәселелер қозғалды. «Росатом» мемлекеттік корпорациясы Одақ мемлекеттерінің ғылыми ынтымақтастығын дамыту үшін зор маңызы бар КЖЗР көп мақсатты зерттеу реакторын құру жөніндегі жобаны таныстырды. Іс-шараға қатысушылар ұлттықтан жоғары деңгейде экономикалық және ғылыми-техникалық диалог деңгейін арттыруға, ядролық технологиялар саласындағы қолданбалы бірлескен жобаларды іске асыруға, медицинадан бастап АЭС-ке арналған жабдыққа дейінгі инновациялық әзірлемелермен алмасып отыруға келісті.

25 маусымның 2025 Наталья Петкевич пен Гоар Барсегян Одақ аясында өнеркәсіп пен АӨК дамуын талқылады 25 маусымда Минскіде Еуразиялық экономикалық комиссияның өнеркәсіп және агроөнеркәсіптік кешен министрі Гоар Барсегян Беларусь Республикасы Премьер-министрінің орынбасары, ЕЭК Кеңесінің төрағасы Наталья Петкевичпен жұмыс кездесуін өткізді. Тараптар Еуразиялық экономикалық одақ аясында өнеркәсіп пен АӨК-ті дамытуға байланысты көптеген мәселелерді талқылады. Бірлескен жобаларды іске асыруға, кооперациялық байланыстарды нығайтуға, салаларды технологиялық дамытуға және олардың бәсекеге қабілеттілігін арттыруға ерекше назар аударылды. Беларусьтің ЕАЭО-ның өнеркәсіптік жобаларына қаржылай жәрдемдесу механизмін іске асыруға қатысуы, технологиялық платформалардың жұмысын жетілдіру жөніндегі ұсыныстар, сондай-ақ өнеркәсіпте даму мен импортты алмастырудың бірыңғай бағдарламасын әзірлеу жөніндегі бастама қаралды. «Еуразиялық экономикалық жол» декларациясын орындау, «ИННОПРОМ БЕЛАРУСЬ» халықаралық өнеркәсіптік көрмесін дайындау міндеттері талқыланды. Сонымен қатар тамақ өнімдері мен дәрілік препараттарды өндіру үшін микроорганизмдер штаммдарын құрудың мемлекетаралық бағдарламасын әзірлеу мәселелері қозғалды. Кездесу қорытындысы бойынша тараптар талқыланған барлық бағыттар бойынша тұрақты диалогты жалғастырудың маңыздылығы туралы келісімге келді.

20 маусымның 2025 Петербург халықаралық экономикалық форумында АӨК-тегі стратегиялық әріптестік талқыланды Петербург халықаралық экономикалық форумындағы Ресей – Армения бизнес-диалогы барысында Еуразиялық экономикалық одақ шеңберіндегі агроөнеркәсіптік кешендегі ұзақ мерзімді және өзара тиімді ынтымақтастықтың мүмкіндіктері бағаланды. "Одақтың азық-түлікпен қамтамасыз етілу деңгейі 92%-ға жетті, бұл оның экономикалық орықтылығын растайды. Бұл ретте мүше мемлекеттер ортақ аграрлық нарықтың тұрақтылығын күшейте алатын сегменттер қалады", — деп мәлімдеді Еуразиялық экономикалық комиссияның Өнеркәсіп және агроөнеркәсіптік кешен жөніндегі министрі Гоар Барсегян. Бәсекеге қабілеттілікті арттыру, саланың орнықты экономикалық өсуі үшін жағдай жасау және тиімді жеткізу тізбегін құру мақсатында Комиссия бизнеспен өзара іс-қимыл жасай отырып, агроөнеркәсіптік кешенге кооперациялық жобаларды қаржыландыру механизмін кеңейту бойынша жұмыс істеуде. ЕЭК министрінің сөзінше, селекция және тұқым шаруашылығы, мал шаруашылығы, ауыл шаруашылығы өнімдерін қайта өңдеу, сондай-ақ АӨК инфрақұрылымы сияқты салаларда іске асыру үшін перспективалы бағыттар анықталды. "Мұндай қаржы құралын құру экономиканың нақты секторының бастамаларын қолдау үшін Одақтың ортақ нарығының ауқымын іске қосуға, елдеріміздің технологиялық және өндірістік құзыреттерін пайдалануға мүмкіндік беретін маңызды практикалық қадам болып табылады", – деп атап өтті Гоар Барсегян. 10 жыл ішінде ЕАЭО елдерінде ауыл шаруашылығы өнімінің өндірісі 25%–дан астам, өзара сауда екі есе (16 млрд долларға дейін) өсті. Армения ЕАЭО-ға кірген сәттен бастап агроөнімдерді жеткізу, әсіресе көкөніс, жеміс және өңделген өнім санаттарында төрт еседен астам өсті.

