ЕЭК падоўжыла дзеянне антыдэмпінгавай пошліны на кітайскія падшыпнікі і апавясціла Расію аб неабходнасці выконваць права ЕАЭС

   На пасяджэнні Калегіі Еўразійскай эканамічнай камісіі (ЕЭК) 21 жніўня разгледжаны пытанні ў сферы гандлю, функцыянавання ўнутраных рынкаў, тэхнічнага і мытнага рэгулявання. У прыватнасці, Калегія ЕЭК падоўжыла дзеянне антыдэмпінгавай пошліны ў дачыненні да падшыпнікаў качэння з Кітая, абнуліла мытныя пошліны на асобныя віды абсталявання для вырошчвання рыбы, ухваліла праект Мемарандума аб узаемаразуменні паміж ЕЭК і Агенцтвам Глабальнай наменклатуры медыцынскіх вырабаў, прыняла шэраг іншых рашэнняў па паглыбленні інтэграцыі паміж краінамі Еўразійскага эканамічнага саюза (ЕАЭС).Калегія ЕЭК падоўжыла дзеянне антыдэмпінгавай пошліны ў дачыненні да падшыпнікаў качэння (за выключэннем ігольчатых) з Кітая. Пошліна складае ад 31,3% да 41,5% ад мытнага кошту ў залежнасці ад кітайскага прадпрыемства-вытворцы.У адпаведнасці з рашэннем Калегіі ЕЭК ад 17 верасня 2013 года антыдэмпінгавая мера на падшыпнікі качэння дзейнічала да 20 студзеня 2018 года, на перыяд расследавання яе дзеянне прадаўжалася.Па выніках паўторнага расследавання Камісія ўстанавіла, што пры адсутнасці антыдэмпінгавай меры кітайскія экспарцёры змогуць нарасціць аб'ёмы паставак падшыпнікаў на рынак Саюза па дэмпінгавых цэнах. Гэта прывяло б да пагаршэння эканамічнага становішча галіны.Абнулены мытныя пошліны на асобныя віды абсталявання для вырошчвання рыбы, у прыватнасці на плывучыя сродкі, прызначаныя для кармлення рыбы і рыбаводныя саджанні для развядзення рыбы ў адкрытым моры. Мера будзе дзейнічаць па 31 снежня 2019 года ўключна. Сёння мытныя пошліны на гэтыя тавары складаюць 10-15%.Гаворка ідзе аб рыбаводным абсталяванні, якое ўсталёўваецца на марскую ферму і прызначана для прамысловага вырошчвання атлантычнага ласося і вясёлкавай фарэлі. У дзяржавах ЕАЭС яно не вырабляецца, імпартуецца ў асноўным з Нарвегіі.Мера спрыяе павелічэнню аб'ёмаў прамысловага вырошчвання ласосевых, узмацненню канкурэнтаздольнасці рыбаводчых прадпрыемстваў Саюза, рэалізацыі праектаў па асваенні прыдатных для развядзення рыбы марскіх участкаў і будаўніцтву рыбаводчых ферм.Калегія ЕЭК разгледзела пытанне аб увядзенні Федэральнай службай па ветэрынарным і фітасанітарным наглядзе Расійскай Федэрацыі часовых абмежаванняў на пастаўкі ў Расію шампіньёнаў з Рэспублікі Беларусь.Падчас абмеркавання, у якім прынялі ўдзел у тым ліку прадстаўнікі беларускага і расійскага бакоў, прынята рашэнне паведаміць Расіі аб неабходнасці выконваць права ЕАЭС ў сувязі з увядзеннем Рассельгаснаглядам часовых абмежаванняў на пастаўкі на расійскую тэрыторыю шампіньёнаў з Рэспублікі Беларусь.Абмежаванне было ўведзена ў сувязі з тым, што 14 ліпеня Рассельгаснагляд на пункце каранціннага фітасанітарнага кантролю выявіў партыю свежых шампіньёнаў, якая экспартуецца беларускім прадпрыемствам, на маркіроўцы якой краінай паходжання была паказаная Рэспубліка Польшча. Пры гэтым груз суправаджаўся фітасанітарным сертыфікатам, выдадзеным упаўнаважаным органам Беларусі.