7-8 снежня ў Еўразійскай
эканамічнай камісіі адбудзецца міжнародны семінар па актуальных пытаннях у
галіне каранціну раслін.
У
семінары возьмуць удзел член Калегіі (міністр) па тэхнічным рэгуляванні ЕЭК
Валерый Карашкоў, прадстаўнікі Сусветнай гандлёвай арганізацыі, Харчовай і
сельскагаспадарчай арганізацыі Аб'яднаных Нацый, Сакратарыята Міжнароднай
канвенцыі па каранціне і ахове раслін, Еўрапейскай і Міжземнаморскай
арганізацыі па каранціне і ахове раслін, прадстаўнікі ўпаўнаважаных органаў па
каранціне і ахове раслін дзяржаў-членаў Еўразійскага эканамічнага саюза і
краін-удзельніц Еўрасаюза, а таксама прадстаўнікі Дэпартамента інфармацыйных
тэхналогій ЕЭК.
Удзельнікі
семінара азнаёмяцца з сітуацыяй па распрацоўцы і прымяненні нацыянальнымі
арганізацыямі па каранціне і ахове раслін (НАКАР) электронных фітасанітарных
сертыфікатаў у свеце, з досведам іх прымянення ў асобных краінах, абмяркуюць
пытанні кантролю пры перамяшчэнні падкаранціннай прадукцыі па тэрыторыі
Еўрапейскага саюза і Еўразійскага эканамічнага саюза, у тым ліку элементы
прасочвальнасці падкаранціннай прадукцыі.
Акрамя
таго, на семінары плануецца выступленне прадстаўнікоў СГА па пытаннях
прымянення Пагаднення СГА па санітарных і фітасанітарных мерах і дзейнасці СГА
паводле Пагаднення па спрашчэнні працэдур гандлю.