20 маусымның 2025 Гоар Барсегян: "Еуразиялық технологиялық платформалар айтарлықтай интеграциялық әлеуетке ие" Еуразиялық экономикалық комиссияның Өнеркәсіп және агроөнеркәсіптік кешен жөніндегі министрі Гоар Барсегян Петербург халықаралық экономикалық форумының "Шамшырақ зауыттар: ЕАЭО өнеркәсібі үшін озық шешімдер" панельдік сессиясында сөз сөйледі. Іс-шара Еуразиялық экономикалық одақта жоғары технологиялық салаларды дамытуға арналды. Қатысушылар инновациялық жобаларды іске асыруды, жасанды интеллект пен робототехника негізінде жаңа кәсіпорындар құруды, сондай-ақ өңірдегі технологиялық даму перспективаларын талқылады. "Технологияларды дамыту жөніндегі міндеттерді іске асыру мақсатында Еуразиялық экономикалық одақта Одақ елдерінің айтарлықтай интеграциялық әлеуетке ие технологиялық және инновациялық қызметін үйлестіру құралы — Еуразиялық технологиялық платформалар құрылды", — деп атап көрсетті Гоар Барсегян. ЕЭК министрі сессияға қатысушыларды Комиссияның мүше мемлекеттермен бірлесіп "Өнеркәсіптік робототехника" мемлекетаралық бағдарламасын әзірлей отырып, жаңа "Робототехника" технологиялық платформасын құру жолындағы жұмысы туралы хабардар етті. Бастама бірінші кезекте цифрлық технологияларды дамытуға және Одақ елдерінің өнеркәсіптік кешендеріне ендіруге бағытталған. "Қазіргі заманғы әлемде цифрлық технологияларсыз өнеркәсіпті дамыту мүмкін емес. Біз осы бағытқа көп көңіл бөлеміз, "Өнеркәсіп" цифрлық порталын құру бойынша белсенді жұмыс жүргізілуде. Ол кооперациялық өндірістік тізбектерді қалыптастыру және бизнесті қолдау бойынша тиімді құрал болады", — деп атап өтті Гоар Барсегян.  

19 маусымның 2025 Гоар Барсегян: "Өнеркәсіптік кооперацияны қаржыландыру – экономикалық интеграцияны тереңдетудің маңызды қадамы" Еуразиялық экономикалық комиссияның Өнеркәсіп және агроөнеркәсіптік кешен жөніндегі министрі Гоар Барсегян бұл туралы Петербург халықаралық экономикалық форумында өткен "Ресей-Қазақстан диалогы. Өнеркәсіптік ынтымақтастықтың жаңа көкжиектері" бизнес-диалогы барысында мәлімдеді. ЕЭК министрі экономиканың нақты секторының Ресей мен Қазақстан арасындағы ғана емес, тұтастай Еуразиялық экономикалық одақ шеңберіндегі ынтымақтастықты дамытудағы маңызды рөлін атап өтті. "Бизнестің бастамасы бойынша ЕАЭО-да өнеркәсіптік кооперацияны қаржылай қолдаудың жаңа механизмі құрылды. Комиссия 2024 жылғы шілде айынан бастап іске қосқан бұл құрал экономикалық интеграцияны тереңдетуде, кәсіпкерлердің практикалық өзара іс-қимылын дамытуда маңызды қадам болды", — деп мәлімдеді Гоар Барсегян. ЕЭК министрі атап көрсеткендей, механизм Одақ елдерінің түйінді ставкасының 100%-ы деңгейінде кредиттер бойынша пайыздық ставканы субсидиялауды, сондай-ақ кооперацияны күшейтетін, тәжірибе ауысуға және технологиялық өсуге ықпал ететін ЕАЭО-ның үш және одан да көп мемлекетінің кәсіпорындарының қатысуын көздейді. Оның сөзінше, Қазақстанда ауыл шаруашылығы техникасын бірлесіп шығаруды қоса, алғашқы екі жобаны қаржыландыру мақұлданды. Бұл жобаны іске асыру Ресей және Беларусь кәсіпорындардың қатысуымен астық жинайтын комбайндар өндірісін қамтамасыз етеді. ЕЭК министрі ЕАЭО елдері үкіметтері басшыларының оң тәжірибені ескере отырып, агроөнеркәсіптік кешенге арналған кооперациялық жобаларды қолдау механизмін кеңейту жөніндегі бастаманы мақұлдағанын хабарлады. "Экономикалық әлеуеттер мен ұлттық құзыреттерді біріктіре отырып, біз экономикалық өсудің, орнықты технологиялық дамудың сенімді базасына айналатын интеграциялық кеңістік құра аламыз", – деп түйіндеді Гоар Барсегян. 2024 жылы ЕАЭО-да өнеркәсіп өндірісінің көлемі өткен жылмен салыстырғанда 4,5% өсті. ЕАЭО елдерінің Қазақстанмен жалпы тауар айналымының шамамен 80%-ы өңдеу өнеркәсібінің өніміне тиесілі. 