Рассельгаснаглядам было прынята рашэнне аб поўнай забароне, пачынаючы з 24 ліпеня, увозу ў Расію шампіньёнаў, краінай паходжання якіх з'яўляецца Рэспубліка Беларусь.Таксама беларускаму боку прапанавана ўзмацніць кантроль за абаротам прадукцыі расліннага паходжання.Пералік радовішчаў Расійскай Федэрацыі, нафта з якіх, згодна з Таварнай наменклатурай знешнеэканамічнай дзейнасці (ТН ЗЭД) ЕАЭС, абкладаецца нулявой экспартнай пошлінай, дапоўнены Паўднёва-Лямінскім нафтавым радовішчам.Калегія ЕЭК зацвердзіла Праграму па распрацоўцы (унясенні змяненняў, пераглядзе) міждзяржаўных стандартаў, якія змяшчаюць правілы і метады даследаванняў (выпрабаванняў) і вымярэнняў, у тым ліку правілы адбору ўзораў, неабходныя для прымянення і выканання патрабаванняў тэхрэгламенту ЕАЭС «Аб патрабаваннях да мінеральных угнаенняў» і ажыццяўлення ацэнкі адпаведнасці аб'ектаў тэхнічнага рэгулявання.Праграма прадугледжвае падрыхтоўку да 2019 года аднаго міждзяржаўнага стандарту, адказным распрацоўшчыкам якога вызначаны Казахстан, і шасці міждзяржаўных стандартаў на аснове перагляду шэрагу дзеючых міждзяржаўных стандартаў, чым зоймецца Расія.Праграма ўключае, у прыватнасці, распрацоўку метаду вызначэння ўдзельнай актыўнасці натуральных радыёнуклідаў у мінеральных угнаеннях (яго распрацуе Казахстан). Акрамя таго, у Праграму ўваходзіць распрацоўка метадаў адбору і падрыхтоўкі пробаў, вызначэння ў мінеральных угнаеннях грануламетрычнага складу, масавай долі хларыдаў у аміячнай салетры і ўгнаеннях на яе аснове, вызначэння ўтрымання біўрэта.Зацверджаны пералік прадукцыі, у дачыненні да якой падача мытнай дэкларацыі суправаджаецца прадстаўленнем дакумента аб ацэнцы адпаведнасці патрабаванням тэхрэгламенту ЕАЭС «Аб патрабаваннях да мінеральных угнаенняў».У пераліку – пяць відаў угнаенняў з кодамі ТН ЗЭД ЕАЭС. Гэта азотныя, калійныя, фосфарныя ўгнаенні, а таксама мікраўгнаенні і комплексныя ўгнаенні з заяўленым утрыманнем некалькіх асноўных пажыўных элементаў, у тым ліку з макра- і мікраэлементамі. Тэхрэгламент не распаўсюджваецца на арганічныя і арганамінеральныя ўгнаенні.Калегія ЕЭК ухваліла праект Мемарандума аб узаемаразуменні паміж Еўразійскай эканамічнай камісіяй і Агенцтвам Глабальнай наменклатуры медыцынскіх вырабаў.Агенцтва фарміруе і вядзе прызнаны на міжнародным узроўні сістэматызаваны наменклатурны класіфікатар відаў медвырабаў. Глабальную наменклатуру цяпер выкарыстоўваюць больш за 70 нацыянальных рэгулятараў медыцынскіх вырабаў.У рамках мемарандума намечана абнаўляць наменклатуру медвырабаў ЕАЭС у адпаведнасці са змяненнямі Глабальнай наменклатуры, абменьвацца інфармацыяй і вопытам, праводзіць сумесныя сустрэчы, кансультацыі, навукова-практычныя семінары і канферэнцыі па пытаннях, якія прадстаўляюць узаемную цікавасць.