05 маусымның 2025 ЕЭК ЕАЭО елдерінің өнеркәсіптік ынтымақтастығын кеңейту перспективаларын Еуразиялық металлургиялық құзырет орталығын құрудан көріп отыр Еуразиялық экономикалық комиссияның Өнеркәсіптік саясат департаментінің директоры Николай Кушнарев И.П. Бардин атындағы Орталық қара металл ғылыми-зерттеу институты басшылығымен Еуразиялық экономикалық одақ кеңістігінде металлургия саласындағы кооперациялық ынтымақтастықты дамытуды талқылады. Әңгімелесушілер қара металлургияны технологиялық дамыту саласындағы өнеркәсіптік ынтымақтастықтың перспективалық бағыттарын, өндірісті игеруді және өнеркәсіптің әртүрлі саласы үшін тозуға төзімді болаттың жаңа түрін қолдануды (ауыл шаруашылығы машиналарын жасау, автомобиль жасау, теміржол машиналарын жасау, көмірсутек шикізатын, құбырларды, ресурсы көтеріңкі мойынтіректерді тасымалдау), ЕАЭО жанындағы байқаушы мемлекеттермен салалық ынтымақтастықты кеңейту мәселелерін қарастырды. "ЕЭК-тің ЕАЭО өнеркәсібіндегі кооперацияны қаржылай қолдау жөніндегі жаңа механизмі жаңа металлургиялық өндірістерді құру және Одақ елдеріндегі қазіргі бар қуаттарды жаңғырту кезінде тиімді пайдаланылуы мүмкін", — деп атап өтті Николай Кушнарев. И.П. Бардин атындағы Орталық қара металл ғылыми-зерттеу институты — металтану, металлургиялық технология және металдар физикасы саласындағы әзірлемелермен айналысатын ғылыми-зерттеу институты.

02 маусымның 2025 Виталий Вовк: "Станок жасау өнімінің ЕАЭО шеңберіндегі бәсекеге қабілеттілігі мүше мемлекеттер тарапынан қолдауды талап етеді" Еуразиялық экономикалық комиссияның Өнеркәсіптік саясат департаменті директорының орынбасарлары Виталий Вовк пен Лаура Садықова "Металл өңдеу-2025" металл өңдеу өнеркәсібіне арналған жабдықтардың, аспаптар мен құралдардың халықаралық мамандандырылған көрмесіне қатысты. Көрменің іс-шаралары және оның алаңында өткен "Инвестициялар. Даму. Кооперация" халықаралық сауда-өнеркәсіп конгресі шеңберінде аса маңызды компоненттер өндірісін өзіндік қуаттарда дамыту қажеттігі атап өтілді. ЕЭК өкілдері Беларусь пен Ресейдің бірқатар станок-аспап өнімдерін өндірушілерімен кездесті. Келіссөздер барысында Виталий Вовк: "Қазір, біріншіден, ЕАЭО елдері үшін аса маңызды жиынтықтауыштар өндірісін жолға қою, екіншіден, ішкі бәсекелестік туғызбау үшін Еуразиялық экономикалық одақ елдерінің станок жасау кәсіпорындарын мамандандыруды жүргізу аса маңызды", — деп атап көрсетті. Ол сондай-ақ қазіргі кезеңде Еуразиялық станоктар мен жиынтықтауыштардың бәсекеге қабілеттілігін арттыру үшін тапсырыстарды қамтамасыз ету және дайын өнімді өткізу кепілдіктерін беру бөлігінде Одақ елдерінің елеулі қолдауы қажет екенін атап өтті. Блок өкілдері көрмеге қатысушыларды мүше мемлекеттер кәсіпорындарының кооперациялық тізбектеріне тартуға шақыра отырып, оларға өнеркәсіптік кооперацияны қаржыландыру механизмі туралы айтып берді.

Жаңалықтар

ЕАЭО ресурстары