Рэалізацыя мемарандума дапаможа гарманізаваць наменклатуру медыцынскіх вырабаў ЕАЭС з Глабальнай наменклатурай, наладзіць узаемадзеянне па класіфікацыі медвырабаў Бакоў, удасканаленні іх наменклатур.Зацверджаны даведнік відаў змяненняў, якія ўносяцца ў рэгістрацыйнае дасье медыцынскага выраба, і класіфікатар відаў дакументаў, якія афармляюцца пры разглядзе рэгістрацыйнага дасье медвыраба.Даведнік і класіфікатар уключаны ў склад рэсурсаў адзінай сістэмы нарматыўна-даведачнай інфармацыі ЕАЭС. Выкарыстанне кодавых пазначэнняў даведніка і класіфікатара з'яўляецца абавязковым пры рэалізацыі агульных працэсаў у Саюзе ў сферы абароту медвырабаў.Даведнік сфарміраваны на аснове кадавання звестак у дачыненні да відаў змяненняў, якія ўносяцца ў рэгістрацыйнае дасье медыцынскага выраба, згодна з Правіламі рэгістрацыі і экспертызы бяспекі, якасці і эфектыўнасці медвырабаў. Класіфікатар – на аснове кадавання звестак у дачыненні да відаў дакументаў, якія афармляюцца пры разглядзе рэгістрацыйнага дасье медвыраба.Зацверджаныя дакументы мяркуецца выкарыстоўваць пры электронным узаемадзеянні паміж упаўнаважанымі органамі краін ЕАЭС, у тым ліку пры фарміраванні, вядзенні і выкарыстанні адзінага рэестра медыцынскіх вырабаў, зарэгістраваных у Саюзе, а таксама пры фарміраванні заявак аб выкананні працэдур, прадугледжаных Правіламі рэгістрацыі.Калегія ЕЭК зацвердзіла правілы рэалізацыі агульнага працэсу выкарыстання баз дадзеных дакументаў, якія афармляюцца ўпаўнаважанымі органамі дзяржаў ЕАЭС пры рэгуляванні знешняга і ўзаемнага гандлю, у тым ліку тых, якія прадстаўляюцца пры здзяйсненні мытных аперацый для пацверджання выканання забарон і абмежаванняў.Дакумент забяспечыць уніфікацыю арганізацыйных і тэхнічных рашэнняў пры выкарыстанні адзінага масіва дадзеных. За кошт інфармацыйнага супрацоўніцтва ўзаемадзеянне ўпаўнаважаных і зацікаўленых органаў стане прасцей і больш эфектыўным.Калегія ЕЭК класіфікавала спецыялізаваныя харчовыя прадукты ў пэўных пазіцыях адзінай ТН ЗЭД ЕАЭС.Спецыялізаваны харчовы прадукт у выглядзе парашка або канцэнтраванай вадкасці, які складаецца з сумесі амінакіслот або раслінных экстрактаў з даданнем вітамінаў, мікра- і (або) макраэлементаў, які змяшчае дапаможныя рэчывы, прызначаны для збалансаванага дапаўнення да сілкавання чалавека і патрабуе перад ужываннем дадатковай падрыхтоўкі (развядзення вадой), вызначаны ў таварнай пазіцыі 2106 ТН ЗЭД ЕАЭС. Спецыялізаваны харчовы прадукт у выглядзе вадкасці, які складаецца з сумесі бялкоў, раслінных алеяў, вугляводаў з даданнем вітамінаў, мікра- і (або) макраэлементаў, які змяшчае дапаможныя рэчывы, прызначаны для збалансаванага дапаўнення да сілкавання чалавека і ўжываецца ў якасці напою, аднесены да таварнай пазіцыі 2202 ТН ЗЭД ЕАЭС.Гідраўлічны перфаратар і пагружны пнеўмаўдарнік Калегія ЕЭК класіфікавала ў таварнай пазіцыі 8412 ТН ЗЭД ЕАЭС, што неабходна для фарміравання аднастайнага падыходу да класіфікацыі гэтых інструментаў у краінах ЕАЭС.